عايز اركب زرار فصل في البولو

[Mahmoudyoussif]

كنت عايز اركب زرار يفصل المارش او يقطع الكهربا عن فيوز طرمبه البنزين

عشان حوادث السرقه المنتشره للعربيات اليومين دول ....

رحت للكهربائي قالي دا ممكن يحرقلك مشط الاسبراتير عشان الاسبراتير عندك اليكتروني

مع ان كان في زمايل في المنتدى على ما اذكر مركبينه في لانوس

ثانيا الانذار عندي ما بيشتغلش غير لو خبطت جامد ناحيه السينسور بتاع الانذار

عايز اعرف انهي احسن انذار ممكن اركبه ومنين انا عندي الولف في العربيه و رحت التوكيل جنبنا

صلح اللي عندي بس يعني حساسيته ضعيفه جدا عايز حاجه كويسه مش عارف اجيب ايه

[M.Mostafa80]

هى العربيه عندك مفيهاش ايمو بلايزر
وعمتا فى حاجه اسهل واوفر ممكن تتعبك فى الأول لكن بعد كده هاتتعود عليها اعرف مكان فيوز طلمبه البنزين وبعد كدا شيلو كل يوم وانت طالع وشكرا كدا لو الفيوز عندك عباره عن درج صغير زى بتاع البولو ال 98 يبقى شيل اول فيوز على اليمين اللى راكب بالعرض مش بالطول وجرب لو هو كدا هتلاقى العربيه دارت وفصلت على طول

[M.Mostafa80]

ولو النذار عندك وولف ومفيش ايمو بلايزر ممكن يتوصل فصل الكهرباء على ريموت العربيه بمعنى انك لما تقفل العربيه بالريموت مش هتدور غير لما تفتح بالريموت تانى يعنى لو اتفتحت متطفشه او بمفتاح مصطنع لو وقف على دماغه مش هيعرف يدورها الحرامى عايز السالك
مش لسه هيقعد يجرب الا أذا حرامى قلبو قاعد بقى

[Mahmoudyoussif]

انا لما جيت اشتريت العربيه معاه مفتاحين

صاحبه العربيه قالتلي مفتاحها الاصلي بس هوا اللي بيدور الموتور

انما المفتاح الاستبن اخره يفتح البيبان بس هل معنا كده ان العربيه

فيها ايموبلايزر

[A.Saad]

فيه زرار فى الانذار بيغير درجة حساسات الانذار
اظبطه علشان يحس بخبطة قوتها اقل

[M.Mostafa80]

انا لما جيت اشتريت العربيه معاه مفتاحين

صاحبه العربيه قالتلي مفتاحها الاصلي بس هوا اللي بيدور الموتور

انما المفتاح الاستبن اخره يفتح البيبان بس هل معنا كده ان العربيه

فيها ايموبلايزر

الكلام دا معناه فعلا ان العربيه فيها ايموبلايزر والموضوع فى ادينا جرب المفتاح التانى فى الدواره لو بطلت يبقى منتش محتاج للقصص دى كلها وفى الحاله دى ظبط جهاز الأنذار من خلال تعليه الحساسيه زى ما اخونا الأستاذ احمد سعد قال او غير الجهاز وكفى الله المؤمنين شر القتال
عايز بقى تزود موضوع التأمين عشان لو الحرامى ليه فى قصه فك الأيمو ولو انى اتهريت بحث فى الموضوع ده عشان اعرف ازاى ممكن يفصلوه وموصلتش لحاجه يبقى اعمل موضوع الفيوز اللى قلتلك عليه

[Mahmoudyoussif]

الكلام دا معناه فعلا ان العربيه فيها ايموبلايزر والموضوع فى ادينا جرب المفتاح التانى فى الدواره لو بطلت يبقى منتش محتاج للقصص دى كلها وفى الحاله دى ظبط جهاز الأنذار من خلال تعليه الحساسيه زى ما اخونا الأستاذ احمد سعد قال او غير الجهاز وكفى الله المؤمنين شر القتال
عايز بقى تزود موضوع التأمين عشان لو الحرامى ليه فى قصه فك الأيمو ولو انى اتهريت بحث فى الموضوع ده عشان اعرف ازاى ممكن يفصلوه وموصلتش لحاجه يبقى اعمل موضوع الفيوز اللى قلتلك عليه

جزاك الله خير يا استاذ محمد و جعله في ميزان حسناتك

و ربنا يباركلك في بنوتك يا رب .. العربيه فعلا فصلت لما دورت بالاستبن جربت مفتاحها الاصلي دارت


بس معقول العربيه موديل 95 معقول يكون فيها التقنيه دي انا كده بيزيد حبي للعربيه دي يوم عن يوم

[MOUSTAFA_SAAD]

تقنية الايموبلايزرموجوده من فتره وكانت بتنزل فى العربيات المحترمه بس وانا شايف مفيش داعى لعك فصل طرمبة البنزين لان سمعت انها ممكن تتحل بسهوله ازاى معرفشى

[M.Mostafa80]

تقنية الايموبلايزرموجوده من فتره وكانت بتنزل فى العربيات المحترمه بس وانا شايف مفيش داعى لعك فصل طرمبة البنزين لان سمعت انها ممكن تتحل بسهوله ازاى معرفشى

من خلال انه باخد توصيله مباشره من البطاريه للطلمبه على طول بس دى غلبه ومحتاجه وقت والحرامى عايز ينجز قبل ما يتقفش
وطبعا بوجود الأيمو مش مستحب عمل اى حاجه تانيه او اللعب فى الدفيره وبالذات فى العربيات دى

[M.Mostafa80]

جزاك الله خير يا استاذ محمد و جعله في ميزان حسناتك

و ربنا يباركلك في بنوتك يا رب .. العربيه فعلا فصلت لما دورت بالاستبن جربت مفتاحها الاصلي دارت


بس معقول العربيه موديل 95 معقول يكون فيها التقنيه دي انا كده بيزيد حبي للعربيه دي يوم عن يوم

ربنا يباركلك
وشكرا على الدعوه الجميله دى
البولو وفولكس عموما من السيارات المحترمه فى العالم ولا تندهش من وجود تقنيه زى دى من زمان فيها

[ashoub]

الكلام دا معناه فعلا ان العربيه فيها ايموبلايزر والموضوع فى ادينا جرب المفتاح التانى فى الدواره لو بطلت يبقى منتش محتاج للقصص دى كلها وفى الحاله دى ظبط جهاز الأنذار من خلال تعليه الحساسيه زى ما اخونا الأستاذ احمد سعد قال او غير الجهاز وكفى الله المؤمنين شر القتال
عايز بقى تزود موضوع التأمين عشان لو الحرامى ليه فى قصه فك الأيمو ولو انى اتهريت بحث فى الموضوع ده عشان اعرف ازاى ممكن يفصلوه وموصلتش لحاجه يبقى اعمل موضوع الفيوز اللى قلتلك عليه

السلام عليكم.......
انا قريت مره واحد كان الايموبلايزر عنده باظ راح لرشاد فبعت معاه واحد وصل سلكه بالكنترول او عمل قافله على حاجه هى فكرته كلها انه لما يقرا شفره المفتاح هيطلع سجنال للكونترول يعرفه ان المفتاح الاصلى هو الى موجود السيجنال ده اكيد يا ارضى او 12 فولت او ممكن يكون 5 بس ده مستبعده انتا لو معاك دايره الكونترول والايموبلايزر ممكن اعرف السيجنال ده ايه واريحه فين بالظبط ومتقلقش انا مهندس الكترونيات واتصالات

[mahmoud_anwar]

طيب انا معايه جولف 2 وعايز ايموبلايزر اعملة ازاي وتكلفتة كام ومين الي يعملة ؟؟؟؟؟؟؟؟؟؟؟؟؟؟؟؟؟؟
يارب اشوف كل حرامي ادية مقطوعة امنية من اماني حياتي اشوف الحرمية اديهم مقطوعة
رشحوني بس وانا هظبطلكم البلد وهدي كل واحد من الاسرة فلوس وكل هيركب زيرو ومش اقل من بي ام
هههههههههههههههههههههههههههههههههههههههههههههههههه هههه

[ashoub]

طيب انا معايه جولف 2 وعايز ايموبلايزر اعملة ازاي وتكلفتة كام ومين الي يعملة ؟؟؟؟؟؟؟؟؟؟؟؟؟؟؟؟؟؟
يارب اشوف كل حرامي ادية مقطوعة امنية من اماني حياتي اشوف الحرمية اديهم مقطوعة
رشحوني بس وانا هظبطلكم البلد وهدي كل واحد من الاسرة فلوس وكل هيركب زيرو ومش اقل من بي ام
هههههههههههههههههههههههههههههههههههههههههههههههههه هههه

الوحيد الى شاطر قوى فى شغل الكهرباء والكنترول هو رشاد فى الحرفيين وتقريبا سعره 350 جنيه بس معرفش عندك الكونترول هيقبله ولا لا لازم كنترول العربيه يكون فى الخاصيه ده او ممكن رشاد يتصرف ويظبطلك الدنيا بس الليله كلها هتدخلها تقريبا فى 500 جنيه