Tsi

[RedBull_30]

لاصحاب العلامة المحترمة vw بحب اعبرلكم عن مدى حبي ليها ولسياسة توكيلها في مصر او القائمين عليها بشكل عام لاسلوبهم المحترم في عرض منتجهم بشكل لم يحدث من قبل وهو في عرضهم للتطور اللي كان من نصيب اغلبية سيارات vw وهو المحرك الجديد tsi

بجد لما بشوف الاعلان بتاع المحرك ده و بدون مبالغة بيتغير مزاجي من السيء للجيد ولما بشوف الاعلان على لوحة في الشارع نفس الشيء بكون سعيد و بشعر انه بيخاطب الى من يهمه الامر

تحياتي ليكم جميعا وبتمنى في يوم من الايام ان امتلك المحرك ده في صورة جولف او جيتا باذن الله

[ahmedsadek82]

و عشان خاطر اهتمامك ده و لأني معجب و مبهور زيك بالاختراع المبهر اللي اسمه الTSI دي شرح كامل لتصميم المحركين الTSI (التربو و التربو+سوبر تشارجر) من فولكس فاجن :

http://tbr.gr/122hp/SSP_405_1.4l_90k...rbocharger.pdf

http://www.volkspage.net/technik/ssp/ssp/SSP_359.pdf

[ahmed_elbokl]

طب يا حماعة معلش ممكن يكون سؤالى غبى شوية بس استحملونى انا مقبل على شراء عربية و انا بصراحة بحب السرعة وناس كتير رشحتلى السيفيك على اساس شياكة و موتور جامد و طبعا سحبها حلو لكن انا جربت التوران 2005 و فضلت معايا كام يوم العربية سحبها هايل مع ان الموتور بتاعها 1600 يبقى tsi عامل ازاى فنفسى حد يفدنى و يقولى اتهما افضل فى القوة و السحب vtec و لا tsi و اعتذر على الاطالة

[tareket]

انا بحترم جدا مواتير ال
TSI
بس المشكلة انها غالية شوية

لاقيت فيات عملة مواتير تيربو
T-Jet

فأشتريت لينيا هيا نفس الموتور تقريبا بس فيات

الصراحة التيربو دا اختراع وانا مستغرب هوا ليه مش بينزل مصر من زمان خصوصا ان المواتير التيربو نازلة برا من سنين

انا كان معايا فكترا ايه 2000 سى سى
واللينيا التسارع اسرع بكتير واستهلاك اقل للبنزين بكتير

[Formulator]

اتهما افضل فى القوة و السحب vtec و لا tsi و اعتذر على الاطالة

شوف ياباشا... مفيش مقارنة فـ الأداء..عن تجربة..
ولا أى موتور يابانى 1600 (لو اعتبرنا بتاع السيفيك أفضلهم) يجارى موتور 1400 Turbo...
أى حد يركب جولف 140 أو شيروكو 160 مستحيل يصدق أن ده موتور أقل من 2000 أو 2300 على الترتيب...!!!

انا بحترم جدا مواتير ال
TSI بس المشكلة انها غالية شوية
لاقيت فيات عملة مواتير تيربو T-Jet
فأشتريت لينيا هيا نفس الموتور تقريبا بس فيات
الصراحة التيربو دا اختراع وانا مستغرب هوا ليه مش بينزل مصر من زمان خصوصا ان المواتير التيربو نازلة برا من سنين
انا كان معايا فكترا ايه 2000 سى سى
واللينيا التسارع اسرع بكتير واستهلاك اقل للبنزين بكتير

فيات برضه من الشركات الرائدة فـ موضوع الـDownsizing+Turbocharging ده
أول ما الـT-JET نزل... فيات قالت الـ120 أداء 1800-2000 والـ150 أداء 2000-2300 (والأتنين 1400)...!

والشركتين عندهم كارثتين تانى فـ الموتور 1800 Turbo+Supercharger
بتاع الفولكس بيطلع من 160-235 حصان (نازل فـ الباسات CC والأودى A4)
وبتاع الفيات بيطلع من 200-240 حصان (نازل فـ الألفا 159 واللانسيا دلتا الجديدة)...

[2faster]

لااااااازم تـصــــدق

[RedBull_30]

انا بحلم باليوم اللي مش هنسمع فيه حاجة تانية عن الجمارك عشان اجيب الجولف ال 1400 tsi .. في توقعات كتير بان ده يحصل و وقتها الواحد ان شاء الله مش هيهمه بنزين 95 لان انا سمعت انه اوفر خصوصا مع المحرك ده
بس هو فيه سؤال بتمنى الاجابة عليه وهو هل التوكيل vw جدير بثقة العميل .. اقصد ان مثلا لو ظهر عيب هل بيقدر يصلحه ولا ادخل واخرج التوكيل اكتر من مرة عشان العيب يتصلح.. هل اسعارهم مقبولة ولا هم اسعارهم غالية اوي؟؟ يعني مثلا الجولف 6 يا ترى تيل الفرامل بكام ولا سير الكاتينة ولا الفلاتر
انا اسف يا جماعة للاسئلة بس بجد بتمنى الرد و بكل امانه

[ahmed_elbokl]

انا متشكر جدا لردك و ان شاء الله هتوكل فى حاجة تكون tsi

[abdalah_hashem]

المواتير دية نقلة فعلية فى المواتير بتاعت العربيات

[SAMEHNOSHI]

المواتير التربو رائعة و اقتصادية فى استهلاك البنزين بس عبها انها بتحتاج بنزين 95 على الاقل, و فى الخليج بيحطلها 97.

[ahmedsadek82]

المواتير التربو رائعة و اقتصادية فى استهلاك البنزين بس عبها انها بتحتاج بنزين 95 على الاقل, و فى الخليج بيحطلها 97.

على حد علمي الRON 95 ده عشان نظام الحقن عالي الضغط بتاع فولكس اللي مستخدم في الباسات 1600 و المواتير التربو كذلك (fuel startified injection)