محتاج معلومات عن الجولف 4

[simon659]

مسا الخير لاحلي منتدي واحلي شركه واحلي قسم
كنت محتاج شويه معلومات عن العربيه دي من ناحيت كام سي سي واستهلاك البنزين واسعار قطع الغيار والثبات بتاعها علي الطريق والشغل فيها بيحتاج ميكانيكي دكتور ولا لازم توكيل .اسعارها في السوق ايه اذا كانت بره وجوه تتكلم في كام .
انا عاوز اشتري العربيه دي ومحتاج اعرف عنها كل المعلومات وامكانيتها ايه ولو في حاجه انا ناسيها يعني يا ريت تزودو وشكرا ليكو جدا

[nedaanagy]

انا اقولك يا باشا

انا كان معاي جولف 4 موديل 2001 وبعتها من حوالي سنة

العربية بسم الله مشاء الله جميلة جدا في الثبات والسحب ومنظرها شيك جدا وحاجة قيمة بس مشكلة العربية دي انها معظمها موديل اما 1999 او 2001 واحنا دلوقتي في 2011 يعني بقلها عشر سنين واكتر فا محتاجة حجات كتير استهلاكية تتغير فيها طقم كاوتش علبة شكمان دسك واسطوانة طنابير مساعدين مقصات اسكاترة سيور تقريبا معظم العربية والحجات دي سعرها غالي بالنسبة لعربية موديل 2001 وده كان سبب اني ابيع عربيتي وتقريبا اغلبية الجولف 4 دلوقتي كده

الخلاصة هي كانت عربية 10 علي 10 بس الكلام ده من اربع خمس سنين كده نصحتي بامانة انك تشتري عربية موديل احدث من كده عشان المصاريف دي ولو حابب الجولف دور علي جولف 5 تبق احلي

دي تجربتي مع الجولف 4 واكيد في ناس تانيه ليها كلام تاني

[simon659]

استازي الفاضل انا معايا عربيه كيا سيراتو ومعايا اودي a4 وكنت محتاج عربيه ليا تبقي معايا صغيره مش تعدي 65 الف وتبقي عربيه كويسه وانا بصراحه كنت دايما معجب بلعربيه دي والميزانيه دي مش هقدر اجيب جولف 5 فا يا تري حتي انا لو جيب عربيه جولف 4 انت شايف اخد بالي من ايه وانا بشتري في العربيه والحاجات السيور وقطع الغيار في العربيه دي اسعارها ايه وهي محتاجه التوكيل في شغلها وكنت عاوز اسأل لو تفتكر يا باشا سعر التيل الفرامل الامامي عندك كان بكام واشكرك علي الرد ومتابع بأهتمام

[hakeemkimo]

بص ياباشا الجولف 4 اولا مش صغيرة العربية دية تحفة صاج + ثبات + عفشة عيبها الوحيد هو الموتور 1400 cc
ثانيا لو حضرتك من سكان القاهرة اكشف على العربية عند محمد سمير و هانى عصمت بجسر السويس مش محتاج التوكيل فى حاجة
ثالثا قطع الغيار الاصلية غالية شوية تيل الفرامل الاصلى 350 جم