اهتزازات ال-dsg

[harban]

برجاء مساعدة في الفيتس dsg ، عند نقل الغيار الاول للتاني بيحصل اهتزازات كأن العربية بتسقف ، خصوصاً مع تشغيل التكييف ، الغريب انها ممكن تختفي لايام و بعدها ترجع، العربية ماشية 16000km أنا بسمع عن مشاكل ال-dsg ،يا ترى الاهتزازات دي علامة على حاجة بايظة ؟
التوكيل بيقول إن الكلام ده عادي مع الفتيس دة

[gellish]

برجاء مساعدة في الفيتس dsg ، عند نقل الغيار الاول للتاني بيحصل اهتزازات كأن العربية بتسقف ، خصوصاً مع تشغيل التكييف ، الغريب انها ممكن تختفي لايام و بعدها ترجع، العربية ماشية 16000km أنا بسمع عن مشاكل ال-dsg ،يا ترى الاهتزازات دي علامة على حاجة بايظة ؟
التوكيل بيقول إن الكلام ده عادي مع الفتيس دة

موضوع الرجة او الرعشة مابين الأول و الثاني ده مالوش علاقة بالتكييف تماما فلازم حضرتك تكون متأكد
الموضوع ده حصل مع واحد صاحبي وكان فعلا في مشكلة في الكلاتش و التوكيل غيره بعد ما صاحبي عملهم مشكلة و بعت لألمانيا و العربية باسات كانت ماشية حوالي 20 الف

[eslamcoo]

لوسمحت هو الفتيس dsg اللى بتحكى عنه عادى ولا اتوماتك؟

[walidzakzok]

اوتوماتيك

[Mahmode]

حد يوضح لنا إيه بالضبط مشاكل الفتيس الdsg أصل عيب أوي إن عربية ألماني فاخرة يكون فتيسها فيه مشكلة

[Amr_Moh]

صديق في العمل معاه باسات ١٤٠٠ موديل ٢٠١٠ بيشتكي إن نفس الموضوع والتوكيل بردو ألو عادي .. مش فاهم يعني اه عادي يظهر عيب في العربية فجأة والتوكيل يعمل عبيط

[Amr_Moh]

صديق في العمل معاه باسات ١٤٠٠ موديل ٢٠١٠ بيشتكي إن نفس الموضوع والتوكيل بردو ألو عادي .. مش فاهم يعني اه عادي يظهر عيب في العربية فجأة والتوكيل يعمل عبيط

[cameeron]

و الله الناس بتنخدع فى فخامة فولكس علشان المانى و بتروح تجيب عربيات فىها اختراعين مش موجودين الا فى عربيات فولكس بس و هما الفتيس الdsg و المحرك الtsi و هما حاجات يناسبها جو المانيا و اوربا و ماتناسبس البيئة بتاعتنا و لا جونا المليان تعقيدات من تلوث و غيره و النتيجة بنلبس تكاليف اصلاح باهظة ممكن توصل لنص تمن العربية او اكتر بس لمجرد الفخامة و الابهة الالمانى و عجبىىىىىىىىىىىىىىىىىىىىىىىىىىىىىىىىىىىىى

[tareksh]

تفضل يااخى هذه المشاركة ممكن تفيدك

http://www.nilemotors.net/Nile/188478-dsg.html

[eng.m7md.ali]

هو الفتيس ده نازل في النيسان gtr ؟؟ ولا مش هو ؟؟ ونازل في الاودي والاسكودا والسيات ؟؟ ولا تشابه اسماء؟؟

[yoko]

و الله الناس بتنخدع فى فخامة فولكس علشان المانى و بتروح تجيب عربيات فىها اختراعين مش موجودين الا فى عربيات فولكس بس و هما الفتيس الdsg و المحرك الtsi و هما حاجات يناسبها جو المانيا و اوربا و ماتناسبس البيئة بتاعتنا و لا جونا المليان تعقيدات من تلوث و غيره و النتيجة بنلبس تكاليف اصلاح باهظة ممكن توصل لنص تمن العربية او اكتر بس لمجرد الفخامة و الابهة الالمانى و عجبىىىىىىىىىىىىىىىىىىىىىىىىىىىىىىىىىىىىى

مين قال كده الفتيس ده نازل زيه في فولفو
والموتور نفس فكرته في مصر نازل في
vw
Fiat
Peugeot
Volvo
Mercedes (بس مرسيدس سوبر مش تربو لكن نفس الفكر)
Audi
مش فاكر في إيه تاني

[Anxs111]

الكلام دة صحيح إلي حد كبير ....العربيات التربو ليها مشاكل كتير حتى هنا في كندا ....أنا كنت هشتري أودي إيه ٤ ولما سألت لقيت إن الناس بتشتكي مر الشكوى من التربو وبيعمل مشاكل كتير جدا وتصليحه مقرف ومكلف ....وبردو مشاكل الفتيس رغم إنه مش dsg دة اتوماتيك وبرضو متعب ...

لو العربية مش تربو الناس كلها بتشكر فيها ....ومع ذلك في شكاوي من الفتيسات ....

[cameeron]

مين قال كده الفتيس ده نازل زيه في فولفو
والموتور نفس فكرته في مصر نازل في
vw
fiat
peugeot
volvo
mercedes (بس مرسيدس سوبر مش تربو لكن نفس الفكر)
audi
مش فاكر في إيه تاني

صح يا هندسة كلامك بس بالنسبة لفولفو و فيات و بيجو يعنى هما واخدين الفتيس و المحرك ده لبعض موديلاتهم لكن مش تعميم على كل موديلات الشركات دى و طبعا مرسيدس دى قصة لوحدها و اللى بيشتريها مش بيحسب فلوس بقدر الفخامة و قائمة الامكانيات الضخمة و لاحظ مفيش شركة فى مصر جرؤت حتى الان انها تنزل الحاجات دى لمصر حتى الراجل بتاع سكودا اللى هو واحد اساسى فى عائلة الفولكس خايف ينزل الفتيس و الموتور ده فى عربياته هنا فى مصر الا فى العربية السوبيرب و لما حطها خللى السعر كاسر ال400 الف

[cameeron]

الكلام دة صحيح إلي حد كبير ....العربيات التربو ليها مشاكل كتير حتى هنا في كندا ....أنا كنت هشتري أودي إيه ٤ ولما سألت لقيت إن الناس بتشتكي مر الشكوى من التربو وبيعمل مشاكل كتير جدا وتصليحه مقرف ومكلف ....وبردو مشاكل الفتيس رغم إنه مش dsg دة اتوماتيك وبرضو متعب ...

لو العربية مش تربو الناس كلها بتشكر فيها ....ومع ذلك في شكاوي من الفتيسات ....

كلام حضرتك واقعى و صح و هو ده فعلا فى رايي اللى بيدور على الفخامة هنا فى مصر مايفكرش الا فى البى ام او مرسيدس انشالله مستعمل كده يبقى اللعب فى المضمون و مش هتفرق معاه فلوس فى الحالة دى غير كده بلاش نقف فى المنطقة الرمادية اللى هيا عاوز فخامة و ماصرفش مصاريف البى ام او مرسيدس

[yoko]

صح يا هندسة كلامك بس بالنسبة لفولفو و فيات و بيجو يعنى هما واخدين الفتيس و المحرك ده لبعض موديلاتهم لكن مش تعميم على كل موديلات الشركات دى و طبعا مرسيدس دى قصة لوحدها و اللى بيشتريها مش بيحسب فلوس بقدر الفخامة و قائمة الامكانيات الضخمة و لاحظ مفيش شركة فى مصر جرؤت حتى الان انها تنزل الحاجات دى لمصر حتى الراجل بتاع سكودا اللى هو واحد اساسى فى عائلة الفولكس خايف ينزل الفتيس و الموتور ده فى عربياته هنا فى مصر الا فى العربية السوبيرب و لما حطها خللى السعر كاسر ال400 الف

ﻷ ليه ما الفيات وبيجو منزلنهم في عربياتهم (وأنا معايا واحده منهم) والحمد لله مفيش أي مشاكل فيهم (أنا قصدي على الموتور التربو) بس أنا عندي الفتيس مانيوال
مش شرط وجود عيب في شركة معينة يبقى على كله ما الفتيس الmmt الناس بتشتكي منه مر الشكوى والإيزي ترونيك برده فيه شكاوي منه لكن في فيات الديول لوجيك (نفس الفتيس) محدش إشتكى منه نهائي (مشفتش غير شكوى واحده وكان وحدة التحكم بتهرب كهربى)
معلش لو بتكلم على فيات كتير بس عشان معايا فإحتكاكي بيها أكبر من غيرها