لخبراء البيتلز

[krash2020]

جبت بيتلز موديل 62 والحمد لله العربيه تمام اساسيات سليمه وكانت مركونه بقالها سنين وصاحبها كان مسافر ورجع من السفر وشدها وبعها وانا ختها منه على 7500 الف جنيه يعنى على قدها العربيه تمام مافهاش حاجه
انا بحب البيتلز ودى اول عربيه اجبه بس مش عارف لما تيجى فى سرعة 80 فى سحبها ضعيف بتجيب معايا 120 بعد عذاب لما بقرص على البنزين دى عادى ولا فى حاجه فى متور مثلا مع العلم انى معرفش فى المكانيكه والفتيس سعات بيعلق معايا وبيعمل صوت مش دايما لما بطلع على الاول بيعلق شويه والتالت نفس الكلام كونت عاوز اروح لمكانيكى يكشفلى عليها انا اولا من الهرم لو فى مكانيكى قريب منى تنصحونى بيه وعاوز اشدها ابدأ بأيه الاول

أسف على الاطاله واتمنى المشاركه بخبراتكم يا احلى منتدى شكرا ليكم

[krash2020]

محدش قال وجهة نظره اتمنى المشاركه

[smsmxxxxxx]

الف مبروك على العربية واهلا بيك بين محبي البيتل
بالنسبة لموضوع السحب بعد التمانين فده ممكن يكون انك لسة مخدتش على العربية
او العربية تكون محتاجة صيانة علشان تديك اقصي ما عندها
الصيانة بتبقي
تغيير زيت موتور حتى لو صاحبها حلفلك انه لسة مغيره
تغيير بوجيهات
الكشف على الابلتين والكوندنسر
والكشف على سلوك البوجيهات
ومهم جدا تظبط التاكيهات والكاربراتير تنضفه وتظبطه وتظبط توقيت الاشعال
وترجلش الفرامل

اما الفتيس فزود زيت الفتيس في البنزينة وان شاء الله الغيارات مش هتعمل صوت معاك

وكمان شحم الدنجل

بالنسبة للاماكن اللى تعمل فيها الكلام ده

تغيير زيت الموتور وتزويد زيت الفتيس وتشحيم الدنجل دول فى اى بنزينة بس انا بفضل بنزينة التعاون اللى فى المطبعة فيصل

والباقي دول تعملهم عند ميكانيكي كويس
زى عاطف امام جراج اثر النبي
او محمد على فى جسر السويس
اوكمان اسأل صاحب العربية كان بيوديها فين جرب اتعامل معاه

----------------
محمد سالم

[semam]

الف مبروك على العربية واهلا بيك بين محبي البيتل
بالنسبة لموضوع السحب بعد التمانين فده ممكن يكون انك لسة مخدتش على العربية
او العربية تكون محتاجة صيانة علشان تديك اقصي ما عندها
الصيانة بتبقي
تغيير زيت موتور حتى لو صاحبها حلفلك انه لسة مغيره
تغيير بوجيهات
الكشف على الابلتين والكوندنسر
والكشف على سلوك البوجيهات
ومهم جدا تظبط التاكيهات والكاربراتير تنضفه وتظبطه وتظبط توقيت الاشعال
وترجلش الفرامل

اما الفتيس فزود زيت الفتيس في البنزينة وان شاء الله الغيارات مش هتعمل صوت معاك

وكمان شحم الدنجل

بالنسبة للاماكن اللى تعمل فيها الكلام ده

تغيير زيت الموتور وتزويد زيت الفتيس وتشحيم الدنجل دول فى اى بنزينة بس انا بفضل بنزينة التعاون اللى فى المطبعة فيصل

والباقي دول تعملهم عند ميكانيكي كويس
زى عاطف امام جراج اثر النبي
او محمد على فى جسر السويس
اوكمان اسأل صاحب العربية كان بيوديها فين جرب اتعامل معاه

----------------
محمد سالم

بالظبط زى ما قال اخونا محمدسالم

ولو محتاج اى مساعدة احنا تحت امرك وعلى فكرة انا ساكن فى فيصل يعنى جنبك لو احتجت اى حاجة

ومبروك على العربية ويارب يباركلك فيها ويكفيك شرها

[krash2020]

شكرا ليكم ياجماعه معلش اتأخرت على الرد لانى كونت مشغول فى العربيه انا ودتها المكانيكى فى الطلبيه لقى المتور بنقض زيت خفيف فقالى الصح اننا ننزل المتور ويتنضف انا حسيت من الاول انه ممكن عاوز يعمل شغل بس قولت ينزل المتور وينضفه ويشوف لو ناقصه حاجه يعملها وانا سمعت عنه انه راجل تمام فعلا نزل الماتور وفكه حتا حتا ونضفه بلبنزين وقعد فى التنضيف بتاع 5 سعات تقريبا وغير البوجيهات وغير فيها حجات وغيرت والحمد لله الماتور فاق وبقى احسن من الاول بلمنسبه اسمى محمود واتمنى اكون صديق فى وسطيكم واخ شكرا ليك يامحمد انت وسمس منين من فيصل ياسمسم

[krash2020]

معلش سؤال تانى مافيش حد قريب منى بيبيع قطع غيار ليها واكسسوارتها

[smsmxxxxxx]

اغلب بتوع قطع الغيار في المساكن عند شارع العشرين

وكنت عايز اعرف منك
الميكانيكي اسمه ايه وفين مكانه بالظبط
واخد مصنعية كام
واسعار قطع الغيار اللى جبتها ومنين جبتها

يعنى عايزين نستفاد من تجربتك مع العطل ده

على فكرة انا ساكن في المطبعة فيصل

واهلا بيك مرة تانية

-------------------
محمد سالم

[krash2020]

المكانيكى اسمه عبد الرحمن
الحجات الى جبتها 260جنيه وهوه خد مصنعيه 140

هوا غير طقم جوانات و طبت زيد و واربع مواسير وسيلك دبرياج و قول سيه ماتور وكلامالا

انا عارف غلاوى بس يلا اول مره بقى بس بصراحه كفايه انه فك الماتور حته حته ونظفه وقعد سعات ينضف فيه بصراحه دى لوحده مقرفه ومجهود

فى واحد صحبى قالى ان فى واحد صحبه برده مكانيكى فلكس متخصص وبشكرنى فيه جدا

[smsmxxxxxx]

الف شكر يا باشا على ردك

وربنا يبارك لك في العربية

---------------
محمد سالم

[krash2020]

على ايه يامحمد انا الى متشكر ليكم

لو حد يعرف محل قريب من الهرب عنده جميع واكسسوارات البيتل

[semam]

على ايه يامحمد انا الى متشكر ليكم

لو حد يعرف محل قريب من الهرب عنده جميع واكسسوارات البيتل

انا مش العشرين

لو احتجت اى حاجة ياريت تكلمنى 0129557232

بالنسبة لبتوع قطع الغيار عندك ابوشادى - الحاج سعيد اوفة - مجدى - الحاج محمد - الحاج مصطفى العوضى

كل دول تقريبا فى المساكن اللى عند ش العشرين

على اى حال رقمى معاك لو احتجت حاجة كلمنى انا تحت أمرك ومبروك العربية

[arc_adham]

مساء الخير

اسف على الازعاج
بس ليا سوال
اغلب الميكانيكيه الكويسين

بعيد عن فيصل

هل حضرتك تقدر تدلنى على ميكانيكى كويس فى العشرين ؟؟؟ و شكؤرا لك