بفكر أجيب جيتا base line

[solid_khaled]

قدامي وحدة base line 2008 مشية 34 ألف كيلو على 110 ألف جنيه

كنت عايز أعرف إيه الحاجات الممكن اركبها عشان أخليها ذي ال- package 2

1-هي بتيجي بكوتش 16 أعتقد .. الجانت ال-16 بكام الزيرو والمستعمل ؟

2-الملتي فنكشن فالدركسيون بكام ؟

3-الكاسيت ال-touch الأصلي بكام ؟

4-ال-sensors تتركب بكام ؟


thanks to VW team

[yasserelsayad]

بلاش يا باشا انا بحس ان base line دى فقيرة جدا ومش جيتا
انت ممكن تجيب واحدة هاى لاين موديل 2006 مثلا بـ 120 الف حاجة كدا يعنى وهى هى العربية
بس خالى بالك ان قطع الغيار غالية والصيانات كمان

[kar!m]

عاوز أتأكد من حاجة بالمرة .. واحد صاحبى اشترى كبالن لجيتا ب 10 الاف جنية .. و بيقول لى السعر ده كويس جدا .. الكلام ده صح ولا ايه؟

[etcho2000]

متابع !!!

[spider6666]

انا باسمع كمان انه طقم السيور فيها ممكن يكلف في رينج ال 5000 جنيه
ياريت حد يحطلنا اسعار قطع الغيار ويبقى شكرا ليه

[islamaboelnaga]

طقم السيور 1300 جنيه

[A_AMR_86]

ياباشا نصيحة لوجة الله
الجيتا والa5 والجولف 5 والسيات ابيزا والليون فيها عيب ف الفتيس فى حاجة اسمها العقل (valve body) ودة بيتكلف كتير جدا من 6000 تقريبا الى 19000 علشان يتصلح دة غير وجع القلب
وانا من ملاك الجولف 5 وعربيتى باظت عند ال 45000 كيلو وللاسف كانت خليجى فمينفعش ادخلها التوكيل الا بعد دفع مبلغ 7500 تأديب
ومتصدقش كلامى
وروح بنفسك ورا حديقة بدر فى جس السويس وروح التوكيل وروح الحرفيين وشوف كم العربيات الى بايظة
ونصيحة انك لو خلاص نويت وقررت انك تجيبها .... متجبهاش خليجى ابدا ابدا علشان لقدر الله لو حصلها حاجة ممكن تصلحها ف الضمان او على الاقل تترحم من الصنيعية

[jeta2008]

يا باشا, مش بدافع عن حاجة
بس انا فضلت ادور على جيتا 9 شهور وانا من غير عربية وسمعت الكلام اللى اتقال دة كلة على موضوعك ولما ربنا وافقنى فى واحدة ممتازة بس خليجى روحت عملت صيانة ال60 الف عند احمد عزت وغير الاتى
1- البوجيهات
2- طقم سيور العربية بكامل
3- فلتر البزين
4- فلتر الزيت
5- الزيت
6- التيل الامامى
مع ملاحظة انى كنت بقارن بين اللى بيتفك واللى بيركب الاقية كوبى وبيست

الفاتورة 2300

طبعا كنت منشكح على الاخر
انت هتلاقى اسعار الصيانة بتاعتها اغلى شوية عن باقى العربيات لكن دة مقابل انك راكب المانى مش كورى

اللى انا فعلا حاسس انة مبالغ فية هى اكسسوارات العربية( الفوانيس و الاقصدامات و المساحات .....الخ) ودة لو قدر اللة العربية اتخبطت ودية مش مشكلة ابدا طلما انت مامن على العربية

ودة رايى

[Ahmad Allawy]

كنت عايز أعرف إيه الحاجات الممكن اركبها عشان أخليها ذي ال- package 2

1-هي بتيجي بكوتش 16 أعتقد .. الجانت ال-16 بكام الزيرو والمستعمل ؟
الجنط في التوكيل ايطالي زي ارابكوم برة التوكيل ب 4500 او 5000
و استيراد هيعمل حوالي 2000 جنيه المكسيكي الاصلي بتاعها..

2-الملتي فنكشن فالدركسيون بكام ؟
في الحالة دي محتاج تغير طارة و عدادات عشان يكون فيها الشاشة الكبيرة بتاعت الشيفت بتاع الدركسيون.. و الطلعة دي هتتكلف مش اقل من 5 الاف جنيه..

3-الكاسيت ال-touch الأصلي بكام ؟
تمنه مش هيقل عن 2500 جنيه برضه..



اشتري دماغك و هاتها كاملة اريح و ارخص..