إعـــــــلان

Collapse

.

,
See more
See less

الزيت زاد فى العربية عندي ؟؟؟!!!

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    الزيت زاد فى العربية عندي ؟؟؟!!!

    السادة الزملاء
    سلام الله عليكم ورحمة الله وبركاته .

    بالأمس وانا ماشي على طريق مصر إسماعلية الصحراوي الساعة تقريبا 10 بالليل .. العربية نخعت مني جدا وبدأت سرعتها تقلل وكل ما ادوس بنزين اكتر العربية تتخنق اكتر لحدا ما بطلت فعلا وركنت .

    واستنيت حوالي ربع ساعة وقعدت ابرد فى الموبينة حسب نصايح بعض الزملاء ليا .. وبردة ما رديتش تدور وبعد حوالي نص ساعة من المحاولات درات بس مشيت ببطء شديد يعني على التاني وبسرعة 30 كيلو ودواسة البنزين على الاخر ..

    المهم وقتها قدر صديق لي من العاشر انه يوصل ليا ووقفت وقعد يخبط شوية على طرمبة البزين وشوية لعب فى الكربراتير العربية مشية بس مع دخان كتير ابيض ..

    ولمبة الزيت كانت بتنور مع السرعات القليلة .. بس بمجرد ا ادوس بنزين جامد كانت تطفي وده ما كنش بيحصل قبل كده ..

    والحمد لله وصلت البيت والليلة عدت على الخير وخصوصا ان الإسرة كانت معايا .


    ولما نزلت الصبح علشان اقيس الزيت لاقيت الزيت اكتر من المعدل بتاعة بتاع 4 اضعاف !!.. مسحت المقياس وجربت تاني لاقيت فعلا الزيت زايد .

    ولمبة الزيت ما نورتش لما دورت العربية .. !!!

    حد عنده تفسير .. وخصوصا اني جديد فى البيتلز ومش قادر حتي اتوقع .. ده ممكن يكون ايه وهل ممكن امشي بالعربية كده .. ولا خطر .. ولو مشيت هتقدر توديني جسر السويس عند اي ميكانيكي هناك ؟؟؟

    وموضع الزيت ده فعلا غريب وقالقني جدا ..

    انا مش عارف اعمل ايه صراحة .. وخصوصا انا فى العاشر من رمضان .. ومش لاقي حد استشيره غيركم ..

    وآسف على الإزعاج والرغي . وربنا يستر

    اخوكم
    [CENTER]أنا الكاتب والصحافى بعد شويه همشى حافى !!
    احنا من الفقر ما بنغفل وهوه وحده إلى غافى
    كاتم على قلوب الناس غرقان فى حكمه الطويل
    وإحنا بنغنى مـــــــــــــــــــواويل !![/CENTER]
    [CENTER][URL="http://quptan.spaces.live.com/"][COLOR="Red"]مدونتي[/COLOR][/URL][/CENTER]
    الكلمات الدلالية (Tags): ؟؟؟, الزيت, العربية, صاج, عندى
  • #2
    بعد زيارة ناجحة جدا للحاج محمد علي بجسر السويس وبمساعدة استاذ احمد حسن - المحترم جدا - تم بحمد لله حل مشكلة السيارة وذلك بالخطوات التالية :-

    1- تغير الزيت المختلط بالبنزين بزيت جديد ( نزلت من العربية حوالب 6 لتر زيت مختلط بالبزين !!)
    2- المشي البطيئ (سلاسنيه ) من العاشر وحتي جسر السويس عند الحاج محمد علي والتوقف عدة مرات للتأكد من الحرارة والزيت .
    3 - عند الحاج محمد علي تم تنظيف الكرابتير والإسبراتير وفحص طلمبة البنزين وكان السبب - والعهدة على الحاج محمد علي - هي الكاربراتير وتم حل المشكلة والحمد لله العربية بقت زي الفل وتحت التجربة .

    المدهش فى الموضوع عمرو ابن الحاج محمد علي اداني سير احتياطي وغير لى فلتر البزين كمان
    وبعد ده كله اخد مني 45 جنيه فقط لا غير .. وده غير الذوق والطريقة المحترمة جدا فى التعامل .. فعلا ربنا يكرمهم وشكرا جزيلا جدا جدا للأخ المحترم احمد حسن وربنا يجازيه خير ويقدرني اقدر ارد له الجميل ده ..


    وشكرا جزيلا
    [CENTER]أنا الكاتب والصحافى بعد شويه همشى حافى !!
    احنا من الفقر ما بنغفل وهوه وحده إلى غافى
    كاتم على قلوب الناس غرقان فى حكمه الطويل
    وإحنا بنغنى مـــــــــــــــــــواويل !![/CENTER]
    [CENTER][URL="http://quptan.spaces.live.com/"][COLOR="Red"]مدونتي[/COLOR][/URL][/CENTER]

    Comment

    • #3
      الحمد لله جت سليمة .. ممكن عنوان ورشة الحاج محمد على ؟
      <a href="http://www.neobux.com/?r=yahiatnt"><img src="http://images.neobux.com/imagens/banner8.gif" width="468" height="60"></a>

      Comment

      • #4
        المشاركة الأصلية كتبت بواسطة yahiatnt مشاهدة المشاركة
        الحمد لله جت سليمة .. ممكن عنوان ورشة الحاج محمد على ؟
        شوف يا حاج يحي ,

        لو انت جاي من السلام هتمشي جسر السويس لحد ما تلاقي على يمينك مدينة ملاهي صغيرة حبتين ( يعني ممكن تقول جنينة ملاهي ) .. هتدخل فى اول يمين بعدها فى الناصية المجاورة ليها مباشرة وتخش فى اليمين إلى بعده على طول .. هتكون في ضهرها يعني هتلاقي نفسك فى الشارع الموازي لشارع جسر السيوس بس عكس الإتجاه طبعا :b4_611: ...


        هتمشي حوالي 300 متر لحد ما تلاقي كفيتريا "زيزينيا " على شمالك . وادخل الشارع إلي على ناصيتها شمال .. تاني ورشة ...

        وربنا يكرمك وتكون حاجة سهلة .

        وده رقم تليفون عمرو ابن الحاج محمد علي

        0166552904

        وشكرا جزيلا
        اخوك
        [CENTER]أنا الكاتب والصحافى بعد شويه همشى حافى !!
        احنا من الفقر ما بنغفل وهوه وحده إلى غافى
        كاتم على قلوب الناس غرقان فى حكمه الطويل
        وإحنا بنغنى مـــــــــــــــــــواويل !![/CENTER]
        [CENTER][URL="http://quptan.spaces.live.com/"][COLOR="Red"]مدونتي[/COLOR][/URL][/CENTER]

        Comment

        • #5
          الحج محمد على و عمرو ابنه بجد ناس محترمه جدا
          و بقالى سنتين بتعامل معاهم
          و بصراحه مفيش مره اتاخرو عليا فى اى حاجه


          و العنوان
          محطه العرب قدامها جنينه جسر السويس
          محمد على ف دهر الجنينه
          شارع اسمو شارع السلام
          ( بس هو ميكانيكى بيتل بس )
          [FONT=Arial][B][FONT=Fixedsys][SIZE=3]لا اله الا الله عدد ما كان و عدد ما يكون ,و عدد الحركات و السكون[/SIZE][/FONT][/B][/FONT]

          Comment

          • #6
            زيادة الزيت معناة ان البنزين مخلوط بالمياة غير المحطة اللى بتحط منها ولاحظ الفرق
            [CENTER][FONT=Arial Black][B][I]Dr. Hatem[/I][/B][/FONT][/CENTER]

            Comment

            • #7
              المشاركة الأصلية كتبت بواسطة hatem11112000 مشاهدة المشاركة
              زيادة الزيت معناة ان البنزين مخلوط بالمياة غير المحطة اللى بتحط منها ولاحظ الفرق
              هي نفس المحطة إلى بتعامل معاها دايما .. وهما ناس محترمين , فموضوع المياة ده مستبعد ..

              والزيت فعلا كان ريحته بنزين .. وكان مختلط تمام مع البنزين لما نزلته .. فصعب تكون مياه لأن المياه والزيت لا يمتزجان ..

              وانا فعلا لاحظت تسريب بنزين عن الطرمبة .. وربنا يستر :)

              شكرا جزيلا يا حاتم بك

              اخوك
              [CENTER]أنا الكاتب والصحافى بعد شويه همشى حافى !!
              احنا من الفقر ما بنغفل وهوه وحده إلى غافى
              كاتم على قلوب الناس غرقان فى حكمه الطويل
              وإحنا بنغنى مـــــــــــــــــــواويل !![/CENTER]
              [CENTER][URL="http://quptan.spaces.live.com/"][COLOR="Red"]مدونتي[/COLOR][/URL][/CENTER]

              Comment

              • #8
                'طب هو ازاى البنزيين هايخش على الزيت ؟!
                و ايه السبب ف ان ده يحصل ؟!
                [FONT=Arial][B][FONT=Fixedsys][SIZE=3]لا اله الا الله عدد ما كان و عدد ما يكون ,و عدد الحركات و السكون[/SIZE][/FONT][/B][/FONT]

                Comment

                • #9
                  المشاركة الأصلية كتبت بواسطة beetlemosh مشاهدة المشاركة
                  'طب هو ازاى البنزيين هايخش على الزيت ؟!
                  و ايه السبب ف ان ده يحصل ؟!
                  أولا : سلام الله عليكم
                  ثانيا : لم اصل إلى العيب تحديدا ولكني اتوقع التالي :-

                  1- بداية توقف العربية حدث لوجود إنسداد فى الكاربراتير باي شكل من الاشكال لذلك توقفت العربية .
                  2 - اثناء محاولتي و وإصرارى على تشغيلها مع وجود هذا السد فى الكاربرتير ادي إلى تلف طلمبة اوحصل فيها تسريب نتيجة الكبس خلاها تدخل بنزين جوة الموتور ..
                  3 - ومع الخبط عليها واللعب فى الكربراتير العربية مشيت ورجع البنزين لمسارة الصحيح بس بعد ما الموتور اتملي زيت ..

                  الغريب بقى ان الحاج محمد علي قالي ان فلتر البنزين كان مسدود !! وغيره .

                  هذا والله اعلم

                  اخوك
                  [CENTER]أنا الكاتب والصحافى بعد شويه همشى حافى !!
                  احنا من الفقر ما بنغفل وهوه وحده إلى غافى
                  كاتم على قلوب الناس غرقان فى حكمه الطويل
                  وإحنا بنغنى مـــــــــــــــــــواويل !![/CENTER]
                  [CENTER][URL="http://quptan.spaces.live.com/"][COLOR="Red"]مدونتي[/COLOR][/URL][/CENTER]

                  Comment

                  • #10
                    الحمد لله انها جت ف حاجه بسيطه
                    بس انا استغربت البنزين هايخش ازاى و يبقى مع الزيت !!
                    مشكور على الافاده :)
                    [FONT=Arial][B][FONT=Fixedsys][SIZE=3]لا اله الا الله عدد ما كان و عدد ما يكون ,و عدد الحركات و السكون[/SIZE][/FONT][/B][/FONT]

                    Comment

                    السابق template التالي
                    Working...
                    X