حصريا لاول مرة الباسات الجديدة في مصر

[SAMEHNOSHI]

القديمة احسن من الداخل و الخارج

[mhmdalsaadany]

القديمه احلى في الشكل ولكن لو الجديده بنزين 92 وجنوط وحساسات مطر ونور
اذ كان كدا ماشي

[samoevil911]

مجهود رائع .. بس فعلا حايي القديمة كانت فاخم
ومن جوة الأفضل الدريكسيون

وبردوا انا مشفتهاش على الحقيقة
فياريت تقلنا هل على الواقع احلى
عشان الصور بتخدع كتير

[ahmedsadek82]

يا جماعة موضوع البنزين ده لازم 95 لأن نظام حقن الوقود زي ما هو متغيرش عن السنة اللي فاتت الي هو fuel startified injection ,

[ahmedsadek82]

و ده الدليل من ويكيبيديا , دي مقالة عن نظام الحقن في ال TSI :
fuel system
fully demand-controlled and returnless; - fuel tank mounted low pressure fuel pump; Fuel Stratified Injection (FSI): camshaft-driven single-piston high-pressure injection pump supplying up to 150 bars (2,180 psi) fuel pressure in common rail fuel rail integrated into the inlet manifold, four combustion chamber sited direct injection sequential solenoid-controlled six-hole fuel injectors, mounted on the intake side between the intake port and cylinder head seal level, homogeneous mixing, stratified lean-burn operation with excess air at part load,[COLOR="Red"]
90 to 103 kW variants — 95 RON ultra-low sulphur unleaded petrol (ULSP)
110 to 125 kW variants — 98 RON 'Super Unleaded' ultra-low sulphur unleaded petrol (ULSP) - 95 RON may be used, but will result in lower power output[/COLOR]

[sshafie]

بس فعلا ده كلام مدير المعرض انا كنت هناك امبارح و أكد ان البنزين 92

[ahmedsadek82]

بس فعلا ده كلام مدير المعرض انا كنت هناك امبارح و أكد ان البنزين 92

عشان تتأكد (لأن انا اشك ان الراجل اللي في المعرض ممكن يكون كفتجي مش فاهم حاجة) , وانت بتتفرج افتح التابلوه حتلاقي الكتالوج بص في الجزء الخاص بالوقود و اتأكد.

[tarekfar]

مستحيل تكون بنزين 92 زيها زي القديمة بنزين 95 مافيش اي فرق في الموتور عن الtsi الشكل القديم الا اذا اللي نزلوها مصر حصل عليها تعديل وبتاخد بنزين 92، السيارة انا سقتها الفروق بينها وبين القديمة من جوة حتى مش كتير ما عدا الدركسيون شكله بقى احلى ومن برة شكلها اكبر شوية بس الفروق سنتيمترات بسيطة بقت مدية شوية على الفيتون .
وبالمناسبة كان فيه انتقاد للسيارة من انها لا يمكن اعتبارها جيل جديد زي ما قالت شركة فولكس فاجن انها الاصدار السابع من الباسات لأن الفروق مش كبيرة بينها وبين الجيل السادس والمتخصصين قالوا انها اقرب انها تكون فيس ليفت بس كبير شوية بسبب تغيير الشكل الخارجي كليا

[Rsarabia]

من قدام من بعيد شبه الانسر مكوة
من قدام من قريب شبه الشيروكو
من ورا شبه البريليانس الصينى
من الجنب شكلها عادى جدا اقل فخامة من الانسر حتى
الساعة الانالوج اللى جوة لا فى مكانها ولا لايقة على باقى التابلوو
من جوة طبعا كوالتى تحفة و شكل روعة
خسارة بجد دا الجيتا القديمة احلى منها

[bob12345]

مجهود رائع .. بس فعلا حايي القديمة كانت فاخم
ومن جوة الأفضل الدريكسيون

وبردوا انا مشفتهاش على الحقيقة
فياريت تقلنا هل على الواقع احلى
عشان الصور بتخدع كتير

الف شكر ياباشا
و الله ياباشا هيا محتاجة تعود عشان تحب التصميم الجديد
اعتقد كمان الهاي لاين بالفوانيس الزينون هتبقي احلي
بس لسة مش نازلة بزينون في الهاي لاين ممكن مع الدفعات الجاية
و علي فكرة الدريكسيون ده نازل في الجيتا و الباسات ال 2010 الشكل القديم
كل الزيادة من جوة الساعة الانلوج

[bob12345]

بس فعلا ده كلام مدير المعرض انا كنت هناك امبارح و أكد ان البنزين 92

نفس الكلام الي قالو لي
بيقول انهم عدلو في سوفتوير العربية عشان تشتغل بي بنزين 92
وده لو حقيقي هيعمل شغل جامد اوي

[bob12345]

عشان تتأكد (لأن انا اشك ان الراجل اللي في المعرض ممكن يكون كفتجي مش فاهم حاجة) , وانت بتتفرج افتح التابلوه حتلاقي الكتالوج بص في الجزء الخاص بالوقود و اتأكد.

مش شرط ياباشا
انا عندي جيتا 2009 المتور ال 1600 الام بي اي العادي مكتوب في الكتالوج ان البنزين 95
مع ان انا بستخدم 92 عادي و مكتوب علي تنك البنزين بداية من 91 و كل بيقول عندي 92 عادي مع ان الافضل 95
فممكن يكون متعدل لينا مخصوص و الله اعلم بس الحركة دي ممكن تاثر علي سوق الخليجي

[bob12345]

مستحيل تكون بنزين 92 زيها زي القديمة بنزين 95 مافيش اي فرق في الموتور عن الtsi الشكل القديم الا اذا اللي نزلوها مصر حصل عليها تعديل وبتاخد بنزين 92، السيارة انا سقتها الفروق بينها وبين القديمة من جوة حتى مش كتير ما عدا الدركسيون شكله بقى احلى ومن برة شكلها اكبر شوية بس الفروق سنتيمترات بسيطة بقت مدية شوية على الفيتون .
وبالمناسبة كان فيه انتقاد للسيارة من انها لا يمكن اعتبارها جيل جديد زي ما قالت شركة فولكس فاجن انها الاصدار السابع من الباسات لأن الفروق مش كبيرة بينها وبين الجيل السادس والمتخصصين قالوا انها اقرب انها تكون فيس ليفت بس كبير شوية بسبب تغيير الشكل الخارجي كليا

والله ياباشا ده مش بس في الباسات الجديدة ده الجيل الجديد من موديلات فولكس فاجن تعتبر فيس لايفت كبير
ماعدا الجيتا الجديدة هيا المتغيرة من برة ومن جوة بس بردو مش التغير الكبير
الباسات الايوس الجيتا الجولف 6 التوران التيجوان التوارج كلهم يعتبرو فيس لايفت بس كبير شوبة
بس الجيل السابق من الفولكس مميز جدا بجد

[bob12345]

من قدام من بعيد شبه الانسر مكوة
من قدام من قريب شبه الشيروكو
من ورا شبه البريليانس الصينى
من الجنب شكلها عادى جدا اقل فخامة من الانسر حتى
الساعة الانالوج اللى جوة لا فى مكانها ولا لايقة على باقى التابلوو
من جوة طبعا كوالتى تحفة و شكل روعة
خسارة بجد دا الجيتا القديمة احلى منها

ههههههه
مش للدرجة دي يا باشا هي مش وحشة اوي محتاجة تشوفها علي الحقيقة اكتر و تنسي
الباسات الشكل القديم هتلاقيها مش وحشة اوي كده
بس انا معاك في الساعة الانالوج ملاهاش لازمة خالص
اما موضوع الجيتا انا موافق عشان انا معايا جيتا

[ahmedsadek82]

مش شرط ياباشا
انا عندي جيتا 2009 المتور ال 1600 الام بي اي العادي مكتوب في الكتالوج ان البنزين 95
مع ان انا بستخدم 92 عادي و مكتوب علي تنك البنزين بداية من 91 و كل بيقول عندي 92 عادي مع ان الافضل 95
فممكن يكون متعدل لينا مخصوص و الله اعلم بس الحركة دي ممكن تاثر علي سوق الخليجي

في فرق بين الافضل 95 و الادنى للتشغيل بدون مشاكل 95 , انت مكتوب عندك ايه بالضبط؟ , عندي في البي ام مكتوب يفضل بنزين 98 او 95 و اقل اوكتين مسموح بيه 91 بدون مشاكل ,