Tweet
أمبارح ماكنتش لاقى مكان أركن فية فى الشارع فأضطريت أنى أرجع مارشدير حتة مش طويلة المهم وأنا برجع حسيت أنى لما برجع بسرعة شوية بيحصل رجة مش طبيعية فقلت يمكن عصاية الفتيس مش مظبوطة المهم فكتها وظبطها شوية ومشيت عادى لحد البيت ,الصبح النهاردة جاي اشغل العربية وطبعا هى على وضع المور لقيت دربكة فى التروس بمعنة أن التروس ملمسة بعضها يعنى تعشيقة مش كاملة وهى على المور فأطريت طول منا ماشى لو وقفت فى وقفة أفضل دايس على الدبرياج علشان التروس متحكش فى بعضها علما بأن نقلات الأول والتانى والتالت والرابع مفيهاش مشاكل, لكن المارشدير مشكلتة زادت وبقت التروس بطخبط فى بعضها وبتنتش وترجع بالعافية يدوبك خطوتين ,وحاولت بعد كدة أنى أظبط عصاية الفتيس تانى بدون فائدة , فرحت لميكانيكى أسمة عزب فقلى أن دة ممكن يكون بسبب بلية أسمها بلية الدريك فى مجموعة الدبرياج وممكن تكون مكسورة ,ولازم الفتيس والماتور ينزلوا ,حبيت أتأكد عديت على ميكانيكى تانى أسمة محمد على قلى معرفش السبب أية بالظبط لازم أنزل الماتور الأول وأشوف .
فسؤالى هو ممكن دة يكون عيب فى الفتيس نفسة ولو كان منة العيب ممكن يتصلح ولا لازم يتغير وهل حد عدت علية نفس المشكلة ولو كان كدة كان حلها أية وتكلفتها كام ولا دة عيب دسك ولا أية بالظبط ,وأصلاج عيب زى دة ممكن يكلف كام؟؟؟؟؟ أسألتى كتير أعزرونى لأنى فى الحقيقة أنا بخاف من الميكانيكية زى ما بخاف من الدكاترة . وربنا يحفظكم من الدكاترة والميكانيكية ....... ودمتم
فسؤالى هو ممكن دة يكون عيب فى الفتيس نفسة ولو كان منة العيب ممكن يتصلح ولا لازم يتغير وهل حد عدت علية نفس المشكلة ولو كان كدة كان حلها أية وتكلفتها كام ولا دة عيب دسك ولا أية بالظبط ,وأصلاج عيب زى دة ممكن يكلف كام؟؟؟؟؟ أسألتى كتير أعزرونى لأنى فى الحقيقة أنا بخاف من الميكانيكية زى ما بخاف من الدكاترة . وربنا يحفظكم من الدكاترة والميكانيكية ....... ودمتم
Comment