المشورة ......انا عايز اشتري باسات 2011

[maj]

يا جماعة معلش عايز مشورتكم انا عايز اشتري باسات 2011 هاي لاين بس بصراحة سمعت مواويل عن الفتيس بتاعها وانه هو بيبوظ بسرعة هي المعلومة دي صحيحة ولو كده ممكن اشتري ايه تاني في حدود سعرها

[TeMoON]

يباشا الفولكس الجديد عموما بالفتيس dsg بيبوظ عموما
انت لو هتجيبها زيرو تحيبها وكيل
وياترى انت معاك كام فلوس عشان تشترى عربية

[gellish]

فعلا الفتيس الجديد dsg فيه عيب صناعة و واحد صديقي غير الكلاتش في الضمان بعد حوالي 24 الف كيلو فقط
بس قالي ان العربية رجعت احسن من الزيرو (العربية 2010)
مش حتلاقي حاجة جديدة زيرو بالآمكانيات دي بنفس السعر الا لو حتركب بيمر 316 و دي صغيره جدا بالمقارنة بالباسات
ممكن تشتري بيمر 525 مو 2006-2007 مستعملة بحالة نظيفة

[maj]

يباشا الفولكس الجديد عموما بالفتيس dsg بيبوظ عموما
انت لو هتجيبها زيرو تحيبها وكيل
وياترى انت معاك كام فلوس عشان تشترى عربية

بص يا سيدي انا كنت ناوي اعمل قرض سيارة ادفع مقدم 40% ميزيدش عن 100000 وبعدين بصراحة انا مش ناوي اشتري زيرو علاشن اقعد اجري ورا الوكيل انا بشتري الزيرو علاشن اشتري دماغي

فعلا الفتيس الجديد dsg فيه عيب صناعة و واحد صديقي غير الكلاتش في الضمان بعد حوالي 24 الف كيلو فقط
بس قالي ان العربية رجعت احسن من الزيرو (العربية 2010)
مش حتلاقي حاجة جديدة زيرو بالآمكانيات دي بنفس السعر الا لو حتركب بيمر 316 و دي صغيره جدا بالمقارنة بالباسات
ممكن تشتري بيمر 525 مو 2006-2007 مستعملة بحالة نظيفة

ربنا يخليك يا باشا ان بس بخاف جدا من المستعمل ده غير اني معنديش وقت ولا فلوس للميكانيكية وقطع الغيار

[horas3000]

علي حد علمي العيب كان في موديلات 2009 فقط
من اول 2010 مفيش مشاكل في ال dsg

[mohamed eladawy]

انا الحمد لله معايا جيتا خليجي 2010 هاي لاين كل اللي انا سألأتهم علي الفتيس قالولي انو بيكون في مشاكل في حالة الاستخدام السيء فقط انما فتيس ممتاز بمعني الشد و القرص و السواقه علي الستبترونك وهكذا

[ahmzd]

والله أنا احترت الجيتا حلوة وللا وحشة عملية وللا مكلفة بتبوظ وللا معمرة

[TeMoON]

شوف ياباشا الجيتا عربية جميلة جدا ومحترمة جدا بس عيبها انها واطية وتقيلة فى السحب غير كدا العربيه اكتر من ممتازة

[inspiron]

مشكلة الفتيس dsg لا يوجد لها حل حتي الآن..والعيب موجود به منذ أول إنتاج له حتي الآن حتي في موديلات 2011...

تكلفة الفتيس في حال التغيير 71000 جنيه .وإذا كان في الضمان يتم تغييره علي حساب الضمان إذا مشتغلوش العميل وقالولوا ده عيب إستخدام.

الخلاصة..فولكس فاجن نجحت في مواتير الـ tsi وفي تكنولوجيا الفتيس الجديد الــ dsg ولكن لم تنجح في حل المشكلة الموجوده به.

نصيحة أخوية.متدفعش المبلغ ده في عربية وإنت عارف إن الفتيس بتاعها هيبوظ في وقت قصير في مقابل الفخامة والقوة.

المبلغ ده يجيب عربية برقبتها (525 موديل 2006 - 2007 ) ركوبة تاني خاااااااااااااالص. تحياتي

[rabso]

ياجماعة العربية معايا عاملة 20 الف كيلو ومفيش اى مشاااااااااااااااكل

[inspiron]

ياجماعة العربية معايا عاملة 20 الف كيلو ومفيش اى مشاااااااااااااااكل

المشكلة مش بتحصل مع كل الناس..هي حظوظ..ولكن لو محصلتش مع حد ممكن تحصل بعد الـ 50000..و ربنا يكفينا الشر

[dramir1]

انا لو مكان حضرتك :هشتري مرسيدس e200 موديل -2006 >> تكون عامله كم قليل واكشف عليها في التوكيل<<< وابحث على كونتاكت والوسيط والاهرام على حاله نادره....فعلا العربيات دي احسن الف مره من الباسات . وجرب تكلم حد من العارضين مرسيدس...واطلب منه تسوق العربيه وانت تعرف معني كلامي. واكيد اللي ركب مرسيدس فاهم انا اقصد ايه .
ودي مجرد نصيحه ولك الاختيار في الاول والاخر.ولا تنسى صلاة الاستخاره.
ولكن لو لم تجد حاله نادره بلاش تشتري مستعمل خالص وعليك وعلى الزيرو ...ولازم تحدد مواصفات العربيه اللي انت عايزها:شبابي ولا كلاسيك ...شنطه ولا هاتش باك>>> عشان الاعضاء يعرفو يساعدوك في اختيار سياره زيرو تناسب متطلبات حضرتك..

[ROMA_VIP]

هاوز اعرف تقييم الباسات 2011 baseline

[abo_anas]

يا اهل الخبره فى الباسات لو تكرمتم هل الباسات 2006 فيها نفس المشكله .

لانى قدامى باسات 2006 هاى لاين 1600 سى سى فابريكه فا اللى يقدر يفيدنى هل فيها مشاكل ولا 2006 بعيد عن مشاكل الفتيس ؟

ورجاء من اهل الخبره عاوز اعرف تعمل كام؟؟؟؟ هى باسات 2006 هاى لاين فضى فابريكه بالكامل اول يد ماشيه 60 الف كم

وجزاكم الله خيرا

[hugan]

والله ياخي
بدون مشاكل الفتيس
الباسا ت الشكل الجديد تصميمها مش اد كده
انا عارف انها اذواق
لكن شايف ان شكلها مش حلو خالص
الموديل السابق افضل في التصميم