محتاج مساعدة لاخبرة الجولف ياريت ضارورى جدااا

[boody_kokoo]

معايا جولف 2 مركبلها ماتور 2ُe والعربية تمام بس فيها مشكلة مجننانى انها عداد rbm بيضل يعلى و يوطا ومفيش مكانيكى عارف يعملها مين ممكن يعرف يظبطها بجد لانى قربت ازهق وابعها عايز حد بيفهم لانى بصرف والعيب بيرجع تانى خلاص اتخنقت وركنتها ياريت لو حد يعرف ميكانيكى مخصص للجولف يفيدنى لو سمحتم او رقم تليفونة و انا اروحلة وشكرا

[Mahmoudyoussif]

بص دي مشكله ايدل غالبا عليك

و على رشاد في الحرفين هيظبطهالك

بس هوا بيجي الساعه 12 بليل

[boody_kokoo]

يعنى بيشتغل فيها بعد 12 بليل

[boody_kokoo]

المشكلة الكبيرة انى من الهرم وحتى مش عارف هى فين الحرفين ولو ممكن رقم الميكانيكى دة

[M.Mostafa80]

المشكله عندك فى الأير فلو واللى هيحلهالك رشاد زى ماقال الأخ او سيد عبده فى جسر السويس
رشاد مش هيرد عمره على تليفونه حتى لو ادهولك دا تروحله تستناه لحد مايجي وتقله يبدأ
يشتغل فى العربيه وتعمل حسابك تون اجازه تانى يوم لأنه ما بيبدأش الا الساعه 12 زى ما قالولك

[Mahmoudyoussif]

اعمل حسابك في يوم صابح الجمعه او السبت اجازه

هوا كهربائي كويس عموما و لو النمره فعلا مش هيرد عليك

[boody_kokoo]

ممكن اعرف طريق الحرفين ازاى ولو انا حروح من الهرم

[M.Mostafa80]

لو تعرف صلاح سالم يبقى هتوصل ماتعرفوش يبقى هتعانى شويه
بص ياسيدى هتاخد صلاح سالم لأخره لحد ما هيقابلك كوبرى المطار
هتطلع الكوبرى وتمسك شمال هتلاقى منزل شمال هتنزله وتخليك ماسك يمين قوى هتلاقى الناحيه التنيه السندبات هتفضل ماشى جنب سور المطار لحد ما هيقابلك كوبرى ماتطلعوش وادخل من جنبه هتلاقى تحته مزلقان هتعدى المزلقان وتمشى حبه صغيرين هتلاقى نفسك فى جسر السويس هتعمل يوترن من تحت الكوبرى وتدخل فى اول ش يمين اسمه ش جمال عبد الناصر هتفضل ماشى فى الشارع ده لحد ما هتلاقى على يمينك صيدليه وقبلها معرض عربيات ومطعم هتدخل من الشارع ده هتلاقى فيه محلات استيراد قطع غيار مرسيدس وفولكس كتير هتكمل فى الشارع لحد ما هتلاقى ميدان واسع وفى جامع اول ما تخلص الشارع اللى هوا فى مرسيدس هتدخل شمال وتسأل هناك عن ورشه تامر ورشاد الف مين هيدلك
ممكن تروح لواحد هنا فى الهرم اسمه رمضان وابنه اسمه رامى عند مدرسه النيل جربه الأول قبل ماتدب المشوار

[boody_kokoo]

الف شكر استاذ مصطفى وربنا يباركلك