جولف 99 محيرانى أرجوك ادخل

[moooooomooo]

لو فية عربية جولف 99 فابريكا من الداخل والخارج عاملة 55 الف كيلوا ومطلوب 68 الف جنية مانيوال ماتور 1600 اية رأيكم فيها بصراحة وبكل التفاصيل لو أمكن أنا معايا بولوا ونفسى أركب جولف

[moooooomooo]

كمان سألت صاحبها عن الماتور قلى 1600 لأنها ليبى وكانت مرفوعة 10سنوات أعمل ايه علشان أعرف ان كانت نسقطة ولا لأ ياريت بسرعة أرجوكم

[M.Mostafa80]

ملهاش حل غير انك تاخد ارقام وحروف رقم الشاسيه اللى موجودين فى الصدر وتحطهم على الموقع اللى يجيبلك مواصفات العربيه من الألف للياء
بس موضوع انها ليبى دى تقلق قوى روح المرور اكشف على الملف بتاع العربيه وأتأكد من الأفراج الجمركى بتاعها انها فعلا ليبى ومش متهربه او مضروبلها ورق ومن الأفراج هتعرف اذا كانت 1600 فابريكه ولا لأ

[ahmedtunning]

ملهاش حل غير انك تاخد ارقام وحروف رقم الشاسيه اللى موجودين فى الصدر وتحطهم على الموقع اللى يجيبلك مواصفات العربيه من الألف للياء
بس موضوع انها ليبى دى تقلق قوى روح المرور اكشف على الملف بتاع العربيه وأتأكد من الأفراج الجمركى بتاعها انها فعلا ليبى ومش متهربه او مضروبلها ورق ومن الأفراج هتعرف اذا كانت 1600 فابريكه ولا لأ

+11111111111111

[moooooomooo]

أنا فعلاً قلقت منها لما عرفت موضوع ليبيا ده وصرفت نظر خلاص .. شكراً لمساعدتك يا استاذ محمد

[debana911]

جولف 4 1800 سى سى موديل 2000

انا عضو جديد هنا وكنت معايا جولف 2 بهدلت امى مصاريف وبعتها واودامى جولف 4 موديل 2000 1800 سى سى عامله 77 الف كم تانى يد الموتور متسقط بقاله 3 سنين راشه بره ودواخل فبريكه وهاخلص بـ 55 الف
وانا خايف من ان العربيه موديل 2000 وعامله 77 الف بس وكمان الموتور المتسقط وهل ده موتورها الاصلى يعنى هى بتنزل بموتور 1800 ولا 1400مع العلم انى ركبتها وسحبها جامد والعفشه جامده بس فى زنه كده فى الشكمان وعاوزه فرش بابين صاحبها بيقولى انهم بـ250 جنيه وبيقول ان قطع غيارها زى 128 الكلام ده صح ولا ايه المفروض اخلص فيها بعد 4 ايام ارجوكم ساعدونى انا مش عاوز اتعزب تانى بس بحب الجولف بصراحه
قلولى اشتريها ولا لا وصاحبها بيبعها لظروف

[moooooomooo]

لأ هى قطع غيار الجولف مش بثمن 128 ولا حاجة قطع غيار الجولف معروفة انها غالية شويتين وأنا عموماً ما بحبش موضوع التسقيط والرش الخارجى والكلام ده أنا أحب اجيب عربية متتعبنيش حتى لو كانت غالية شوية وان كنت بتسألنى عن رأئى هأقولك ابعد وخليك فى المضمون أنا العربية اللى بكلمك عليها فى الموضوع بتاعى دى لو شوفتها مش تقدر تغمض عنيك وأنا والحمد لله معايا أجيبها وكمان من عشاق المركة دى بس شكيت بس انها ممكن تكون مغيرة ماتور فبعدت على طول على الرغم من انى معايا بولو بس بحب الجولف لكن هأولك ابعد

[أبو_حمزة]

ممكن تبعت لى على الخاص نمرة صاحب العربية دى
بصراحة انا شايف جولف ماشية 55 ألف تبقى جديدة و لازم يتبص عليها
و الكشف ها يبين مغيرة موتور واللا لأ
أهم حاجة ورقها يكون سليم
سؤال هى مرور ايه؟؟

[debana911]

مش عارف بس هو قالى انها مرور قوات مسلحه لانه مقدم فى الحرس الجنمهورى

[debana911]

وهى عامله 77 الف كم الــ 55 دول ثمنها

[debana911]

انا اسف يابو حمزه كنت فاكرك بتكلم معايا انا سورى مان

[أبو_حمزة]

يا فندم مفيش داعى للأسف و ربنا يوفقك لعربية ترضيك و تريحك

[moooooomooo]

العربية كاتت موجودة على contact car من يومين ممكن تدخل تشوفها لو كانت موجودة وتتكلم مع صاحبها وده رقمه 0104897284 شوف ان كانت حلوة قولى أنا خايف منها بس تكون مغيرة ماتور شوف كدة

[behman]

لأ هى قطع غيار الجولف مش بثمن 128 ولا حاجة قطع غيار الجولف معروفة انها غالية شويتين وأنا عموماً ما بحبش موضوع التسقيط والرش الخارجى والكلام ده أنا أحب اجيب عربية متتعبنيش حتى لو كانت غالية شوية وان كنت بتسألنى عن رأئى هأقولك ابعد وخليك فى المضمون أنا العربية اللى بكلمك عليها فى الموضوع بتاعى دى لو شوفتها مش تقدر تغمض عنيك وأنا والحمد لله معايا أجيبها وكمان من عشاق المركة دى بس شكيت بس انها ممكن تكون مغيرة ماتور فبعدت على طول على الرغم من انى معايا بولو بس بحب الجولف لكن هأولك ابعد

+1

[behman]

لو العربيه ماشيه فعلا 77 الف و فيها 1800 16v و فابريقه جوه و مافيهاش شغل كتير
السعر 55 الف يبقي حلو جدا جدا