استفسار بسييييط فى الباسات

[mmans]

انا عندى باسات 2006 كنت كشفت عنها كمبيوتر الراجل قالى ان طلمبه البنزين مش بتسحب بنزين حلو و المكنه مكتومه شويه و انا مع انى بحط فيها 95 بقالى تلات مرات ورا بعض و برضو اما ادوس بنزين بتكركر شويه هل ده فعلا يكون عيب طلمبه البنزين و ايه حلها غير التغيييير و مكانها فين بالظبط الطلمبه دى فى العربيه و شكرا ليكو

[superb]

بص يا باشا .. ياريت تقولى الموتور ايه .. يعنى 1.6FSI ولا 1.6 MPI
عشان لو هى الموتور الأول يبقى محتاجه بنزين 95 علطول عشان الحقن المباشر مينفعوش اقل من كدا .. نصيحتى تلحق نفسك و تستخدم حاجه تنظف دائرة البنزين و تقريبا هتكلفك منتج متوافر فى بنزينات اون زا ران و بعض الأماكن الأخرى زى بنزينات امارات..

STP® Fuel & Oil Additives - Choose The Best Fuel Additive For Your Car
دا لينك المنتج و مع العلم انه تقريبا انظف ماركه فى السوق المصرى , , و انشاء الله تحس بالفرق .. كل اللى هتعمله هتفول 95 و تحطها مع النزين .. و تحاول تحرق على العربيه لحد متخلص البنزين اللى فى التانك كله .. متحاولش تفول تانل لو التانك فيه ربع التانك حتى .. لأنك كدا بتقلل فاعلية الماده الفعاله اللى باقيه فى التانك ... خد بالك لأن كثير من الناس بتغلط الغلطه دى

و ابقى طمنى

ملحوظه ( سعر المنتج تقريبا 70 جنيه ) تقريبا

[mmans]

هوه فعلا الموتور الاول بس انا المرة الى فاتت حطيط المنتج الى ب 20 جنيه كده الصغير و المرة الى بعدها حطيط بتاع الاوكتان مع تفويله 95 و الصوت لسه موجود هجرب الى انت قولتلى عليه ده و اشوف

[superb]

يا باشا للأسف فى منتجات كتير فى السوق نصب .. انا من زمان لافف و بجرب المنتجات دى كلها .. و يمكن اكتر ماركه محترمه و طبعا غاليه شويه هى ال stp و انشاء الله يارب المشكله تتحل .. و متابع معاك و بعون الله الخير انشاء الله ... و من الأشياء المحترمه بردو اللى افتكرتها .. Mobil positive power دى بتتباع بردو فى بنزينات موبيل و صديق مقرب جربها و بيشكر جدا فيها لأقصى مدى ..

ياريت بس تعرفى ايه الأخبار :) تحياتى

[mmans]

انا هفولها المرة الجايه و اجرب المنتج ده و هقولك انشاء الللله بس عاوز اعرف استفسار كمان بس انا عندى بتسحب بنزين كتييير بس مش عارف كام فى اللتر بس اكتر من الاول ده يكون عيب ايه مع انى مغير البوجيهات قريب و سؤال كمان عربيتك نوعها ايه و اما جربت المنتج ده عمل معاك ايه ؟؟؟ و سورى من كتر الاسئله

[superb]

يا باشا براحتك .. موضوع استهلاك البنزين دا اكيد بسببك ان الموتور بياخد بنزيل اقل فى الأوكتان فبالتالى بيحتاج كميه اكبر من الوقود تضح للمحرك عشان تحرك العربيه .. و على فكره العربيه مع البنزين ال 95 بتوفر و دا عن تجربه و ال 92 بيخلص اسرع .. المهم بردو ممكن يكون موضوع عدم نظافه دائره الوقود دا بيعلى استهلاك الوقود جدا .. اتمنى انك تجرب و على فكره .. كنت عاوز اسألك على موضوع البوجيهات .. غيرتها فين و تقريبا كلفتك كام .. و نوعها ايه .. لأنها بتحتاج اقل حاجه بوجيهات بلاتينيوم ؟؟

[mmans]

انا جايب البوجيهات الاصليه من عند اشرف الشهابى و على فكرة العربيه عندى الصوت كل شويه يخف عن الاول كانت معايا من يومين مكنش فى صوت كركرة خالص بس هحط برضو الازازة دى و افولها 95 بس انا كنت عاوز اسالك انت لما جربتها عملت معاك ايه فى عربيتك و السحب بعد و قبل الازازا ايه نظاااامو

[superb]

والله يا باشا مقدرش احكم من نحيتك .. بس عندى العربيه الحمد لله لما بحطلها الأزازه دى بتفرق فى الصوت الأوطى و بتحس العربيه بتجرى من اقل دوسه .. و على فكره .. اضافات الوقود دى موجوده فى الكتالوج .. لو تراجعه .. يعنى شىء مفيد و مستحب . ..

[mmans]

انا فعلا اصلا اما استخدم الاززه الى ب 20 جنيه دى بتفرق معايا و بتبان مبالك بقه الازازة الغاليه اكيد احسن كتيييير انا كنت استخدمتها قبل كده بس فى التويوتا عملت معايا شغل جاااامد فى السحب و استهلاك البنزين كااان اقل بكتييييييييير انشاء اللله اما البنزين الى فيها بس يخلص عشان احط بنزين نظيف من امارات مصر و اجبلها الازازة دى و اجربها

[superb]

انشاء الله هتبقى تمام .. و جرب و طمنى عالأخبار

[ramii82]

انت بتتعامل مع التوكيل ولا معا ميكانيكي يا باشا ولو تعرف ميكانيكي كويس يا ريت تقولي عليه

[superb]

السؤال ياترى لمين يا باشا ؟؟

[party_0000]

فعلا الماده اللي بتتضاف دي فعاله انا عربيتي كانت بتكركر كدا بردوا حطيتوا بقيت فله

[superb]

دا لينك كمان بيوضح شكل الموتور من جوا قبل و بعد

YouTube - ‪Boroscope inside engine‬‏