تعديل على فولكس فاجن بيتلز

[batot_007]

السلام عليكم
دي اول مشاركة ليا واتمنى اني ماكونش تقيل عليكم
بالنسبة للعربية البيتلز (الخنفسة) انا نويت اشتري موديل قديم منها واعدل عليه لأني بحب العربية دي جدًا
ايه افضل موديل ليها يقبل التعديلات من غير مشاكل
ولو حبيت اعمل التعديلات اللى جاية دي هل هي ممكنة وتكاليفها كام (لأني لو لقيت التلكفة عالية يبقى الاحسن اجيب عربية جديدة )
1 - تقوية الموتور
2- تركيب تكييف
3- تركيب سقف كابرولية (سقف متحرك)
4- سنترلوك وتكييف وزجاج كهربي (اكيد ممكن بس السؤال هنا على التكاليف)
5- جنوط سبور عريض
6- تابلوه سبور
7- فرش جديد

اتمنى الرد بالتفصيل لأن خبرتي في العربيات وتعديلاتها معدومة ومش عايز انزل من نفسي من غير استشارتكم لأني متأكد ان الورش هتستلمني وهدفع فيها فلوس كتير ومش هتكون النتيجة زي مانا عايز فياريت تفاصيل وامكانية التعديلات مع تكاليفها وطبعا لو حد من الاعضاء عنده ورشة وبيعمل التعديلات دي يبقى خير وبركة وماروحش بعيد
شكرًا ليكم ولمجهودكم

[mmoneim]

كل اللى انت عايزه ممكن يتعمل بس التكاليف كتير اما السقف مش ممكن علشان العربيه مش حترخص فى المرور

[smsm_nabawy]

للأسف مفهمش في الفوكلس ،، بس اعرفلها حاجات كتير جميلة سواء قديمة ولا جديدة !!

ممكن حضرتك تكتب نفس الموضوع في قسم الفولكس !! و هما هناك عفااريت في العربية دي !! :)))

ان شاء الله يفيدوك !!

[batot_007]

أشكركم على المساعدة
لكن بخصوص السقف انا شفت عربيات كتير سقفها متغير
هل حضرتك متأكد من نقطة المرور دي؟

[mmoneim]

ايوه 100*100