توكيل فولكس

[tot]

يا جماعة بجد و الله ده توكيل اكتر من زبالة و تغور الفولكس على كل الالماني لو من وشهم مش هقول على الاسعار و سير كاتينة البوينتر اللي ب 4 الاف جنيه، كفاية بس اخر موقف كان امبارح العربية متأمن عليها و قعدت اكتر من 4 ساعات اتحايل عليهم و ابوس ايدهم عشان العربية تدخل يتعملها مقايسة و ف الاخر يطلعلك واحد اسمه المهندس عزت مش عارف مهندس فى ايه بالظبط ده اخره معلم فى المدبح و صوته يسمع شارعين وراه ، المهم فى الاخر يقوللي بعد شهرين يشتغلوا فى العربية ، اقعد راكن العربية شهرين عشان بسلامتهم يكونوا فضيوا ، مع انهم حتى جابوا ناس المان يشرفوا عليهم بس للاسف واحد منهم عيل شكله مستفز و بارد و مغلطني من قبل مايسمعني ،مع انه مفترض انه يكون فى صف العميل و يحل له المشكلة او ع الاقل يقنعه باى حاجة، حسسني انه كان مدير الجمعية الاستهلاكية قبل مايرموه علينا فى مصر و التاني راجل كبير كويس و محترم اسمه هانز بس قليل الحيلة و مالوش لازمة عزت شخط جنبه كان هيعملها على نفسه و الكل هناك عمالين يشتغلوه طبعا
يعني م الاخر اللي هيجيب عربية فولكس مهما كانت امكانياتها هيتعذب لو العربية اتخبطت او احتاجت اى قطعة غيار تكون مش موجودة و ده بيحصل كتير ، و التأمين ساعتها مش هيبقى مفيد عشان فى الاخر هتتضطر تعمل العربية فى أى ورشة برة ، يبقى الواحد يوفر فلوس التأمين و يصلح العربية على حسابه فى اى حتة و خلاص

[Abo_Lina]

توكيل فولكس زيه زي غبور سمعتهم ومستوى الخدمة عندههم زي الزفت و مع كده الناس بتروح تشتري عربياتهم ويروحو مراكز الخدمة التابعة ليهم,,وما اكثر الشكاوي (( المتكررة )) في المنتدى من هذين التوكيلين
مفروض الواحد يسأل على التوكيل ققبل ما يسأل عن االعربية خخصوصا لو عربية جديدة لان كل تعاملك هاييبقى هناك

[Nile Heart]

و سير كاتينة البوينتر اللي ب 4 الاف جنيه،

معلهش انت يااما غلطت فى السمع او الكتابه
هى غالبآ ب 400 جنيه

ياريت تقولنا المصدر

[tot]

يا عم والله زى مابقولك طقم سير الكاتينة ب اربع الاف جنيه بتاع البوينتر و الباراتي و ممكن تسال عليه لو مش مصدقني

[tot]

المصدر التوكيل نفسه و اقولك كمان شوية اسعار عرفتها اول امبارح تبع الخبطة اللي عندي ، مقص بالجلب 700 جنيه ، شمعدان 1500 ، فانوس امامي 1300 و ده طبعا من غير ال 10 % ضريبة و من غير مصنعية

[paladin]

why don't you do it outside !!!!!!!!!!!!!!!!!!!!!!!!

[tot]

عشان العربية فى التأمين و انت لو معاك عربية جايبها زيرو و التأمين مستعد يصلحها فى التوكيل اكيد هتبقى عايز تعملها فى التوكيل

[paladin]

asl ana mesh 3aref leeh el nas mekabara mawdoo3 el tawkelat dah ana shayef maloosh lazme 7'ales

[dr_3eshoo]

التوكيل مهما كان اضمن واحد و اضمن قطع غيار للاسف
انا مجربتش التوكيل الصراحه قبل كده بس اقولك قلبي معاك فتره زعل و هتعدي
طقم سير الكاتيينه و الدينمو و التكيف بالبلي و الشدادات في البسات ب 1400 جنيه ازاي البوينتر ب 4000 جنيه مش عارف

[tot]

انا برضه اما سالت ع الجولف لقيته ب 1500 تقريبا قلتلهم ازاى البوينتر كده قالولي عشان بييجي م البرازيل و البرازيل بعيدة و الله ده اللي قالوه

[paladin]

el mafrood beta3 el golf 3 yerkab 3andak

[tot]

انا كده كده هغيرة برة ، بس انا بتكلم ع التوكيل العرة اللي يخللي الواحد يستنى شهرين عشان يدخل عربيته، انا السنة اللي فاتت حجزت عندهم برضه سمكرة و دهان كان بعد شهر و نص و خلال الشهر و نص دول العربية اتخبطت مرتين كمان
حتى لو الواحد فكر يبعت المانيا هيردو عليك بعد اكتر من شهر يقولولك احنا كلمنا التوكيل و معلش عندهم ضغط ، ده اذا ردوا اصلا ، غالبا مابيردوش، انا بس مستغرب الناس لسه بتشتري الماركة المعفنة دي ازاى ، ايه فايدة عربية حلوة و ثابتة الخ بس لو عطلت او اتخبطت تتعذب معاها و تندم او تصبر على البلاء

[paladin]

ya 3am walla 3azab walla 7aga e3melha barra we olly el natega
we ba3deen enta hat3'ayarhom leeh ?

[dr_3eshoo]

بص في واحد اسمه محمد سمير ورا حديقه بدر في جسر السويس انا رايحله يوم الجمعه لو عاوز تعملهم بره هيبقى ارخص مليون مره و انجزليك

[tot]

على فكرة طاسة البوينتر الواحدة ب 160 جنيه ، جلدة الشكمان ب 50 جنيه