عاوز اشترى بولو..... رأيكم يا رجالة يهمنى

[Flamingo]

السلام عليكم ورحمة الله
فى الحقيقة انا عاوز رأيكم فى موضوع شرا عربية... انا من زمان دايما بركب الفيات ومتعود علية عشان انت عارف قطع الغيار والميكانيكة سهلة وهى شغالة والحمد لله معايا ريجاتا 1500 سي سي زى الفل ومريحانى وعربية قوية ومتينة فى ظل هجمات سواقين اليومين دول .
فى الحقيقة انا كنت عاوز اغير ببولو.. شايفها عربية جميلة شكلا وموضوعا ولكن متخوف من شوية حاجات ورأيكم يهمنى.
موضوع ال1000 سي سي مؤثر وححس بفرق من اللى انا راكبة دلوقت؟
التكيف كفاءة ولا تعبان؟
موضوع قطع الغيار؟
اى ميكانيكى يشتغل فيها؟
الأكسسوار؟
عائلية ؟

رأيكم يا رجالة

[OSaMa.GHaMrY]

انا معايا بولو 2001
بصراحه عربيه جميله جداا بس لازم تهتم بيها وتصونها كويس وتعملها صيانتها باهتمام
بالنسبه للماتور انا عربيتى متسقطلها ماتور 1400 عشان تبقى كويسه مع التكيف لان اسمع ان ال 1000 ضعيف شويه مع التكيف والسحب
قطع الغيار انا شايفها انها كويسه الى حد ما مش غاليه اوى
-طبعا مش اى ميكانيكى بيشتغل فيها لكن في ناس كويسه جدا بتشتغل فيها انا اعرف اتنين فى الحرفيين
-بالنسبه لعائلية تنفع طبعا بس عائله مش كبيره اوى يعنى هى الطبيعى اتنين ادام وتلاته ورا وشنطتها طبعا مش كبيره اوى عشان هاتش باك بس انا لقيت مكان لتركيب شبكه عالسقف

وبصراحه عربيه جميله جدا جدا جدااااااا هتحبها وترتبط بيها جدااا
بس اهم حاجه اهم حاجه
الاهتمام ومتابعة صيانتها دايما
وبالتوفيق

[Flamingo]

اشكرك على ردك واهتمامك
على العموم استخير الله ... واكيد اللى فية الخير حيكون
اشكرك يا اخى مرة اخرى

[أبو_حمزة]

زى ما اخونا قال و اضيف التالى
هتحس بفرق فى السحب طبعا الا لو موتور الريجاتا تعبان
الشنطة صغيرة بالمقارنة بالسيدان لكن كهاتش مناسبة جدا
استهلاك الوقود اقتصادى و اكيد اقل من ريجاتا
قطع الغيار متوفرة و لابد من استخدام الاصلى الغالى شوية عشان تحفظ العربية
لازم الصيانة تكون عند متخصص فولكس
التكييف كفاءة بس يأثر على السحب