استلمت باسات 2011 ومحتااااس

[rabso]

الحمدلله استلمت الباسات النهردة ، وجاى افتح الكتالوج لقيته كله بالالمانى مفيش ولا كلمة انجليزى
وفى حاجات كتير بتطلعلى فالشاشة ومش فاهم اى حاجة.
لو حد عنده الكتالوج بتاعها بالانجليزى او العربى يبقى عمل معايا واجب جامد
الف شكر يارجالة

[yasserit]

انا معايا انتا عايز منه ايه بالظبط؟

[tarekfar]

الف مبروك ، استلمت الشكل الجديد؟

[yasserit]

لأ طبعا اكيد مش الشكل الجديد لانه لسه منزلش

[rabso]

انا معايا انتا عايز منه ايه بالظبط؟

عاوز حااجات كتير، تقريبا عاوز كل حاجة ، مش عارف اظبط اى حاجة فى الكمبيوتر بتاع العربية
وفى حاجات كتير مش عارف بتشتغل ازاى
ماتبعتهولى ينوبك فيا ثواب :)

[rabso]

الف مبروك ، استلمت الشكل الجديد؟

لا ياباشا الشكل الجديد لسة منزلش هنا ،

[yasserit]

عاوز حااجات كتير، تقريبا عاوز كل حاجة ، مش عارف اظبط اى حاجة فى الكمبيوتر بتاع العربية
وفى حاجات كتير مش عارف بتشتغل ازاى
ماتبعتهولى ينوبك فيا ثواب :)

والله ميغلاش عليك بس انا اللي عندي hard copy فا حيبقى صعب ابعتهولك لو تحب نتقابل و تشوف اي حاجه انتا عايزها او محتاج تظبط اي حاجه في كومبيوتر العربيه انا تحت امرك لو تحت ابعتلي رقمك على الخاص

[mhmdalsaadany]

الف مبروك يا باشا وربنا يديلك خيرها ويكفيك شرها ان شاء الله

[rabso]

والله ميغلاش عليك بس انا اللي عندي hard copy فا حيبقى صعب ابعتهولك لو تحب نتقابل و تشوف اي حاجه انتا عايزها او محتاج تظبط اي حاجه في كومبيوتر العربيه انا تحت امرك لو تحت ابعتلي رقمك على الخاص

الف شكر ياباشا على زوقك ومساعدتك واكيد يشرفنى انى اقابلك، بس المشكلة انى فى اسكندرية وحضرتك فى 6 اكتوبر فاكيد هيبقى صعب اننا نتقابل ، حضرتك معاك نفس العربية ؟

[rabso]

الف مبروك يا باشا وربنا يديلك خيرها ويكفيك شرها ان شاء الله

الله يبارك فيك يا ريس والف شكر لزوقك

[yasserit]

الف شكر ياباشا على زوقك ومساعدتك واكيد يشرفنى انى اقابلك، بس المشكلة انى فى اسكندرية وحضرتك فى 6 اكتوبر فاكيد هيبقى صعب اننا نتقابل ، حضرتك معاك نفس العربية ؟

ايوة هيا نفس العربية و على العموم انا باجي اسكندرية كتير لو تحب ابقى كلمني

[fahd_628]

على فكرة كمبيوتر العربية عندك ( الحاجات الى بتطلعلك على الشاشة ) لو بالألمانى ممن تحولة انجليزى عادى جدا هوة بيبقى ال Default المانى

دوس على زرار Ok و اقعد انزل لغاية Language و بعدين اختار انجليزى او زى ما تحب

انا مش فاكر الطريق بالظبط بس تقريبا اول ما تدوس Ok فى الدريكسيون حيفتحلك قايمة انزل فيها شوية لو لقيت Language او Sprache بالألمانى خش فيها و دوس على الأنجليزى

علشان انا واحد صاحبى كان جايب واحدة 2010 و برضة مكنش عارف ان الكمبيوتر ممكن يتقلب انجليزى

[rabso]

على فكرة كمبيوتر العربية عندك ( الحاجات الى بتطلعلك على الشاشة ) لو بالألمانى ممن تحولة انجليزى عادى جدا هوة بيبقى ال default المانى

دوس على زرار ok و اقعد انزل لغاية language و بعدين اختار انجليزى او زى ما تحب

انا مش فاكر الطريق بالظبط بس تقريبا اول ما تدوس ok فى الدريكسيون حيفتحلك قايمة انزل فيها شوية لو لقيت language او sprache بالألمانى خش فيها و دوس على الأنجليزى

علشان انا واحد صاحبى كان جايب واحدة 2010 و برضة مكنش عارف ان الكمبيوتر ممكن يتقلب انجليزى

الف سكر ياباشا انا عملت كدة وغيرت اللغة انجليزى وكله بقا تمام التمام :)