مساعده لو سمحتم من حد بيفهم فى البسات الميكانيكى بيقول كلام غريب

[HaythamMohsen]

لو سمحتم حد بيفهم فى البسات الميكانيكى بيقول كلام غريب

انا معايا بسات 2000

المشكله انى لما بدوس بنزين واسيب المؤشر مبينزلش عند 800 لفه ويثبت لا ممكن ينزل ل 500 او 400 ويطلع تانىعند 800 لفه وده بيحسسنى ان العربيه هتفصل وترجع تانى

تحليل الميكانيكى

فى خرطومين خارجين من الماتورلعمه الهوا, فصل واحد منهم وقالى ده فايظ الزيت بس بيخوش على الماتور محمل بزيوت فبيوسخ بوابه البنزين انا مكنتش مقطنع لان مش هيطلع انصح من اللى عملها الغريب انه لما فصلوه العربيه اشتغلت لوز تنزل عند ال 800 وتثبت بس للاسف لمده اسبوعين بس ورجعت تانى .

ايه الصح االى المفروض يحصل انا كل ما أسال حد يفهنى ويقولى اممم ويسكت ☺

[dr_radioooooo]

امممممممممممممممممم

[dr_radioooooo]

ههههههههههههههههههه
مش عارف والله افيدك
ربنا معاك

[M.Mostafa80]

بص هو كدا حضرتك فى مشكله فى دايره الفاكيوم او فى كهرباء العربيه
قبل مانتناقش فى المشكله بتاعتك هل كشفت على العربيه من خلال برنامج كشف الأعطال

[HaythamMohsen]

شكرا لمساعدتك

الميكانيكى اللى رحلتوه معاه جهاز قد كف الايد كده وقالى مفيش حاجه. بس الجهاز كان بيعمل بيه فورمات بس ويشوف فى لمض هتنور فى التبلوه تانى والا لا .

اول مره اشتريت العربيه كشفت عليها فى مركز ووصل العربيه بلاب توب وقالى فى مشكله فى بوابه البنزين بس صاحب العربيه قالى صح كان فى بس جاب واحده استيراد والعربيه بقت كويسه تلاقيه مفرمتش بعد ماركب . للامانه العربيه مكنش فيها حاجه. عملت كده بعد ما روحت للميكانيكى بغير سيور وبوجيهات والعيل منه لله غسلى الماتور بالمسدس قال بيوجب ومن ساعتها وهيه كده لدرجه انها ممكن تفصل وانا ماشى على التالت وارمالها علشان تدور تانى قالى الانجكشن اتوسخ نضفتوه بس العربيه مش مظبوطه. مش عارف فين ميكانيكى كويس والناس بتقول التوكيل وحش .انا بصراحه ابيض فى الالمانى انا علطول معايا يابانى سوبارو بالتحديد وتوكلها كويس جدا جدا

نصيحه لوجه الله علشان محدش يقع فى الموقف ده (خرطوم البور)

اوعى تهمل فى اى خرطوم مهما كان غالى . الدريكسيون كان تقيل روحت كشفت طلع صاحب العربيه اللى قابلى كان كابس خرطوم البورمغيروش. مفيش تسريب بس الزيت مكنش بيوصل كويس ومضعوط لطرمبه البور. البور باظ l وكمان بوظ علبه الديكسيون شوفت خرطوم بيعمل ايه الاستخصار وحش فى الحجات ديه الخرطوم جديد ب 1300 استيراد يعمل من 150 ل 300 على حسب الندره وتجيبه محلول من نص قدام عينيك علشان الزيت بينشف الكوتش وينشف يعنى يشقق ده لو كان بره على الرف

ربنايحفظناو يكرمنا جميعا

[M.Mostafa80]

طب ممكن حضرتك تجرب بوابه تانيه وتشوف ايه النتيجه

[seat2002]

فى ميكانيكى اسمة محمد سمير عندة هنجر للفولكس فى جسر السويس انا بتعامل معاة هو فاهم جدا بس غالى شوية روحلة و هو هيضبطلك الباسات و ربنا يباركلك فيها

[seat2002]

بالمناسبة الهنجر بتاعة فى جسر السويس خلف حديقة بدر

[hakeemkimo]

هيا لحد كبير بوابة الموتور زي ما الاعضاء قالو .... مجرد ان الار بى ام ينزل ده شغل بوابة هاتيجى تكسر دركسيون او تشغل تكييف بدون ماتدوش دواسة البنزين العربية هاتطفى منك

[HaythamMohsen]

تمام مظبوط يا زعيم انت جبت من الاخر لما قولت لما تيجى تلف الدركسيون تبظل حصلت معايا مرتين او اكترلما تيجى تلف تبطل بس عمرى بصراحه ما كان يجى فى بالى كده على العموم انا ان شاء الله هاروح عند واحد اسمه سيد عبده فى جسر السويس سمعت انوه كويس جدا بس بالحجز

انا لسه مشترى العربيه قريب وهغير فيها الحجات التاليه وان شاء الله هقولوكو على تمن قطع الغيار بكام والمصنعيه بكام

جديد

1- طقم مقصات

2- قواعد ماتور

3- قواعد فتيس

4- طقم دبرياج

5-طنابير اماميه

6-تيل امامى

(استيراد)

7-كمبورسور تكيف و طلمبه بور وعلبه دريكسيون

الناس بترشح واحد اسمه الشهابى فى مصر الجديده هل هو فعلا كويس ؟؟ وبالنسبه للاستيراد حد يعرف حد كويس

[mahmoud_anwar]

تمام مظبوط يا زعيم انت جبت من الاخر لما قولت لما تيجى تلف الدركسيون تبظل حصلت معايا مرتين او اكترلما تيجى تلف تبطل بس عمرى بصراحه ما كان يجى فى بالى كده على العموم انا ان شاء الله هاروح عند واحد اسمه سيد عبده فى جسر السويس سمعت انوه كويس جدا بس بالحجز

انا لسه مشترى العربيه قريب وهغير فيها الحجات التاليه وان شاء الله هقولوكو على تمن قطع الغيار بكام والمصنعيه بكام

جديد
1- طقم مقصات
2- قواعد ماتور
3- قواعد فتيس
4- طقم دبرياج
5-طنابير اماميه
6-تيل امامى

(استيراد)

7-كمبورسور تكيف و طلمبه بور وعلبه دريكسيون

الناس بترشح واحد اسمه الشهابى فى مصر الجديده هل هو فعلا كويس ؟؟ وبالنسبه للاستيراد حد يعرف حد كويس

الاستراد عليك وعلي المريوطية فيصل هناك في ناس فتحت بتاعت فولكس
انا اتخيط في الحرافين ومش هنزلها تاني دول المفروض يبقا اسمهم الحرفيش او الحرمين
انا شاري طرمبة بنزين من الحرفيش بي 400 جنية طرمبة جولف 3 حالو سئلت عليها في فيصل المريوطية قالي عاملة 200 جنية انا كان معايه الكرت بتاع المحل بتاع الراجل هدور لي حضرتك عليه وهحط ليك نمرة علشان متدبش المشوار علي الفاضي بس انا بقول كلام لوجه الله الي عايز يتخيط ينزل الحرافيش بجد هما وخدين اسم علي الفاضي وملهمش لزمة وكلهم شوية حرامية لو اشتريت قطعة غيار بيظة الميكانيكي بيلبسهالك مابيقولش دي فيها بيشغلة بعض
المشكلة ان مفهوم الناس ان الحرافيش الميكانيكية الي فيها ايه عالم فورة تفك اي مسمار في فيفتو ثانية محسسني ان اي ميكانيكي فتح في الحرافين بيعملولة انتر فيو قبل ما يخلوة يفتح