حد يعرف عن صيانة التكييف و تغيير الفلتر بولو 2001

[alptchino_name]

بما ان الصيف خلاص هل عاوزين حد يقولنا ازاى ممكن الواحد ينشط التكييف بتاع البولو 2001
1- تغيير الفلتر او غسلة الطريقة بالخطوان
2- نوعية الفلتر الكويسة وسعرها كام
3- هل يقدر ينضف مجارى التكييف ويغسل السربنتينة بنفسة ولا لازم يروح لفنى تكييف
4- امتى التكييف يبقى محتاج شحن وهل لازم يشيك على الشحن بتاعة بداية كل صيف
واى معلومة اضافية ممكن حد يعرفها

[M.Mostafa80]

بما ان الصيف خلاص هل عاوزين حد يقولنا ازاى ممكن الواحد ينشط التكييف بتاع البولو 2001
1- تغيير الفلتر او غسلة الطريقة بالخطوان
الفلتر موجود فى صدر العربيه فى الجانب الأيمن تحت فبر الصدر بتاع المساحات هتفكه هتلاقيه موجود وطبعا هو ما بيتغسلش ويفضل تغييره كل بدايه الصيف وممكن لو الحاله الماديه مش سامحه يتنفض بالهواء زى فلترا لهواء وبتعيد التركيب بنفس الطريقه اللى فكيت بيها
2- نوعية الفلتر الكويسة وسعرها كام
هو سعره بيتراوح من 75 الى 90 حسب نوعيته وبصراحه مش فاكر الأسماء
3- هل يقدر ينضف مجارى التكييف ويغسل السربنتينة بنفسة ولا لازم يروح لفنى تكييف
ممكن طبعا تنضفها بنفسك لو عندك سينس فى فك وتركيب الأجزاء الخاصه بيه خلى بالك فبر الكونسوله والهويات ضعيف جدا ومحتاج تحسيس السربنتينه بتحتاج عشان تنضف كويس ان بشبورى بتاع المحطه يركز عليها عشان يخرج منها التراب واى عوالق ولكن فنى التكييف اكسر تخصصا فى هذا الموضوع ولا يؤدى لأضرار
4- امتى التكييف يبقى محتاج شحن وهل لازم يشيك على الشحن بتاعة بداية كل صيف
المفروض انك اثناء الشتاء تشغل التكييف كل كام يوم لتجديد دوره الفريون وحتى لا ينقص غاز الفريون ويحتاج لشحن وعادتا لو التكييف مشحون كويس مش هيحتاج اعادة شحن
وأحب أقول ان موضوع التزويد دا اكبر خطاء ليه ممكن الفنى يدى زياده اكثر من الللى العربيه تاخده
وعلى فكره العربيه المفروض بتاخد من 500 جرام الى 600 أكثر من كدا بيؤدى لحمل على الكمبروسر وبالتالى على الماتور وأداءه ويفضل فى حالة ضعف التبريد ان يتم غسل السربنتينه جيدا ومراجعه المروحه انها تعمل بالسرعه الثانيه اولا وبعد ذلك يتم تفريغ الفريون الموجود تماما والشحن من جديد بالمقدار المذكور والأفضل ان تقوم بشراء عبوة الفريون بنفسك وشحنها من خلال فنى تكييف افضل من الأمبوبه الموجوده لديه ويأخذ هو اجره العمل فقط وهذا اوفر لك واضمن من حيث ان السياره لن تأخذ اكثر من الكم المطلوب من الفريون

واى معلومة اضافية ممكن حد يعرفها

[alptchino_name]

شكرا محمد باشا
زى ما متعودين منك رد فى الجون

[ahmedsamy]

شكرا محمد باشا
زى ما متعودين منك رد فى الجون

[M.Mostafa80]

العفو يافندم انا تحت امر اى حد فى اى معلومه موجوده عندى
متتخيلوش كم السعادة عندى لما بحس انى ساعدت حد او وصلتله معلومه
ببقى فى قمه السعادة وخصوصا لو المعلومع او المساعده عادت بأفادة ونفع على الأخرين

[dr_radioooooo]

m.mostafa80
الف شكر يا باشا على المعلومات القيمة
انافعلا اتفقت مع فنى تكييف انه يشحنلى وانا اجيب الفريون
المشكلة انى لا افقه شىء فى انواعه واسعاره و اجيبه منين
فلو حضرتك تقدر تفيدنى يبقى كتر خيرك

[M.Mostafa80]

حضرتك انزل ش الجمهوريه هتلاقى محلات كتير بتبيع فريون معبأ وافضل حاجه ان يكون فرنساوى او اوروبى
ولو ملقتش يبقى تجيب المصرى واوعى تجيب الصينى

[moooooomooo]

m.mostafa80
انا عايز حضرتك تشترى عربية بولو تانى علشان نضمن انك تكون معانا على طول على المنتدى وتمدنا بمعلوماتك اللى ربنا مايحرمناش منها ... كان ليا استفسار بقى بالمرة ... أنا أخزت مطب تمام التمام بالعربية البولو 2001 الازاز اتكسر بس ربنا ستر ولقيت جنطين اطبقوا رحت عدلتهم ورصصت لكن العربية مش مظبوطة بتحدف وبحس ان الدريكسيون بيلعب تحت ايدى على السراعات مش عارف ممكن اللعب ده يطلع من ايه العربية تحت ايدى مش عاجبانى ياريت ترد عليا بسرعة لأنى فرصة فى القاهرة النهاردة وعايز أعملها دلنى ياريت أروح لمين يظبطهالى

[dr_radioooooo]

حضرتك انزل ش الجمهوريه هتلاقى محلات كتير بتبيع فريون معبأ وافضل حاجه ان يكون فرنساوى او اوروبى
ولو ملقتش يبقى تجيب المصرى واوعى تجيب الصينى

الف شكر يا باشا على ردك
هل ممكن تقولى اسعاره فى حدود كام
العلبة الكيلو
و اجيب انهى نوع 12 ولا 134
عربيتى باسات 99

[dr_radioooooo]

m.mostafa80
انا عايز حضرتك تشترى عربية بولو تانى علشان نضمن انك تكون معانا على طول على المنتدى وتمدنا بمعلوماتك اللى ربنا مايحرمناش منها ... كان ليا استفسار بقى بالمرة ... أنا أخزت مطب تمام التمام بالعربية البولو 2001 الازاز اتكسر بس ربنا ستر ولقيت جنطين اطبقوا رحت عدلتهم ورصصت لكن العربية مش مظبوطة بتحدف وبحس ان الدريكسيون بيلعب تحت ايدى على السراعات مش عارف ممكن اللعب ده يطلع من ايه العربية تحت ايدى مش عاجبانى ياريت ترد عليا بسرعة لأنى فرصة فى القاهرة النهاردة وعايز أعملها دلنى ياريت أروح لمين يظبطهالى

انا مع الرأى ده
تبيع الالنترا و تجيب بولو تانى
ده حتى رنة كلمة بولو فى الودن احسن من النترا ميت مرة

[wael_mega]

انا مع الرأى ده
تبيع الالنترا و تجيب بولو تانى
ده حتى رنة كلمة بولو فى الودن احسن من النترا ميت مرة

111111111111111111111111 انا معاهم ياصاحبى

[mazo0o]

العفو يافندم انا تحت امر اى حد فى اى معلومه موجوده عندى
متتخيلوش كم السعادة عندى لما بحس انى ساعدت حد او وصلتله معلومه
ببقى فى قمه السعادة وخصوصا لو المعلومع او المساعده عادت بأفادة ونفع على الأخرين

ربنا يبارك فيك و في اخلاقك العالية :)


يا ريت طلب لو تقدر حضرتك تقول علي تجربتك مع البولو وهي موديل كام؟ و ايه واجهاك من عيوب و مميزات و قطع غيارها غالية وللا معقولة شكرا مقدما

[M.Mostafa80]

m.mostafa80
انا عايز حضرتك تشترى عربية بولو تانى علشان نضمن انك تكون معانا على طول على المنتدى وتمدنا بمعلوماتك اللى ربنا مايحرمناش منها ... كان ليا استفسار بقى بالمرة ... أنا أخزت مطب تمام التمام بالعربية البولو 2001 الازاز اتكسر بس ربنا ستر ولقيت جنطين اطبقوا رحت عدلتهم ورصصت لكن العربية مش مظبوطة بتحدف وبحس ان الدريكسيون بيلعب تحت ايدى على السراعات مش عارف ممكن اللعب ده يطلع من ايه العربية تحت ايدى مش عاجبانى ياريت ترد عليا بسرعة لأنى فرصة فى القاهرة النهاردة وعايز أعملها دلنى ياريت أروح لمين يظبطهالى

بص هما حاجه من ال 3
اولا ممكن يكون من الجنوط رجع الجنطين دول ورى وجرب
ثانيا ممكن مع المطب الجامد ده الزوايا خلفت ودا اكيد او مقص اتعوج
ثالثا ان القنطره بتاعت العربيه اتعورت
طب جمعو من بعض وهاتولى واحده وانا ابقى معاكم عشان انا على الجنط هههههههههههههههههههه

[M.Mostafa80]

الف شكر يا باشا على ردك
هل ممكن تقولى اسعاره فى حدود كام
العلبة الكيلو
و اجيب انهى نوع 12 ولا 134
عربيتى باسات 99

فريون 134 وهيبقى فى حدود ال 100 120

[M.Mostafa80]

ربنا يبارك فيك و في اخلاقك العالية :)


يا ريت طلب لو تقدر حضرتك تقول علي تجربتك مع البولو وهي موديل كام؟ و ايه واجهاك من عيوب و مميزات و قطع غيارها غالية وللا معقولة شكرا مقدما

عيبها انها من غير شنطه وضعف قوة السحب مع التكييف فى المواتير ال 1000 سى سى
والمميزات متتعدش
صغر الحجم والقدره على المناوره
الثبات
اقتصاديه التشغيل ودا لأن قطع غيارها معمره لكن غاليه نسبيا عن الكورى وقد تتساوى فى بعض الأحيان
صالون معقول بالنسبه لعربيات سيدان صالونها اديق منها
ولما تركبها هتحس بحاجات تانيه كتير