تصليح علبة دركسيون (خالد رباب)

[semam]

السلام عليكم ورحمة الله وبركاتة

من حوالى اسبوع روحت لمركز ظبط زوايا واتزان علشان العربية فيها حدفة ناحية الشمال والكاوتش بيعمل صوت سحفة

كدة مع الفرامل لما بكون بجرى


بس بتاع ظبط الزوايا قالى ان عندى مشاكل فى العفشة ومنها البارات وعلبة الدركسيون والمساعدين

فتوكلت على الله ورحت للاسطى خالد رباب وبص على العربية وقالى ان كل المشاكل دى من علبة الدركسيون

وسألتة اذا كانت المساعدين سليمة ولا لا قالى انها سليمة ورحتلة امبارح علشان اعمل العفشة وبالفعل شاف

البارات وقالى انها سليمة وشاف البيض لاقاة كويس ماعدا البيضة بتاعة الجنب الشمال ( بيضة مثلث) فغيرلهالى وصلح علبة

الدركسيون وقفل العربية وخرجنا جربنها فى شارع كلة مطبات قالى انا عايزك تجرى فى الشارع دة طبعا انا شفت

منظر الشارع قولتلة طيب يا عم خالد ما نرجع الورشة نجيب عدة بدل ما نلاقى نفسنا على الارض والعربية مكملة

لوحدها قالى اجرى ومكلش دعوة انا عايز اتأكد من شغلى وفعلا اخدت الشارع برطعة وبسم الله ماشاء الله العربية

ادائها بقة زى الفل بس الدركسيون اصبحت حركتة تقيلة وهو قالى انها هتخف مع الوقت وهروحلة كمان 20 يوم

علشان نربط العفشة ( استشارة يعنى ) واخد مصنعية 350 جنية

[smsmxxxxxx]

الف مبروك يا باشا على تظبيط العربية

كويس انه بيصلح علبة الدريكسيون الراجل دا فعلا استاذ كبير

انا بفكر اروحله يصلح لي علبة الدريكسيون بتعتى لان فيها بوش

---------------
محمد سالم

[dr_radioooooo]

بس 350 مصنعية على الكلام ده كتير

[smsmxxxxxx]

علبة الدريكسيون المستعملة للموديلات 1302 و 1303 ثمنها استيراد بيوصل 1000 جنيه ومتلقيش حاجة كويسة بسهولة

هو خالد رباب كان بيلم من بتوع قطع الغيار الاستيراد فى الفترة الاخيرة العلب دى

فهو لو غير الجزء البايظ فيها ب 350 يبقي كدة وفر ثمن علبة ثانية

[abowaleed]

يت جماعة حد يدلني علي صانيعي عافشه كويس بمعني كويس
عاوز أصلح عافشة عربيتي بيتلز 1302

[semam]

عموما يا محمد لو عايز تروحلة ابقة قولى وهروح معاك

[mmoneim]

صباح شريف على الاخوه الافاضل
طبعا انا من اصحاب العلبه اللى بتوصل لالف جنيه استيراد وطبعا لازم تكون حله ممتازه وده للاسف مش موجود علشان الناس اللى بتلم العلب من السوق وطبعا ابقى انا وغير مضطريين نروح عندهم وطبعا انتوا فاهمين الحجز بقى والمصنعيه ومعليش اصلى مش فاضى واقعد طول النهار وممكن اروح تانى علشان العلبع بوشت بادرى ...... الخ
ولانى دماغى طأه .... زاى منتو عارفين فأنا اخترت التعديل الجديد على العربيه وهو علبه دركسيون اسكاتره
طبعا الكل بيقول عادى ماهى موجوده فى موديلات 75 ان شاء الله انا ناوى على تعديل علبه اسكاتره باور كهربا زاى العربيات الحديثه
يعنى مش محتاج طلمبه زيت ولا خراطيم ولا علبه معقده
كلى مافى الامر علبه دريكسيون اسكاتره باور كهربا وعمود تاره سيتى باور والتكلفه ممكن تكون برضه فى حدود الالف جنيه
بس

[mmoneim]

والصيانه بتكون فى البارات والبيض بعد كده
جارى التنفيذ ان شاء الله

[ahmed2y]

صباح شريف على الاخوه الافاضل
طبعا انا من اصحاب العلبه اللى بتوصل لالف جنيه استيراد وطبعا لازم تكون حله ممتازه وده للاسف مش موجود علشان الناس اللى بتلم العلب من السوق وطبعا ابقى انا وغير مضطريين نروح عندهم وطبعا انتوا فاهمين الحجز بقى والمصنعيه ومعليش اصلى مش فاضى واقعد طول النهار وممكن اروح تانى علشان العلبع بوشت بادرى ...... الخ
ولانى دماغى طأه .... زاى منتو عارفين فأنا اخترت التعديل الجديد على العربيه وهو علبه دركسيون اسكاتره
طبعا الكل بيقول عادى ماهى موجوده فى موديلات 75 ان شاء الله انا ناوى على تعديل علبه اسكاتره باور كهربا زاى العربيات الحديثه
يعنى مش محتاج طلمبه زيت ولا خراطيم ولا علبه معقده
كلى مافى الامر علبه دريكسيون اسكاتره باور كهربا وعمود تاره سيتى باور والتكلفه ممكن تكون برضه فى حدود الالف جنيه
بس

عاليا النعمة انت راجل كويس وافكارك تمام وحل التعديل دة باستبدال العلبة بقطع تانية ولا فى تعيدل جامد وخراطة وقص ولصق وكدة

وعلى فكرة بقى انا لو شوفتك الصبح تانى عند الزهراء مش هسيبك


تحياتى يا باشا

[mmoneim]

عاليا النعمة انت راجل كويس وافكارك تمام وحل التعديل دة باستبدال العلبة بقطع تانية ولا فى تعيدل جامد وخراطة وقص ولصق وكدة

وعلى فكرة بقى انا لو شوفتك الصبح تانى عند الزهراء مش هسيبك


تحياتى يا باشا

الله يخليك يا باشا
انت بس زمر وانا اركن وطلما احنا جيران فى الزهراء انا كل يوم من الساعه 9 صباحا تلاقين على الطريق من الزهراء الى الكليه الحربيه على الدائرى
والشرف ليا بمعرفتك

[semam]

يت جماعة حد يدلني علي صانيعي عافشه كويس بمعني كويس
عاوز أصلح عافشة عربيتي بيتلز 1302

خالد رباب شارع الجامع بجوار مسجد الشوربجى - صفط اللبن - فيصل

وبجد احسن ما كل واحد يفضل يقولك دة بايظ وغيرة وتسمع تأليف من كل واحد شوية ويطلع فى الاخر الموضوع بسيط

روح لخالد حتى لو مش هتصلح عندة اسمع هو رأية اية فى العفشة اللى عندك وانت اللى هتاخد القرار فى الاخر

[mohamed_rhem]

من كتر الناس ما بتشكر فيه كلمته علشان علبة دركسيون السيريون

لكن هو متخصص زيادة مش بيشتغل غير في البيتل

تحياتي للاسطي خالد رباب

[Colin Chapman]