لو سمحتم فعلا محتاج مساعدتكم جدا جدا جدا

[3ateef]

اكيد حضرتك بتكلم علي الجيتا الصيني بتاعت غبور

+11111111111111111

[TeMoON]

السلام عليكم ورحمة الله وبركاتة
اسمحلى ياباشا اقولك مميزات الجيتا وعيوبها ودا عن استخدامى للعربية لانى معايا واحدة بقالها اكتر من سنة ونص
من عيوب الجيتا
العربية واطية وقريبة من الارض يعنى لا يفضل انك تحمل فيها كتير ولو حملت فيها كتير هتحتاج انك تاخد المطب بالعرض عشان العربية ما تحكش ودا مش عاملى مشكلة لانى اغلب وقتى راكب عربيتى لوحدى

العربية تقيلة فى السحب مع البنزين 92 وسحبها حلو بال 95 وانا بستخدم بنزين 95 وبفول التنك ب 150 جنية

قطع غيارها غالية طبعا لانها عربية المانى ولان طبعا قطعة الغيار بتعيش فى العربية الى ما شاء الله

بالنسبة للجيتا الفتيس dsg او 7 نقلات نصيحة من اخ وعن كلام الميكانيكى الى بتعامل معاه بلاش الفتيس دا ولو جبت العربية تجبها وكيل عشان الفتيس دا زى الزفت وبيبوظ وتكاليفة غالية جدا

تكيف الالمانى مش قوى زى اليابانى طبعا

من مميزات الجيتا
العربية ما شاء الله مريحة جدا
ناعمة جدا
كمالياتها كتير
اثبت من الكنبة الى اسمها الهوندا سيفيك ودا عن كلام ناس راكبينها

ثباتها ما شاء الله فوق الرائع ودا عن تجربة والحمد لله العربية دى انقذتنى من حادثة لو عربية تانية غيرها كان زمانى لفيت بالعربية ولبست فى عمود ولا حاجة

ودى معلومات سريعة عنها واتمنى انى اكون افدتك ولو حضرتك احتاجت اى حاجة بخصوص العربية راسلنى على الخاص وانا تحت امرك فى اى معلومة تحتاجها
وعلى فكرة انا من يوم ما اشتريت العربية دى عمرى ما ندمت انى اشتريتها لانى حاببها جدا والحمد لله

[makmool]

يعني في حالة بنزين 95 التنك بيعمل كام كيلووفي حاله 92 بيعمل كام كيلو....وانا ناوي اشتري خليجي علشان فيها كماليات اكتر.... هل فية حد هنا عاني من مشاكل مع الفتيس بتاعها في موديلات 2010 لان اللي في التوكيل حتي بيقولوا ان المشاكل اللي في الفتيس كانت في موديلات 2009 فقط مش 2010.....

[TeMoON]

يعنى فى المشوار من القاهرة لبورسعيد رايح جاى عملت فى نص التانك 450 كم بالنزين 95 وفى 92 هتقل شوية بس مش عارف كام بظبط هو كان التنك معايا فى 92 كان بيعمل 400 كم بالكتير انما فى 95 بيعمل من 450 ل 500 داخل المدينة وساعات اكتر لان 95 فى الضغط على دواسة البنزين من اقل حاجة بيخلى العربية تتحرك على عكس 92 لازم تضغط لاخر الدواسة وغير كدا حاجة تانية انا لما كنت بحط 92 غيرت بيوجيهات العربية الاصلى الى جاية فيها على 20 الف كم وكانت خارجة من الموتور متاكلة ومنتهية وحالتها حاله فا انا بحط 95 عشان اريح عربيتى انا الاول ماكنتش برضا احط 95 بس لما حطيتة وجربتة عرفت فعلا هو اد اية كويس اوى للعربيات كلها

[makmool]

اولاياباشا متشكر جدا جدا علي رد حضرتك... لو ممكن كمان اعرف اذا كان فية حد هنا عاني من مشاكل مع الفتيس بتاعها في موديلات 2010 لان اللي في التوكيل حتي بيقولوا ان المشاكل اللي في الفتيس كانت في موديلات 2009 فقط مش 2010.....وان المشكلة مشكلة سوفت وير مش مشكلة فتيس اصلا مش فاهم الصراحة قصدهم اية....
أما بالنسبة لموضوع البنزين هية الجيتا سعة التنك بتاعها كام وهل صحيح ممكن اعمل ميكس بين 95 و92 ومايكونش فية مشكلة علي الموتور؟؟؟ولا ده غلط

[TeMoON]

اولاياباشا متشكر جدا جدا علي رد حضرتك... لو ممكن كمان اعرف اذا كان فية حد هنا عاني من مشاكل مع الفتيس بتاعها في موديلات 2010 لان اللي في التوكيل حتي بيقولوا ان المشاكل اللي في الفتيس كانت في موديلات 2009 فقط مش 2010.....وان المشكلة مشكلة سوفت وير مش مشكلة فتيس اصلا مش فاهم الصراحة قصدهم اية....
أما بالنسبة لموضوع البنزين هية الجيتا سعة التنك بتاعها كام وهل صحيح ممكن اعمل ميكس بين 95 و92 ومايكونش فية مشكلة علي الموتور؟؟؟ولا ده غلط

شوف ياباشا انا عربيتى شاريها سبتمبر 2009 ورخصتها 2010 وانا عندى الفتيس القديم ونور التابلوة عندى ازرق والعربية الى معايا خليجى والحمد لله مش بشتكى منها فى حاجة هى مشكلة فتيس الجيتا عموما فى عقل الفتيس ومعنى ان العقل دا باظ ارمى الفتيس وهات واحد جديد او استيراد لان الفتيس ما هو الا العقل دا ودا العيب الى فية والمشكلة دى فى الفتيس القديم عربيات عربيات بمعنى انت وحظك انما dsg محدش ما اشتكاش منة هو بيبوظ والميكانيكى الى بتعامل معاه قالى على كذا عربية باظ الفتيس dsg بتاعهم وكان فى هنا اخ وعضو وكان معاه باسات tsi dsg وكيل وكان جايب العربية فيها مشكلة مع الفتيس بس الوكيل حلها على حسابة طبعا عشان العربية جديدة وفى الضمان فا لو اشتريت جيتا dsg انصحك بالوكيل حفاظا على مالك هو صحيح توكيل مئرف زى توكيلات مصر بس اهو مفيش حلاوة من غير نار
انا ان شاء الله ناوى لما اغير بعد كدا ادام مش هشترى فولكس تانى طول ما فى الفتيس دا بينزل فى موديلاتها

اما بالنسبة للبنزين هو تنك العربية على ما اعتقد 60 لانى لما بفول 95 يعنى من الصفر بتاخد بحوالى 150 او 155 جنية لما بتكون فاضية وبالنسبة لموضوع انى حط 92 على 95 انا ما جربتهاش لان لو حسبتها هتلاقى فرقها حوالى 20 او 30 جنية فا انا بحط 95 واريح دماغى عشان اخد اداء العربية كامل ومظبوط
على فكرة انا بحط 95 لان تحركاتى بالعربية مش كتيرة يعنى اعتبر مش بتحرك غير على سفر او مشاوير خاصة فا كل اسبوع بدفع 100 جنية بنزين ودا لما اكون مشيت بالعربية مشاوير انما لو انت تحركاتك كتير والميزانة مش هتسمح معاك حط 92 هتمشى مش هتقول لا انما لو تقدر تحط 95 ماتبخلش على العربية والله بيفرق جامد
واتمنى انى اكون افادتك ياباشا ولو فى حاجةى تانية عاوز تسال عنها انا تحت امرك