عربيتى بولو بتحك بعد المطب بعد العجل الامامى !!!!!!

[pierre]

معايا بولو 95 فوكس بعد اى مطب العربيه بتحك من تحت بعد العجل الامامى لدرجه ان السوكه اللى تحت الشاسيه اتنت تفتكروا ده عيب ايه ؟

قولت اعليها الناس قالوا البولو عاليه مش محتاجه تعليه مع العلم ان المساعد اليمين خفيف شويه

انا رايح لسيد عبده اللى قبل كوبرى التجنيد و مش عايزه يشتغلنى انصحونى ارجوكم

[mohd7380]

معايا بولو 95 فوكس بعد اى مطب العربيه بتحك من تحت بعد العجل الامامى لدرجه ان السوكه اللى تحت الشاسيه اتنت تفتكروا ده عيب ايه ؟

قولت اعليها الناس قالوا البولو عاليه مش محتاجه تعليه مع العلم ان المساعد اليمين خفيف شويه

انا رايح لسيد عبده اللى قبل كوبرى التجنيد و مش عايزه يشتغلنى انصحونى ارجوكم

ممكن اليايات عايزة تتغير اكشف عليها

[mesho_kimi]

حضرتك ظبط عفشتك وبعد كده تقدر نجكم بلا مبالغه لو ركبت اتنين جنبيك
واربعه ورا وطلعت المطب من غير ما تكسر العجل حته مع اجمدها مطب مش حتحك

[M.Mostafa80]

واضح انك محتاج تغير يايات ومساعدين اماميه ومراجعه العلايه الأصليه هل تأكلت ام سليمه ومراجعه بطحات الركبه الخاصه بالمساعد ظبط الحاجات دى وهتحس بالفرق ومدام هتفك يبقى اى حاجه تقابلك فى العفشه ظبطها وهتحس بالفرق ان شاء الله واضح ان اللى قبلك كان فارم العربيه

[SYD]

كلام سليم 100 في 100
ممكن تكون السوست (اليايات) مكسرة او تعبت لدرجة يرثي لها
ابسط كشف انك تجرب النور لو ضارب في الارض يبقي السوست

هات طقم مساعدين استيراد بيجي معاهم اليايات بتوعهم

والله المستعان
،
،

[ashoub]

طب انا ظهرت عندى نفس القصه المساعدين الامامى الجديد منهم بكام والاستيراد بكام وانهى الاحسن

[mohd7380]

طب انا ظهرت عندى نفس القصه المساعدين الامامى الجديد منهم بكام والاستيراد بكام وانهى الاحسن

لو ناوي تخلي معاك العربية فترة طويلة احسنلك تجيب جديد بس يكون اصلي و انا فى عربيتي 2001 طقم الامامي بيعمل من 950 الى 1450 ج (مساعدين) حسب النوع و الصناعة اما لو فى نيتك تقضي فترة بيها و تقلبها يبقى خليك فى الاستيراد تقريبا النظيف 450 ج الامامي والله اعلى و اعلم ................. بالتوفيق ان شاء الله

[mohd7380]

حضرتك ظبط عفشتك وبعد كده تقدر نجكم بلا مبالغه لو ركبت اتنين جنبيك
واربعه ورا وطلعت المطب من غير ما تكسر العجل حته مع اجمدها مطب مش حتحك

باشا انت كنت راكب بولو و لا هامر مش للدرجة دي 3 قدام و اربعة ورا مش هاتحك ازاي اكيد طبعا كدة تحك و كمان تنام على المطب و تحضنه

[M.Mostafa80]

باشا انت كنت راكب بولو و لا هامر مش للدرجة دي 3 قدام و اربعة ورا مش هاتحك ازاي اكيد طبعا كدة تحك و كمان تنام على المطب و تحضنه

على فكره ميشو مبالغش لأنى عملت كدا مره والمطب كان غبى والعربيه محكتش

[mesho_kimi]

يا باشا جرب وأنت تعرف وأقسم بالله العظيم عملتها بتاع 3 مرات لظروف أضطراريه والكل عارف المطبات في اسكندريه عامله ازاي

[mohd7380]

يا باشا جرب وأنت تعرف وأقسم بالله العظيم عملتها بتاع 3 مرات لظروف أضطراريه والكل عارف المطبات في اسكندريه عامله ازاي

ههههههههههههه طب اقولك على حاجة عايز تعرف معنى مطب بجد امشى على طريق بورسعيد الشرقية و اتحداك لو 4 فى العربية مش 7 والعربية مكنتش تحك و اي عربية صالون فى الدنيا , اسكندرية اية ياباشا ال فيها مطبات دة احنا عندنا كباري مش مطبات

[mesho_kimi]

والله مش عايز تصدق براحتك ......

[mohd7380]

والله مش عايز تصدق براحتك ......

انا مصدق طبعا و انت هاتكدب ليه بس انا قصدي دة مطب عالي بس محترم اما فى مطب يكون شكله صغير بس مثلث هو دة ال انا قصدي عليه و اعتقد ان حضرتك ماشوفتوش بس موجود بكثرة فى الاماكن الريفية و من صناعة اهالي المنطقة

[pierre]

انا مصدق طبعا و انت هاتكدب ليه بس انا قصدي دة مطب عالي بس محترم اما فى مطب يكون شكله صغير بس مثلث هو دة ال انا قصدي عليه و اعتقد ان حضرتك ماشوفتوش بس موجود بكثرة فى الاماكن الريفية و من صناعة اهالي المنطقة

هو ده اللى انا باتكلم عليه يا كبير اصل انا ساكن فى امبابه و مينفعش فيها غير دبابه مش عربيه
بس انا الحمد لله انا رحت عند سيد عبده و طلعت العفشه كلها لسه مشدوده بس كان فى حبه كلام عبيط بس بردو كلف زى ما انتو عارفين

غيرت الصدادات اللى بتبقى فى المساعدين عشان المساعد مينزلش للاخر و لقيت اللى راكبين الاصلى بقوا بودره الاسعار الامامى ب 40 و الخلفى ب 70 و غيرت بطاحات امامى الالمانى ب 140 و الضرب ب 120 طبعا اخترت الالمانى و 2 علايه 2 زومبه ب 20 الاثنين المامى و المصنعيه 100 و كمان فى بلى بطاحه غيرته استيراد من الراجل الشيخ اللى جنبه ب 25 يبقى الاجمالى 375 جنيه بالمصنعيه و الحمد لله على اد كده يا جماعه انا مش عارف لو محتاجه مساعدين و عفشه كنت اعمل ايه ابيع هدومى !!!!!!!!!!!!!!!!!!!!!!

[mahmoud_u3]

لو سمحت فدونى انا ادامى عربيه فولكس فاجن بولو موديلا 2004 عايز اعرف اسعارها ايه وعايز عارف عيوبها ومميزاتها شكرا