اكصدام البولو الامامى 2001

[OSaMa.GHaMrY]

عندى الاكصدام من ادام فى الشمال تحت الفانوس كده فى كسره ولما روحت للسمكرى قالى افضلك تجيب اكصدام جديد عشان دى معموله قبل كده ولو اتعملت تانى هتتفح بسهوله تانى
فروحت الحرفيين النهارده لقين الناس اسعارها عجيبه او انا اللى معرفش الاسعار

ارخص حد كان اكصدام من غير الشبكه والعلامه بس بفوجات ب 700 وبالشبكه والعلامه 900
وواحد عنده قطعيه جى تى اى تحفففففففففه بالشبك وفوانيس الجى تى اى جميله جدا بس ده تقريبا فوق المستهبل قالى كلام فوق الالف تقريبا 1400 اكصدام بس

وواحد تانى يقولى 1200 على اكصدام عادى فبصراحه قرفت وروحت وسألت على الجديد تيوانى ب 360 وفاضى من غير اى حاجه

انتم ايه رائيكم اجيب ابو 700 ده ولا احاول اعالج الكسر اللى عندى وكان الافضل احط صوره ليه

مع العلم انى العلامه مسروقه والشبكه مشروخه وفى شبكة فوج مش موجوده فمش عارف اعالج ده واجيب الحجات الناقصه ولا اجيب ابو 700 ده ولا اعمل ايه انا محتار اووى

عشان المفروض نقل الملكيه الشهر الجى وعاوز اخلص

[wael_mega]

السلام عليكم ياتاتو انا المشكلة دى قابلتننى فى البولو بتاعتى بس كانت 98 كنت بدور على اكصطدام امامى بس لاقيت افضل حاجة انى اشترى قطعبة وكانت مشتملاتها كالتالى :-
الصدر الفيبر + اريداتير + السربانتبينة + الاكصطدام + الكساحىة + والفوانيس كاملة بالاشارات +الشبكة والعلامة + وكان حظى حلو ان القطعية كاملة مافيهاش حاجة ناقصة ةلاقيت فلتر التكيف معاها هو والحساس والكلاكس وكل دة بـــ 1300 فانصحك بشراء قطعية كاملة لية لاقدر الله مستقبليا انتا مش خسران

[OSaMa.GHaMrY]

اولا شكرا على اهتمامك وردك
وهى فكره جميله جدا وهتوفر كتير بما ان العربيه كل شهر تعوزلها حاجه

لكن المشكله ان لما اجيب قطعيه وبعدين اسمكر وارش وانقل وارخص
هيتخرب بيتى :((

فبصراحه محتار بردو

ربنا يسهل

وشكرا جزيلااا

[أبو_حمزة]

دور على اكصدام بدون فوجات يعمل 300-400
و أكتر من كده يبقى سرقة
و حاجات 2001 اغلى من 99 و موضوع القطعية ده غالبا ها ينتى ان معاك حاجات كتير و مش عايزها عشان مش كل حاجة ها تغيرها
و لو الاكصدام ينفع يتصلح صلحه و لم ايدك عشان العربية مش بتفض مصاريف

[OSaMa.GHaMrY]

والله يا اخ ابو حمزه انا قولت اجيبه من غير فوجات بس اول واحد سألت عنده قالى 800 من غير فوجات بس تقريبا كان بالعلامه والشبكه
انا هحاول اشوف حد يسعرلى تصليحه واحسب العمليه هتبقى ايه
بصراحه انا تعبت من العربيه ومصاريفها