بيتل 74 1500cc

[blackhawk145]

أنا لسه عارف عن nile motors من قريب ...بجد أحسن موقع عربيات شوفتوه

الحمد لله ربنا قدرنى و جبت VW بيتل موديل 74 1500 cc .. بس العربية كانت مرفوعة بتاع 5 سنين و صاحبها قالى أنى لازم أشيك على العفشة .بس مش عارف أروح لمين؟ و فى ريحة بنزين خفيفة فى العربية
العربية باردو عايزة مرايات جنب (مش لاقى غير اليمين بس) و عداد السرعة و دراع المساحات ..الحجات دى سألت عليها فى المنيل( قالى كمان 15 يوم) و نزلت التوفيقية بردو ملقيتش الحاجة
فياريت تنصحونى أعمل ايه ؟؟؟؟؟؟؟؟

[ahmed2y]

بيتلز وععفشة يبقى خالد رباب ودة رقمة 0101855126 هو فى صفط البن يمكن بيعيد بس احسن واحد بتاع عفشة فى مصر ولا لف ولا دوران ولا اشتغلات واحسن واحد فى عفشة البيتلز فى مصر البيتلز هيجبلك من الاخر ( ابقى قولة احمد الدغيدى بيسلم عاليك هههههه )

ريحة البنزين عاوزة ميكانيكى يراجع على الموضوع دة ومش عارف انت عندك حد ولا لا على العموم فى ناس كويسة شوف انت هتعمل اية وهرد عاليك ان شاء الله

بالنسبة لموضوع الدراع وعداد السرعة هتلاقيها جديدة فى التوفقية عند ولاد كامل عطية

او مستعملة عن اميل خلف حديقة بدر على جسر السويس بيبقى عندة الرافيع دى بس معايش رقمة للاسف

شوف هتعمل اية ومتقلقش كلها حاجات بسيطة

[blackhawk145]

الف شكر يا أحمد
أنا لقيت بالصدفة محل فى المنيل وارا أولاد صبرا عندو كل الحجاات ديه و سعره حلو
حوار خالد رباب ده بعييد شوية أنا ححاحول أدور على واحد قريب
و طلعت ريحة البنزيين من العوامة علشان بايظة

[blackhawk145]

و النهاردة كمان ماستر الفرامل ضرب و انا عند قسم العجوزة و حكيت فى أوكتافيا و كان يوم ##@@# .....بس عدى على خير الحمد لله

[beetleMOSH]

الف مبروك العربيه يا باشا
و الهرم فى بتوع قطع غيار فولكس كتييييييير
و فى ميكانيكيه متخصصه برضو فى البيتل
بس للاسف معرفش مكان ولا رقم حد فيهم

[abowaleed]

اللي عاوز ميكانيكي أو كهربائي أو قطع غيار بيتلز في منطقة الهرم يقولي أنا اعرف كتير منهم

[blackhawk145]

ربنا يبارك فييك يا باشا
فى ناس بتوع قطع غيار قالولى أنزل فيصل حلاقى كتير و أحسن من الوكالة..... بس المشكلة فى الوقت

[blackhawk145]

يارييييت ياعم أدينى عنوان أى حد فيهم أو حتى رقمهم

[blackhawk145]

أنا فى واحد عرفته بتاع قطع غيار جابلى حجات أنا عايزها بس محتاج رأيكم فيها:
1-طارة جولف 2 بالقضمة 500 جنية
2-دراع فرامل اليد 120 جنية
3-عداد الكيلومتر (140 كيلو+ عداد البنزين) 150 جنية
4-الهوية الشمال vw أصلى 100 جنية
أنا بصراحة مش عارف أية نظام الأسعار دية فاياريت تجاوبونى بسرعة

[blackhawk145]

????????????????????????????????????????????

[jemono]

طارة الجولف 2 بالقطمه بتعمل 350
الباقى مقدرش افيدك فيه صراحه

[michw]

بالنسبه للاخ blackhawk145
قطمة الجولف انا جبتها من عزبه شلبى كامله +الكونتاكت+الفيش 350 جنية وزى الفل

[blackhawk145]

ألف شكر يا شباب

[blackhawk145]

طيب أنا دلوقتى بفكر أجيب جنوط أجيبلها جنط عريض ولا أدور على الجنوط الرفيعة بتاعتعها ؟؟؟؟؟
و أصلان ممكن ألاقى الجنوط دية فيين ؟؟؟

[beetleMOSH]

جنوط ولا كاوتش ؟

كده كده العرض هايبقى احسن
زياده فى الثبات
و زياده الفرامل (احتكاك الكاوتش يعنى فى الاسفلت )

و جنوط العربيه الاصليه الاسبور
برضه حلوه اوى و بتقل الربيه شويه
عن الجنوط العاديه الرفيعه بتاعتها