تعديلات الفولكس فين .....

[mmoneim]

الى كل الاخوه ...
بقالى كتير مش شايف اى افكار خاصه بالعربه الطائشه الفولكس ولا تعديلات
هو الناس بطلت تركب العربيه ولا الناس مش داخل دمغها اى تعديل ... انا عامل الموضوع ده لانى بحب نشارك بعض بالافكار اللى ممكن تخلى العربيه فيها كل الامكانيات
على فكره التعديلات اللى نفسى فيها تشمل الشكل والمضمون من الداخل والخارج
لانى لابزعل اوى لما اقلاقى حد راكب العربيه وللاسف مهمل فيها جدا مع انها شيلاه كتيير

[mmoneim]

الناس كلها بتتفرج بس ولا ايه ..... الله يكون فى عونك يا بيتلز
على العموم انا ركبت مرايات سبور جديده على فتحه المرايات الاصليه وجارى رفع الصور

[mg3ain]

http://www.cardomain.com/MakeModel/Volkswagen/Beetle/

[mmoneim]

التعديلات كلها حلوة بس انا قصدى الحاجات اللى ممكن نعملها هنا فى مصر مش بره

[mg3ain]

يا باشا دوس next عندك أكتر من 1000 عربية فولكس ،، أكيد هتلاقي حاجات تتعمل في مصر يعني ركز العربية مفيهاش حوار يعني

[ahmed2y]

الى كل الاخوه ...
بقالى كتير مش شايف اى افكار خاصه بالعربه الطائشه الفولكس ولا تعديلات
هو الناس بطلت تركب العربيه ولا الناس مش داخل دمغها اى تعديل ... انا عامل الموضوع ده لانى بحب نشارك بعض بالافكار اللى ممكن تخلى العربيه فيها كل الامكانيات
على فكره التعديلات اللى نفسى فيها تشمل الشكل والمضمون من الداخل والخارج
لانى لابزعل اوى لما اقلاقى حد راكب العربيه وللاسف مهمل فيها جدا مع انها شيلاه كتيير

:u_thin1[1]:

باشا انت ساكن فين انا شوفتك مرتين عند ولاد رجب وعلى الدائرى كنت رايح ناحية السويس دا احنا جيران يا باشا ويا ريت تقولنا رايك انت فى موضوع الاشعال الاليكترونى معندكش حاجة عنة جديدة الناس بتشكر فية واحمد حسن صاحبنا عملة وبيشكر فية اول واحد عملة لكن هل فى مثلا اسبراتير اليكترونى او ما شابة ذلك

[beetleMOSH]

والله يا باشا قسم الفولكس كله نايم اصلا
و مواضيع البيتلز كمان قلت جدا جدا جدا
انا عن نفسى مبقتش اخش القسم هنا غير كل فين و فين
عشان مش بلاقى مواضيع

يا ريت معلش لو ترفع صور المرايات تانى عشان انا مش فاهم حاجه من الموقع ده

[mmoneim]

باشا انت ساكن فين انا شوفتك مرتين عند ولاد رجب وعلى الدائرى كنت رايح ناحية السويس دا احنا جيران يا باشا ويا ريت تقولنا رايك انت فى موضوع الاشعال الاليكترونى معندكش حاجة عنة جديدة الناس بتشكر فية واحمد حسن صاحبنا عملة وبيشكر فية اول واحد عملة لكن هل فى مثلا اسبراتير اليكترونى او ما شابة ذلك

انا ساكن فى الزهراء عند السنترال والاشعال الالكترونى كويس جدا انا شفت حاجه اقوى منه ان فيه اسبراتير بيجى ومعاه مبينه الكترونى زاى العربيات الحديثه انا بدور عليه لان العربيه فى السرعات العاليه الحرق بيبقى مش كويس
اما الافكار الجديده :-
تعديل علبه الدريكسيون الى علبه باور لان الكويتش عندى 17*215*55 وده مقاس عريض على الارض محتاج علبه كويسه وخصوصا وانت واقف
تعديل الطانبير الخلفيه الى سكاكين برده لانى بحس ان العربيه بتعتمد على السكاكين الاماميه فقط
على فكره السكاكين الخلفيه موجوده بس تمنها غالى حوالى 3500 جينه انا بقكر اعملها بتكلفه اقل بكتييير ان شاء الله

[mmoneim]

تعديل هدر الشكمان بدل العلبه الاصليه انا عملت الهدر ده هنا هو تمنه بره حوالى 900 دولار بالعلبه يعنى حوالى 5000 جنيه مصرى
انا والحمد لله عملته هنا بتكلفه 700 جنيه بالعلبه ومش نيكل لانه جوه العربيه

[mmoneim]

ةchappement Inox CSP "Python" 42 mm pour VW Combi 1600 50 ->71 - Split 50->67 parts - .:: Mecatechnic ::.

[mmoneim]

وده تعديل الاسبراتير
Compu-Tronix. Electronic Ignition Systems

[beetleMOSH]

ممتاز جدا الكلام ده

طيب انت عملت الهيدر و العلبه فين ؟
و هل صوتها عالى ولا ايه ؟ و الاداء اخباره ايه ؟
و اخيرا ينفع تتعمل لموتور 1200 ؟!!

[mmoneim]

ممكن تشوف ده
نفس الصوت عندى
YouTube - CSP Python uitlaat onder de 1974 kever

[beetleMOSH]

صوتها حلو ما شاء الله
طيب عملتها فين يا باشا هى و الهيدر ؟

و هل تنفع على الموتور ال 1200
لانى سمعت ناس بتقول ان سخونيه الهيدر هاتسخن المكنه و كلام فاشل كده !!

[mmoneim]

الهدر عملته عند واحد فى الاباجيه هو بتاع شكمانت بس بيمش زاى منا عايز انا ارسم وهو يقطع ويلحم
اما الموتور بتاعك عادى تعمله نفس الهدر وكلام السخونه ده لما تركب الحاجات بدون حسابات او تقدير للضغط اللى طالع بس الهدر حقيقى بيدى عزم اكبر للموتور
وده عن تجربه