انا اتخنقت من البولوووووووووووووووووو

[ashoub]

انا اتخنقت من البولو مع انى كنت بحبها جدا الى كرهنى فيها حاجه غريبه كل ماخد المرتب واركب العربيه لازم تخلينى اصرفه عليها بجد والله كل ماخد المرتب ملحقش اروح البيت لازم تطلعلى بحوار مع ان فلوسى حلال والله لسه النهارده قولت اشغل التكييف فى الحر ده لقيت التكييف شغال سخن والعربيه بترعش بفتح الكبود لقيت الكومبرسور بتاع التكييف الله يرحمه مش عارف اعمل ايه مع العربيه النحس ده اخبى منها المرتب ولا اعمل ايه ياريت يجماعه لو حد يعرف سعر الكومبرسور كام استيراد يقولى ومعلش طولت عليكم بس خلى بالكو من العربيه ده لان عينيها وحشه

[M.Mostafa80]

ههههههههههههههههههههه
400ج استيراد ربنا يهديهالك

[ashoub]

ههههههههههههههههههههه
400ج استيراد ربنا يهديهالك

شكلى هعمل زيك قريب وابيعها واخلص منها انا شبهت العربيه ده زمان بالطفل الرزل الزنان الى كل شويه عاوز حاجه

[د.محمود صلاح]

كل العربيات القديمة كده ..
وكل الجديد مقرف في مصاريف صيانته الدورية والخوف منه في ظل ظروف الشارع المصري

الحل ؟ يبقى الحال على ما هو عليه وعلينا التأقلم

[meladadel]

ربنا يعينك يا اما تبيعا وتجيب حاجة زيها نضيفة او تشد العربية مرة واحدة لو هى اصلا كويسة وعايزة صيانة. بس اوعى تركب كورى. دى عربيات سيئة جدًا. اخويا معاه فيرنا وابويا نوبيرا. بصراحة بقرف لما اضطر اركبهم مع انهم اغلى من عربيتى ييجى ب10000 جم بس لو انت بتحب تركب غير لأحسن ووده افضل من الشد وانا اختبرت حاجة يا جماعة. عربيتى الحمد لله نضيفة وفبريكة بره عرضتها امبارح للبيع ب 35000 مش بأعلان مع اصحابى والميكانيكى. جالى 3 عايزين يخلصو انهارده. البولو احسن عربية فى الثلاثينات وانا قررت احتفظ بيها على الأقل سنة كمان. لو جبت جديد هتدفع صيانة والقديم لو معقول هيمشى مع المرتب ونصيحتى ( شراء العبد ولا تربيته ). السلام عليكم

[ashoub]

المشكله ان العربيه عندى حالتها نضيفه وعلى طول بجيب قطع الغيار من الشهابى مببخلش عليها بس بتشم ريحت الفلوس معايا لازم تغرمنى انا حاسس ان العربيه ده قاصده تخرب بيتى بس المشكله عندى ان التكييف مش اصلى كد كده هجيب كومبرسور بتاعها بالقاعده وشويه كده وهشدها الشده الصح لانى يعتبر غرت فيها كل حاجه وكل مفكر ابيعها تصعب عليه لانى صارف عليها كتير ومغير 70% من الحاجات الى فيها باصلى وجديد فادعلوى ان ربنا يهديها

[behman]

قرفتها وحشه ... و ده طبيعي
انا مجرب موضوع الارف ده ... تبقي العربيه زي الفل
و تلاقيها الصبح مخبوطه ... او تروح مشوار تجيب كاوتش ... بطاريه
كل يوم حكايه ... بيع يا لطفي و ريح دماغك

[SonaSteel]

ههههههههههههههههههه
انا لسه بايع البولو من 4 شهور
والله قربت اعيط بدل الدموع دم .......... لغاية ما خسيت وتعبت من التفكير والقلق والتعب واللف علي المحلات
بصراحة الالماني ركوبة اه ....... بس يغوووور بسلاطاته وبابا غنوجه وكله
يابني لو تعرف تتصرف فيها وتجيبلك حتي ساجا ولا لوجان ارحملك كتيييييييير من البولو
وكمان بتجيب من الشهابي ...... ده شجرة الميه ب700 جنيه وارامه خيالية كده
ده غير الصنايعية بيكلموك بارقام فلكية علشان اسمها فلوكس بس
والله كنت بنزل الاقيها مخبوطة لوحدها وكل شويه الاقي حتة صاج داخله لجوه
معرش بتشفط بطنها ولا ايييييه .... :))
ربنا يعينك وهات حاجة تريح بالك
او حتي مستعمل كوووووووري ياعم وتكييفه شغال بس قطع غياره ببلاش
وربنا ييسرلك كل خير يارب

[mgo13]

المشكله ان العربيه عندى حالتها نضيفه وعلى طول بجيب قطع الغيار من الشهابى مببخلش عليها بس بتشم ريحت الفلوس معايا لازم تغرمنى انا حاسس ان العربيه ده قاصده تخرب بيتى بس المشكله عندى ان التكييف مش اصلى كد كده هجيب كومبرسور بتاعها بالقاعده وشويه كده وهشدها الشده الصح لانى يعتبر غرت فيها كل حاجه وكل مفكر ابيعها تصعب عليه لانى صارف عليها كتير ومغير 70% من الحاجات الى فيها باصلى وجديد فادعلوى ان ربنا يهديها

كانك بتكلم عن عربيتي بالظبط وكل ما افكر ابيعها تصعب عليا تقريبا العربيات البولو عمله لاصحابها عمل ومش عارفين نفكه ههههههههه

[M.Mostafa80]

كانك بتكلم عن عربيتي بالظبط وكل ما افكر ابيعها تصعب عليا تقريبا العربيات البولو عمله لاصحابها عمل ومش عارفين نفكه ههههههههه

ههههههههههههههههههه انا فكيته بس بعد عذاب قعدت 5 شهور على مأخدت القرار ونفذت
وكل فتره بشتاق للحقنه بس الحمد لله قربت اخف

[SYD]

ربنا يعينك يا اما تبيعا وتجيب حاجة زيها نضيفة او تشد العربية مرة واحدة لو هى اصلا كويسة وعايزة صيانة. بس اوعى تركب كورى. دى عربيات سيئة جدًا. اخويا معاه فيرنا وابويا نوبيرا. بصراحة بقرف لما اضطر اركبهم مع انهم اغلى من عربيتى ييجى ب10000 جم بس لو انت بتحب تركب غير لأحسن ووده افضل من الشد وانا اختبرت حاجة يا جماعة. عربيتى الحمد لله نضيفة وفبريكة بره عرضتها امبارح للبيع ب 35000 مش بأعلان مع اصحابى والميكانيكى. جالى 3 عايزين يخلصو انهارده. البولو احسن عربية فى الثلاثينات وانا قررت احتفظ بيها على الأقل سنة كمان. لو جبت جديد هتدفع صيانة والقديم لو معقول هيمشى مع المرتب ونصيحتى ( شراء العبد ولا تربيته ). السلام عليكم

1111111111111111+

البولو احسن عربية في التلاتينات
والالماني برقبة الكوري مع كامل احترامي لجميع السيارات الكوري
انا اخويا معاه مرسيدس الدايو (ليجانزا 2000 اتوماتيك كاملة) بس بردو عربيتي الابيزا بحبها اكتر بكتير وفعلا ريحها اخف بكتير
شد عربيتك مرة واحدة وماترميش فلوسك في الكوري

والله المستعان
،
،

[Mahmoudyoussif]

كانك برده بتتكلم عن عربيتي

بس هي كلمه واحده العربيه دي ادمــــــــــــــــــــــان

[M.Mostafa80]

لو عايزين تتعالجو من الأدمان دا تعالولى كلكم وانا أوكدلكم انى هعالجكم من الأدمان دا بأذن الله بس كل واحد يجيب مع ورقة تنازل من المكتبه
هههههههههههههههههههههههههههههههههههههههههههههههههه هههه

[Mahmoudyoussif]

بص الادمان ان اي واحد معاه عربيه مهما كانت اما بيركب عربيتي

بيتلكك عشان ياخدها لفه كمان حتى دول بيتلككوا بالركنه ... وللهي ان لسه هاصرف عليها تاني

لاني لو بعتها يا اجيب ياباني قديم يا اجيب كوري وانا لو كشفوا عليا هيلاقوا فصيله دمي vw

العربيه محتاجه مني سمكره و دوكو والتكيف و اربع فرد كاوتش و اظبط القزاز و مع ذلك وللهي رقبتها

برقبه عربيات كتير ... مع احترامي اللي بيقول كوري هيا قطع غيارها رخيصه في معدل تغير اكبر

الالماني ... قطعه غياره بتركب و تنساها فعلا معلش احنا برده بنفرح بعربيات تسعينات ودي ظروفنا

بس بالنسبالي صعب اني اركب غير فولكس حتى لو هاجيب جولف 1 او بيتلز حتى .... الالماني ليه طعم تاني

وعلى فكره انا لسه مدبس صاحبي في بولو امبارح و خليت مدمن جديد ينضم للشله ... اي خدعه حتى اخويا بيفكر يجيب زيرو

قلتله هات بولو 2001 عشان ابقى اخده لفه برده .... فولكساوي للابد

[ashoub]

هههههههههههههههههههههههههههههههههههههههههههههههههه ههههههههههه
يابركه دعاء الناس الحلوه الى دعتلى العربيه تقريبا حست انى مشردلها على النت فقالت تعمل معايا الصح
امبارح وانا ماشى على كوبرى القبه ببص كده على العداد لقيت الحراره معديا 110 روحت راكن على جمب وفتحت الكبود لقيت المياه زى ماهيه بس المروحه مش شغاله اشوف الفيوز بتاع المروحه سليم قولت اجيب سلك من البطاريه واوصله على المروحه على طول علشان واقف فى طلعه كوبرى المفجاه لقيت الفيشه بتاعت المروحه واقعه من مكانها ركبتها طبعا المروحه اشتغلت والدنيا بقيت زى الفل قولت يواد ممكن تكون الفيشه كانت واقعه من امبارح علشان كده التكييف شاط لان مفيش تبريد للسربنتينه فقولت اجرب التكييف لقيته مطلع هواء بارد قولت مصلحه سبتها شويه الدنيا زى الفل
طبعا الحمد لله وانا عارف انى تعبت الناس معايا بس فعلا العربيه ده لما تحس انها هتتباع بتحترم نفسها وطبعا عرفتنى العيب قبل مكنت اشترى كومبرسور الحمد لله وربنا يهدى عربيتنا جميعا

م/احمد عشوب