Tweet
السلام عليكم جميعا وارجو ان تقبلوني عضوا بينكم في هذا المنتدى المميز
انا من زمان وانا بعشق ماركة الفولكس واجن وكنت بتمنى اقتناء احد سياراتها
وربنا الحمد لله وجبت اول سيارة ليا بولو 98
وانا اصلا لسه مبتدء في القياده وخبرتي محدوده جدا وبتعلم كل يوم جديد بفضل ربنا ثم المنتدى الجميل ده وجهدكم الرائع فيه
بس فيه شوية حاجات في العربيه عاوز اخد رأيكم فيها
الاشارات مش شغاله وديتها لكهربائي قالي المجموعه ضعيفه واما نشغل الانتظار يا الاشارات
قولتله الاشارات .. المهم خرجت بيها اشتغلت الاشارات ومره واحده باظت والانتظار كمان مشتغلش قبل ما الكهربائي
ده يشتغل كنت بسمع زنه في دراع الاشارات لما احركه دلوقتي الزنه بقت في زرار الانتظار لما بدوس عليه
فهل فعلا ممكن السبب زرار النتظار انه عاوز يتغير انا بصيت عليه في كم محل جنبي جديد واستيراد ومش لاقيه ولا ممكن يكون في سبب تاني
تاني حاجه بقى هي ان مقبض الشنطه لا يعمل
يعني المفتاح لما بيلف لا تكه ولا اي حاجه الاول كانت بتفتح بس دلوقتي لا ولازم ادخل من جوه العربيه وازق اللسان بتاع الاوكره علشان افتح الشنطه فمش عارف هي تتصلح او عاوزه سوسته مثلا ولا بتتغير كلها
وياريت لو حد يعرف كهربائي بولو محترم وشاطر في فيصل وكمان لو ميكانيكي وحد بتاع استيراد علشان اكون متابع معاهم باذن الله علشان طبعا الحرفيين عذاب وخصوصا اني مبتدء
معلش طولت عليك ويسعدني ججدا الانضمام اليكم
Comment