التاكسجى ......... اشتغلنى يا رجاله البيتلز

[Khellooo]

أنا رأيى إن أى حد مننا معاه عربية ومش مستعجل أو وراه حاجة ضرورية يحتسب الأجر عند الله ويقف يساعد أخوه اللى عربيته عطلت وياريت كمان اللى يتعطل وماكانش اتصل بحد يجيله يبين للسيارات القادمة انه محتاج مساعدة ويفضل إنه يكون معاه حبل أو واير

وأنا عايز أسأل حضرتك مكلمتش حد يجيلك سواء ميكانيكى أو صديق ؟

وممكن برضو نعمل على المنتدى هنا فكرة إن الناس لو حد حصله حاجة وواحد من المنتدى قريب منه يروح بعربيته يساعده أو يجيب معاه ميكانيكى أو كهربائى حسب الحاجة

[Khaled_Nowaihy]

مش هاقدر افتى فى السبب ... لكن رأييى ان حضرتك كان مفروض تقف على ايده وتشوفه بيفك ايه وبيركب ايه
وخصوصاُ انه كان معاك واحد صاحبك .. يعنى مش لوحدك
معلهش .. قدر الله وما شاء فعل

[hosamsief]

أنا رأيى إن أى حد مننا معاه عربية ومش مستعجل أو وراه حاجة ضرورية يحتسب الأجر عند الله ويقف يساعد أخوه اللى عربيته عطلت وياريت كمان اللى يتعطل وماكانش اتصل بحد يجيله يبين للسيارات القادمة انه محتاج مساعدة ويفضل إنه يكون معاه حبل أو واير

وأنا عايز أسأل حضرتك مكلمتش حد يجيلك سواء ميكانيكى أو صديق ؟

وممكن برضو نعمل على المنتدى هنا فكرة إن الناس لو حد حصله حاجة وواحد من المنتدى قريب منه يروح بعربيته يساعده أو يجيب معاه ميكانيكى أو كهربائى حسب الحاجة

شكرا جزيلا عن تفاعلك معايا بالنسبة انى مكلمتش ميانيكى ييجى لية ؟؟ هى حصلت معايا قبل كده بس كان العيب فى مساعد الغربلة و العربية كانت بتصفر و اتصلت بالميكانيكى قالى سيب العربية و هات تاكسى و خد الصنايعى معاك و ده طبعا مستحيل ؟؟ و بعدين انا كنت فى الصحراء و واخد مهندس معايا نشوف الشغل اللى مدينتى و طبعا اقرب صاحب ليك صعب يسيب بيته و يروحلك فى الصحراء و اقصى حاجه ممكن يديلك مشورة او يقولك جرب تعمل ايه بس اللى حزنى بجد ان كان فيه شباب كتير اوي و راكبين نفس عربيتى و محدش رضى يقف و الاكادة واحد بتاع نص نقل وقف و بصلى كده و قالى وديها لميكانيكي

[hosamsief]

مش هاقدر افتى فى السبب ... لكن رأييى ان حضرتك كان مفروض تقف على ايده وتشوفه بيفك ايه وبيركب ايه
وخصوصاُ انه كان معاك واحد صاحبك .. يعنى مش لوحدك
معلهش .. قدر الله وما شاء فعل [/quote]

و الله يا استاذ خالد هو كان كل شوية يقولى دور دوس بنزين علشان انا اتلهى فى الدوارة و هو يعمل اللى هو عاوزة فى الموتور و طبعا انا مش شايف و الراجل اللى معايا بلاطة اصلا ميعرفش اجزاء الموتور و يعنى ايه موبينا و فاكر ان الكوندسر ده ملحق بالموبينه يعنى هى مبتتغيرش لوحدها بس و الله انا لما بشوف حد عطلان بقف و اقوله عاوز حاجه لوجه الله مع انى معرفش فى الميكانيكا بس اهو يمكن اقدر اساعده و الله كل واحد حتى لو كان معاه زيرو معرض للموقف ده ....

[hosamsief]

ايه ده هم ولاد التييت دولا لسة عايشين انا اتعملت فيه الحركة دى من 10 سنين وكان معايا عربية هوند اكورد ونتشت برضه بس كان على طريق كورنيش المعادى والتاكسى كان القديم ابيض فى اسود وخد برضة الموببنة اللى كانت فى العربية ولهف ساعتها 100 جنيه حار ونار فى جتت اللى خلوفه

شوفت بقى يا عم ابو زياد ولاد التيت دول لسه عايشين بس دفعت 80 بس و كنت فى الصحراء .......... امانه لو شوفت واحد عطلان اقفله و متسيبوش لولاد التيت دول يشتغلوه

[hosamsief]

حسام باشا
انا كتبتلك رد من كام ساعة وقلتلك ان عربيتي راكنها فيها نفس العطل اللى كان عندك

المهم انا رحت اجرب تاني وفكيت الابلتين خالص وصنفرته وركبته تانى
بمساعدة اخويا وحبيبي احمد حسن ازعجته في التليفون وقالى اركبه مظبوط ازاى

بس للاسف مدارتش برده

شوية ولقيت واحد ابن حلال جالي وقالي ايه المشكلة قلتله

فعلمنى طريقة حلوة اشغل بيها العربية لو حصل المشكلة دى

افتح كونتاكت
وشيل وش الاسبراتير
وبمفك معزول تست مثلا

وافتح واقفل نقط تلامس الابلتين هيعمل شرارة فمتقلقش افضل افتح واقفل شوية

وبعد كدة دور هتلاقيها دارت

بس لو الكوندنسر بايظ هتلاقي لما تزود السرعة هيلدع الابلتين تاني

تقوم تعمل نفس الموضوع تانى لحد ماتوصل لاقرب ميكانيكي


بس انا توبة خلاص هخلي معايا ابلتين وكوندنسر على طول احتياطي


فانتا اكيد عندك نفس المشكلة علشان كدة هو غير الكوندنسر فاشتغلت

وبالنسبة لانك لسة مركبهم فدا طبعا مش مقياس لان دى منتجات صيني

--------------------------
محمد سالم

محمد باشا متشكرين على ردوك الجميلة ده و بس تقريبا الموضوع عندى مختلف لما حصلى الموقف ده الموتور كان بيشتغل يعنى مبطلتش خالص بش كان بيلف زىالعربيه متكون وقفه و انا كابس بنزين على الاخر . و لما كنت بنقل كانت بتحاول تمشى و تفضل تنتش كده و تترجرج ؟؟؟؟ كانى راكب مرجيحه ؟؟؟ هل فعلا لو الابلاتين لادع هدور ولا مش هتدور اصلا ؟؟ ده حاجه و ايه اعراض الكوندنسر لما يبوط على اداء العربية يعنى كده انا عاوز اجرب اشيل الكوندنسر اصلا و ادور العربية و اشوف هتدور و لا هتعمل ايه لو نتشت كده يبقى فعلا مشكلة كوندنسر
لو طلعت اعرض تانية يبقى مش الكوندنسر هو اللى بيعمل كده و كذلك الموبينا؟؟ بس اللى انا اعرفه لو الموبينا بايظه او فيها مشكله العربية مش هتدور اصلا ...................

[smsmxxxxxx]

اوعى تشيل الكوندنسر

لان كدة الابلتين عندك هيلدع

لازمة الكوندنسر انه بيحمي الابلتين من اللدع لما بيقفل ويفتح بسرعة مع دوران الاسبراتير

فتقريبا لما بيبوظ بيخلي الابلتين يلدع والموضوع مبيجيش مرة واحدة

لان انا كنت رايح مشوار وكان بيحصلي زي ما حصلك بالظبط

وانا راجع الموضوع اتطور ووقفت خالص

انا هجيب كوندنسر وابلتين وهغير الكوندنسر الاول مع سنفرة الابلتين القديم

لو دارت يبقي المشكلة كانت من الكوندنسر

وهبقي اقولك على النتيجة


-------------
محمد سالم

[sakr84]

على فكره انا هحيلكم على موقف حصل معايا من شهرين قبل جوازى بيومين بالظبط كنت ماشى فى شارع صلاح سالم بعد حديقة الازهر بالظبط وكانت فى حته مطلع والعربيه قطعت و مش عايزه تدور المهم انها كمان كانت على مطلع والمكان مفيهوش ولا واحد ماشى وكمان الطريق سريع جدا فى المكان ده وبجد كنت مش عارف اعمل اى حاجه ولا عارف حتى ازق العربيه على جمب المهم لاقيت والله والله والله عربيه كيا سيراتو فضى 2010 الراجل هدى ووقف قدامى وادى انتظار قلت الراجل يمكن بيفهم فى الميكانيكا لاقيته بيقولى هقطرك !!!!!!!! قلتله معايش قطره قالى انا معايا ولاقيته جاب القطره من عربيته وقطرنى لغاية السيده عيشه وانا مش مصدق نفسى وكمان عايز اقولكم انه كان معاه مراته وولاده الصغيرين بجد الراجل ده مكنتش عارف اشكره ازاى وفى السيده عيشه روحت لكهربائى المهم كانت مشكله ان الدينمو كان بيهرب شحن والحمد لله صلحته وبعدها بيومين اتجوزت وسافرت اقضى اسبوع العسل فى اسكندريه بالعربيه وطبعا مكنتش قلت لمراتى ان العربيه عطلت منى علشان متبقاش خايفه وقلتلها واحنا راجعين عملتهلها مفاجاه

[mahmoud5777]

الحركة دى سببها فى الغالب بيكون ابلاتين يتصنفر وتمشى عادى ربنا يخلف عليك

[hosamsief]

اوعى تشيل الكوندنسر

لان كدة الابلتين عندك هيلدع

لازمة الكوندنسر انه بيحمي الابلتين من اللدع لما بيقفل ويفتح بسرعة مع دوران الاسبراتير

فتقريبا لما بيبوظ بيخلي الابلتين يلدع والموضوع مبيجيش مرة واحدة

لان انا كنت رايح مشوار وكان بيحصلي زي ما حصلك بالظبط

وانا راجع الموضوع اتطور ووقفت خالص

انا هجيب كوندنسر وابلتين وهغير الكوندنسر الاول مع سنفرة الابلتين القديم

لو دارت يبقي المشكلة كانت من الكوندنسر

وهبقي اقولك على النتيجة

و الله انا مش عارف اقولك ايه فعلا ربنا يبارلكنا فيك و يحفظك.

عارف يا استاذ محمد علشان نريح دماغنا من موضوع الابلاتين و الكوندنسر ده و موافقهم البايخه و خصوصا على السريع ولا فى الصحرا - اننا نركب اشعال الكتروني و نخلص و كده كده تقريبا نفس التكلفه كمان علشان كل الابلاتين اللى فى السوق مضروب و كمان الكوندسر فنخلص من الوش ده و نشترية على الاقل لو حصلت مشكلة تانيه نقدر نحصر العيب و بدل لغه الاحتمالات اللى احنا بنتكلم فيها ده . و خصوصا فى ناس مخضرمين و استاذة البيتلز زى الاستاذ / احمد حسن و الاستاذ / هاشم جربوة و شكروا فيه يبقى خلاص و برضوا نخلى الابلاتبن القديم و الكوندسر معانا تحسبا لاى مشاكل مستقبليه و اهو .... نعمل ايه ربنا يسترها عليه و علينا و الله نفسى اشوفك ...


-------------
محمد سالم

[ahmedamr]

يا باش المفروض تتعلم انك ازاى تشوف العيب الاول منين عشان تقدر تتصرف يعنى الموبينا المفروض كنت تشوفها قاطعة كهربا ولا لا
يعنى تخلي حد يخش يدور وانت شيل السلك اللى جاى من الموبينا على الاسبراتير وتشوفة بيدى كهربا ولا لا لو مكانش بيدي يبقى قاطعة وهتلاقي الموبينا سخنة اووى ساعتها

[mr_sameh]

الحمد لله انك رجعت بيتك بسلامه

[hosamsief]

يا باش المفروض تتعلم انك ازاى تشوف العيب الاول منين عشان تقدر تتصرف يعنى الموبينا المفروض كنت تشوفها قاطعة كهربا ولا لا
يعنى تخلي حد يخش يدور وانت شيل السلك اللى جاى من الموبينا على الاسبراتير وتشوفة بيدى كهربا ولا لا لو مكانش بيدي يبقى قاطعة وهتلاقي الموبينا سخنة اووى ساعتها

يعنى تفتكر ان الموبينا عندى كانت سليمة ، .............. يلا ربنا يعوض عليا و ان شاء المولى هشتري اشعال و اخلص من الوش ده كلة و اريح دماغي .

[hosamsief]

الحمد لله انك رجعت بيتك بسلامه

متشكرين يا سامح باشا على ردك الجميل و فعلا الحمد لله انى رجعت البيت بالسلامة و ربنا ما يحكم عليك ولا اى حد من اخوننا الكرام بالموقف ده

[ابوهاشم]

السلام عليكم ورحمة الله وبركاته
ازيك ياحسام باشا عامل ايه
انا لسه شايف موضوعك حالا وتابعته كله وكل الردود
اولا حمد الله على سلامتك وماتزعلش على اللى راح
والراجل ده حتى لو كان اشتغلك فى مبلغ زى ده
المهم انه انقذك من وقفتك فى الطريق وروحت بالسلامه
بالنسبه للموبينه هقولك على طريقه تعملها لو العيب منها وبطلت العربيه
ومش عاوزه تدور بتبقى الموبينه سخنت
بتجيب فوطه مبلوله بالماء وتحطها على الموبينه شويه علشان تبردها
وتستنى شويه وبعدين تدور هتدور ان شاء الله
انا حصل معايا نفس الموقف ده وكنت راجع من جمصه ومعايا الاولاد
واتصرفت كده بالظبط ودارت والحمد لله
بس فى حالتك دى والله اعلم ماكانش عيب موبينه لانك بتقول انها كانت بتدور وتمشى
بس بطيئه يعنى ظبط كهرباء
وللعلم سعر الموبينه الجديده برازيلى 70جنيه والاستيراد 30جنيه
ونصيحتى ليك ولكل احبائى ملاك البيتلز تركيب اشعال الكترونى
وابعد نهائيا عن الابلاتين والكوندنسر ومشاكلهم اللى مابتنتهيش