مساعده فى الديسك والاسطوانه

[adel_2346]

ازيكو يا رجاله وعاملين ايه
العربيه عندى الدبريج تقل اوى وبقاله فتره رحت للميكانيكى جرب العربيه وقالى الدبرياج بيعض فى بعضه وعاوزين ديسك واسطوانه
قالى فى نوع اسمه sachs ده المانى وهاته
ايه رايكو فيه ومعلش سعره ايه ولو فيه انواع تانيه افضل حد يقولى عليها


حاجه اخيره انا انشاء الله ناوى انزل الحرفيين اجيبهم يوم الجمعه الدنيا امان ولا ايه
وشكراا مقدما

[semsem8080]

خلي بالك هناك مغلاوانية قوي

[pompo]

انا لسة خارج انهاردة من العمرة بس انا قبل العمرة كانت الحكاية مختلفة في الدسك و السطوانة كان المتور بيزعق جامد واشيل رجلي من الدبرياج العربية تنطلق
احسن نوع هو السكس بس ملقتوش وجبت نوع تاني قالي كويس اسمه luk بس خليك احسن في السكس
وسعرهم الاتنين حوالي 570 جنية

[king_mohamed]

الماركه ديه انا جبتها حلوه اوى وتلقيها زى ماركة تقريبا الاصلى انا جبتها فى جولف 4 وكانت زى ماركت الاصلى عندى

[dabosh]

بسم الله الرحمن الرحيم

انا ليا راى فى الموضوع ده انا كمان الديك والاسطوانه بتوعى باظو من مده وحبيت اغيرهم فجبت النوع الى اسمه لك luk واقسم بالله بعد 5 شهور يعنى حاليا العربيه محتاجه ان الديسك والاسطوانه يتغيرو تانى تخيلو بقا وكنت شاريهم ديسك واسطوانه ب 700 جنيه
ومش عارف بجد اجيب ايه دلوقت بس الاكيد مش هجيب لك ده تانى لانه مضروب وتعبان قوى اه وبالمتاسبه او طقم لك جبته غيرته بعديها باسبوع لانه طلع مش سليم وجبت صاحب المحل جرب العربيه فغيره بطقم تانى جديد برضه على اى حال من الاحوال لو حد عنده فكره ايه النوع الاحسن ونجيبه منين ياريت يقولنا وميبخلش علينا بالمعلومه وربنا المستعان

[ashoub]

هات قطع الغيار من عند الشهابى الى فى شارع دمشق هو غالى شويه بس قطع الغيار الى بيجبها اصليه ولو الحاجه مش عنده هيقولك الاصليه نوعها ايه

[M.Mostafa80]

الساكس ممتاز بس يكون الأصلى وطبعا دى مش مضمونه وعمتا
افضل واحد تجيبه منه هو الشهابى اخر مره جبته منه ب 650ج
الأصلى بتاع العربيه فاليو بس عيب الفاليو ان ريش الديسك بعد فتره بتحس انها نشفت ودا بيتقل الدبرياج تحت رجلك شويتين