تكيف الجيتا

[jeta2008]

السادة الاعضاء
بعد التحية
اكتشفت مشكلة صغيرة فى التكيف (جيتا 2008 خليجى) انة مش بيكيف كويس مع ان اعرف ان الخليجى تكيفة اقوى.
لما روحت لمركز احمد عزت وهو مركز محترم وأثق فى راية قالى ان الكمبرسور ضعيف و يفضل تغيرة لانة هيقطع فى اى وقت و قالى ان المشكلة دية فى العربيات الجيتا و الباسات والA5 وبيتغير بكبموسور لاتش احسن من اللى فيها ب 3000 .

على العموم انا خليتة يغير الفلتر ويغسل السرابنتينة و قوتلة نمشى بية ولما يجى الشتا نغيرة يكون رخص.

لكن هل فى حد عندة اية معلومة بخصوص الموضوع دة مفيدة

وشكرا

[KHALED AYMAN]

هى موديل كام ؟؟
اصل العيب ده فى الاوكتافيا 2005 و 2006 لكن بعد كده العيب اتعدل ..
لو شغال معاك دلوقت .خليك بيه لحد ما يسلم نمر و يقولك ارحمنى ابوس ايدك :)

[inspiron]

بيقولك يا خالد 2008....

معلش يا باشا أنا آسف في التعبير بس مش لاقي وصف تاني ( الكلام اللي قالوا الراجل ده إشتغاله )...العيب ده لا هو موجود في الجيتا ولا في الباسات.كان موجود في الـ a5 فقط 2005-2006 وتم إستبدال الكمبريسور في الموديلات اللاحقة ومفيش أي عيب في التكييف خلاص..إسمع نصيحتي وراجع الشحن.ولما تشغله أظبطه كالآتي..

1- إعمل البكرة بتاعة درجة الحرارة علي الشرطة الزرقة.
2- إلغي وضعية الـ dual يعني خليه فردي مش ثنائي.
3- وجه الهوا الخارج ناحية الوجه فقط عن طريق الضغط علي زر مرسوم عليه علامة سهم علي الوجه.
4- أظبط وضعية تدوير الهواء داخل العربية.عن طريق الضغط علي زرار مرسوم عليه عربية وجواها سهم لافف.مش سهم جاي من برة.

وإن شاء الله التكييف يبقي تمام وطمنا

[jeta2008]

انا متشكر ليكم جدا لاهتمكم ....
انا فعلا لما بشغل التكيف بظبط الاربع حاجات ذى ما انت قولت بالظبط والتكيف شغال بحالة 75% لكن هو الخوف لاحسن يفصل على فجاة

وبعدين الراجل اللى انا رحتلة وصل الكابلات وشوقت بعينى عداد الفربون وهو بيكبس انة ضعيف, لكن على رايك اروح لواحد تانى

متشكر مرة تانى

[pioneerahmed]

على فكرة يا شباب معايا اتنين فى الشغل عندهم نفس المشكلة فى الجيتا

[Ahmad Allawy]

نصيحة لوجه الله تعالي..
ابعد تماما عن اللي اسمه احمد عزت ده.. عشان انسان عديم الضمير تماما..
لبسني عربية اودي من سنتين.. و العربية كان طالع عين ابوها.. و كانت بتتصين عنده.. و مكنتش اعرف..
و العربية كان فيها مكنة.. و كان الشغل اللي فيها ولا اقذر.. لو واحد بيصلح 128 مش هيتعامل معاها بالقذارة دي..
وانا باصلحها شوفت فيها بلاوي و اهوال.. و البيه طلعلي ريبورت فيه ان العربية محتاجة 700 جنيه توضيب.. و ان كل حاجة تمام التمام..

ولو سعاتك مش مصدقني.. ابقي لما تروحله قوله احمد اللي اشتري الاودي الفضي بتاعت حمدي.. مش مسامحك انت وهو.. و بيقولكوا حسبي الله ونعم الوكيل.. و هيقتص منكم في الاخرة ان شاء الله..

[KHALED AYMAN]

نصيحة لوجه الله تعالي..
ابعد تماما عن اللي اسمه احمد عزت ده.. عشان انسان عديم الضمير تماما..
لبسني عربية اودي من سنتين.. و العربية كان طالع عين ابوها.. و كانت بتتصين عنده.. و مكنتش اعرف..
و العربية كان فيها مكنة.. و كان الشغل اللي فيها ولا اقذر.. لو واحد بيصلح 128 مش هيتعامل معاها بالقذارة دي..
وانا باصلحها شوفت فيها بلاوي و اهوال.. و البيه طلعلي ريبورت فيه ان العربية محتاجة 700 جنيه توضيب.. و ان كل حاجة تمام التمام..

ولو سعاتك مش مصدقني.. ابقي لما تروحله قوله احمد اللي اشتري الاودي الفضي بتاعت حمدي.. مش مسامحك انت وهو.. و بيقولكوا حسبي الله ونعم الوكيل.. و هيقتص منكم في الاخرة ان شاء الله..

احمد باشا علاوى ..
واحشنى واحشنى واحشنى
ياااااااه الايام عدت بسرعه ..ده الواحد فاكر شراك الاودى دى كانه من شهرين
فينك يا راجل ؟؟