مشكلة فى باسات 99

[dr_radioooooo]

السلام عليكم ورحمة الله وبركاته
الموضوع باختصار ان اللمبة التحذيرية دى بتنور عندى فى التابلوه
اول ما بدور العربية اللمض كلها بتاعة التشيك بتنور لمدة 3 او ربع ثوانى و بعدين بتطفى
الا اللمبة دى بتعد تنور وتطفى لغاية لما درجة حرارة العربية توصل 90 و بعدين تطفى
و العربية بتتدينى صفارة تلات مرات
المهم بصيت فى الكتالوج لقيته بيقول على الصفارة التلات مرات دى ان لازم تقف حالا لان فى مشكلة فى التبريد
وان اللمبة دى بتنور لو المية ناقصة او العربية سخنة او فيوز المروحة عاوز يتغير او اسباب تانية
المهم لاحظت ان العربية صيف شتا مشغل التكييف او طفيه مسافر او فى عز الزحمة درجة الحرارة 90 و مش بتزيد
العربية مبتسخنش الحمد لله و المية مش بتنقص بزودها بتاع كباية كل شهر
ملحوظة
مالك العربية اللى قبلى كان بيحطلها مية من الحنفية بس لما اخدتها منه نظفت الدورة فى البنزينة و حطيت بتاع اربع ازايز مية مركزة و خففتها , الكلام ده الصيف اللى فات و المية لحد دلوقتى لونها اخضر زى ما هى
ممكن حد يدلنى على حد يكون امين و بيفهم فى الباسات و يكون مبيفتحش شغل و خلاص عشان اكشف على العربية عندو ....... و يا ترى بكام كشف الكمبيوتر
تقبلوا تحياتى و شكرا مقدما لكل اللى هيرد على استفسارى

[dr_radioooooo]

[dr_radioooooo]

للاسف مش عارف انزل صورة للمبة التحذيرية دى
بس هى نفس لمبة الحرارة اللى موجودة فى معظم انواع السيارات

[HaythamMohsen]

سلام عليكم انا سمعت من بره المنتدى مجربتش عن محمد سمير ومعظم الاعضاء بردوه جوه المنتدى بتشكر فيه شوف كده اراء الااعضاء فى اللينك ده
http://www.nilemotors.net/Nile/143334-a.html

وعلى فكره اللى انا عرفتوه من سيد جولف ان الالمانى بيتحطلوه ميه حمره مش خضره الخضره لليابانى

كان بيقول ان الميه الحمره بتستحمل درجات حراره اعلى مبتغليش عند 100 اكتر من كده ناسى كام بالظبط 120 باين ده معناها ان التبخير هيكون ققل يعنى مش حطحط كوبايه كل شهر وكمان بتمنع الصدا وكذا واحد سألتوه اكد على كلاموه ان الميه الحمرا للعربيات الالمانى والخضره لليابانى

ويريت تكشف على طرمبه الميه وان شاء الله تكون كويسه

انا برده العربيه اللى معايا كان بيتحطلها ميه من الحنفيه بس اخر مره كان محتتطوطلها ميه خضره وانا بغير السيور الراجل قالى بليه الطرمبه تقيله واكيد بتخلى صوت العربيه عالى معاك ولما كشف بالكمبيوتر كان مطلع عيب فعلا فى طرمبه الميه مع ان الحراره كانت مبتعلاش عن 90 برده والا كنت حاسس انها بتسخن
المهم قولتلوه غيرها لما طلعت كانت مصديه لما قالت يا بس ورشتين اتفتتوه اكنهم تراب لانها زهر مش فبر هيه تمنها 290 تقريبا والاصلى زهر مش فبر

وان شاء الله متكنش طرمبه وتتطلع حاجه بسيطه بس امن لان ديه حاجه مهمه جدا

[KHALED AYMAN]

المشكله دى كانت ظهرت عندى فى اوكتافيا ..
العيب كان من قربه المياه ..غيرتها و الدنيا بقت حلوه

[dr_radioooooo]

طب تنصحونى اعمل ايه
اكشف على العربية بالكمبيوتر عند محمد سمير الاول ولا ايه
ويا ترى كشفه بكام و هل بيشتغل كهربا كمان لان ممكن تطلع فيوز او حاجة زى كده

[M.Mostafa80]

بص مشكلتك فى الغالب فى الحساس اللى راكب فى قربة المياه بيقرى غلط فا بيسمع عندك يفضل تروح لحد عنده كشف بالجهاز مبدئيا يكشفلك هل فى اى حساس مسمع ايرور ولا لأ
وبعد كدا تتفحص الأجزاء الميكانيكيه

[dr_radioooooo]

m.mostafa80
يعنى تنصحنى اروح لمين لان الميكانيكى اللى بتعامل معاه ملوش فى موضوع الحساسات ده

[M.Mostafa80]

بما انك من ساكنى مصر الجديده يبقى عليك وعلى هانى عصمت ومحمد سمير فى ش الأربعين خلف حديقه بدر جسر السويس اخر سور الحديق هتدخل يمين وتعدى المزلقان هتلاقيه على يمينك

[dr_radioooooo]

الف شكر و احتمال كبير اروحلهم بكرة و ان شاء الله اقولكوا على التفاصيل

[M.Mostafa80]

ربنا يعمل اللى فيه الخير ليك

[TOOLA]

بس مبدأيا اعمل حسابك تغير الميه, جيب الأصلى من عند أشرف الشهابى فى دمشق, و هوا هيقولك تجيب كمية اد ايه و تخففها ب اد ايه, و برده للعلم حساس نقصان المياه عبارة عن علامة زى الفنار كده لونها برتقالى و مبتطفيش غير لو فتحت القربة تكشف على المياه

[TOOLA]

برده خلى بالك الحرارة مش معيار فى العربيات ديه, انا عربيتى كانت بتنقص مياه و سخنت منى لدرجت ان العربية قفشت ووقفت لوحدها و الموتور مرداش يدور غير لما العربية بردت و كل ده و الحرارة معدتش ال 90

[dr_radioooooo]

انا روحت امبارح لمحمد سمير
اللى حصل كالاتى
روحت شرحتله المشكلة كنت متوقع انه يحط العربية على الجهاز و يشوف هتدى ايرور ولا لأ
المهم محطهاش
عامل من العمال جه بص عليها و قالى القربة عايزة تتغير
الانطباع اللى اخدته للاسف ان الناس اللى شغالة بتعتمد على الفهلوة
كنت متوقع انه حتى لو القربة عايزة تتغير يبص برضه بصة احسن لان ممكن يكون اللى عايز يتغير الحساس اللى فى كوع المية او طرمبة مية او حاجة تانية
المفروض كان يحط العربية على الجهاز و يسبعد باقى العيوب لانى ممكن بعد مغير الاربة العيب يطلع مش منها يبقى انا كسبت ايه بقى
للاسف لم احس عنده باحترافية و لكن احسست بالفهلوة المصرية المتعارف عليها
ملحوظة انا مقبلتش محمد سمير بنفسه كل اللى اشتغل معايا هناك من العمال
تحياتى و جارى البحث عن حل للمشكلة دى

[M.Mostafa80]

انا روحت امبارح لمحمد سمير
اللى حصل كالاتى
روحت شرحتله المشكلة كنت متوقع انه يحط العربية على الجهاز و يشوف هتدى ايرور ولا لأ
المهم محطهاش
عامل من العمال جه بص عليها و قالى القربة عايزة تتغير
الانطباع اللى اخدته للاسف ان الناس اللى شغالة بتعتمد على الفهلوة
كنت متوقع انه حتى لو القربة عايزة تتغير يبص برضه بصة احسن لان ممكن يكون اللى عايز يتغير الحساس اللى فى كوع المية او طرمبة مية او حاجة تانية
المفروض كان يحط العربية على الجهاز و يسبعد باقى العيوب لانى ممكن بعد مغير الاربة العيب يطلع مش منها يبقى انا كسبت ايه بقى
للاسف لم احس عنده باحترافية و لكن احسست بالفهلوة المصرية المتعارف عليها
ملحوظة انا مقبلتش محمد سمير بنفسه كل اللى اشتغل معايا هناك من العمال
تحياتى و جارى البحث عن حل للمشكلة دى

على فكره يادكتور الحساس اللى جوه القربه ما بيتغيرش لوحدو على ما اعتقد بيتغير بالقربه كلها