ارجو الافاده حول الصيانه الدوريه لبولو

[ehab_gamal]

السلام عليكم يا اهل المنتدى الكرام
اخوكم الحمد لله جاب بولو 98 بس لسه لحد دلوقتي معملتلهاش اي حاجه من المفروض تتعمل اشتريت بس السيور ولسه مركبتهاش علشان واحد رحتله قالي انا لازم اغير سير الكاتينه بالبليه مش بغيره لوحده فهو لازم فعلا اغير البليه ولا مش لازم انا لاقيتها ب 300 جنيه

فاياريت لو ممكن تساعدوني علشان انا خبرتي صفر لسه انا ممكن اغير الحاجات دي كل قد ايه يعني اسجل عندي مثلا توقيتات تغير كل حاجه وايه اللي لازم اغيره زي الزيت والبوجيهات والسيور والفلاتر والكاوتش وكل حاجه اغيرها تاني بعد قد ايه اكون متشكر ليكم جداا جدااا

[mesho_kimi]

بص يا معلم في البدايه مبروك عليك العربيه وربنا يديك خيرها ويبعد عنك شرها المهم أنت الحاجات دية الاساسيات اللي لازم حتغيرها ونفس الحاجات دية انت حتغيرها كل حوالي 40 الف كيلو تاني اللي هي كالأتي سير تقسيمه و دينمو بالنسبه للسيور خد بالك من الارقام بتاعتهم عشان التجار بيخموه .. بوجيهات .. فلتر هواء وفلتر بنزين

وبما انك لسه شاري لو الفرامل تمام سيبها لو ضعيفه شيك عليها لو مية العريه مية حنفيه يفضل تغييرها بميه حمراء أو خضراء بس يفضل الحمراء

بالنسبه للكاوتش خلي حد بتاع كاوتش يبصلك عليه

بالنسبه للصيانات الدوريه دية أنت ومزاجك في ناس بتحب تشيك على العربيه كل 10 الاف كيلو أو 5 أهم حاجه انك متهملش العربيه

[SYD]

في البداية اهلا ومرحبا بيك في منتدي الفولكس ومرحبا بيك عضو جديد في عائلة فولكس فاجن جروب

هو الصراحة مش لازم تغير البلية بتاعة الشداد الكاتينة لكن لو محتاجة تتغير لازم تتغير وفي ناس بتغيرها حتي لو مش محتاجة لأهميتها القصوي (الكاتينة مافهاش تهريج)

ثانيا حضرتك تقريبا بتغير كل السوائل في السيارة بمجرد ما تشتريها

زيت الموتور
زيت الفرامل
زيت الفتيس
زيت الباور
مياة الردياتير

تغيير جميع السيور
سير الكاتينة وبلية الشداد
سير الدينمو والتكييف

في جدول لصيانة لازم حضرتك تتبعه للحفاظ علي السيارة
ا- زيت الموتور - فولكس بتنصح بتغييره كل 15000 والأفضل علي نصف المسافة
2- زيت الفرامل - فولكس بتنصح بتغييره كل سنتين
3- زيت الفتيس - فولكس لا تنصح بتغييره ولكن يكفي الكشف علي المستوي والتزويد عند الحاجة ولكن حضرتك هتغييره تماما لأنك لسة شاريها
4- زيت الباور - ينصح بتغغيره كل 30,000 ولكن حضرتك هتغييره تماما لأنك لسة شاريها
5- مياة الردياتير - فولكس بتنصح بتغييره كل سنتين ولكن حضرتك هتغييره تماما لأنك لسة شاريها

سير الكاتينة - فولكس بتنصح بتغييره كل 50,000 ولكن حضرتك هتغييره لأنك لسة شاريها
سير الدينمو - فولكس غير موضحة ولكن حضرتك هتغيره لأنك لسة شاريها ويفضل تغييره كل 30,000 او عند الحاجة

بالنسبة للمواصفات المطلوبة في السيرفيس

1- زيت الموتور - حسب حالة الموتور والمسافة المقطوعة (يفضل شل الأصفر اذا كانت السيارة تعدت ال10 سنين وتعدت ال100,000 كم) وفولكس بتنصح ب مواصفات معينة للزيت كالتالي
10W/40 - 15W/40 - 15W/50 20W/50
2- زيت الفرامل Dot4
3 زيت الفتيس 75W/90 API-GL4 موجود عند محلات الزيوت أنتاج اسو وهذا اقرب زيت مطابق للمواصفات
4- زيت الباور - يفضل زيت الباور الأبيض ماركة Gunk
5- مياة الردياتير - ممكن تستخدم مياة موبيل تركيز 50%

سير الكاتينة - هاته كونتيننتال الماني
سير الدينامو نفس الماركة

ولو حضرتك محتاج الكتالوج بتاعها انا تحت أمرك وكان في مشاركة هنا علي المنتدي فيها الكتالوج

ربنا يوفقك ويبارك لك في عربيتك

والله المستعان
،،
،


فعلا انا نسيت أقولك علي الفلاتر

فلتر البنزين كل 10,000 كم
فلتر الهوا كل 60,000 بس في مصر كل 10,000 يكون احسن
فلتر التكييف كل 60,000 ولو كل 10,000 يبقي احسن
فلتر الزيت - كل 15,000

البوجيهات - 3 شمعة كل 30,000 ولو كل 10,000 يبقي احسن


المياة الخضراء زي الحمراء زي الزرقاء
كلهم مالهمش لازمة في مصر
الغرض من المياة الألوان اولا التمييز بين المنتجين ثانيا في خواص في هذه المياة مش محتاجينها في مصر زي مانع التجمد
احنا عايزين مياة ترفع درجة الغليان وتكون فيها مانع للصدأ
دة من ضمن الخواص بتاعة المياة الزرقاء والحمراء
لكن المهم في التركيز
معظم الموجود في السوق بتركيز 20%
وفولكس بتنصح بتركيز 40% و 50% و الأولي بتمنع تجمد حتي درجة -25 والثانية بتمنع التجمد حتي درجة -35 يعني الأتنين احنا مش عايزينهم لكن عندك مياة زي موبيل تركيز 50% حلوة اوي والناس بتشكر فيها وعندك مياة هيبو الماني الحمراء

الأهم من دة كلوا عدم خلط المياة المانع للصدأ مع مياة الحنفية لأحتوائها علي عناصر واملاح معدنية في غاية الخطورة علي الموتور ومكوناته وطرمبة المياة ولو عايز تزود المياة بتزودها بمياة مقطرة
وموضوع المياة دة تم مناقشته اكتر من مرة علي المنتدي العام والورشة والفولكس والسيات وجميع منتديات المنتدي

ربنا يوفقك ويعينك عليها

والله المستعان
،
،
تم الدمج لذياده الأستفاده

[ehab_gamal]

في البداية اهلا ومرحبا بيك في منتدي الفولكس ومرحبا بيك عضو جديد في عائلة فولكس فاجن جروب

هو الصراحة مش لازم تغير البلية بتاعة الشداد الكاتينة لكن لو محتاجة تتغير لازم تتغير وفي ناس بتغيرها حتي لو مش محتاجة لأهميتها القصوي (الكاتينة مافهاش تهريج)

ثانيا حضرتك تقريبا بتغير كل السوائل في السيارة بمجرد ما تشتريها

زيت الموتور
زيت الفرامل
زيت الفتيس
زيت الباور
مياة الردياتير

تغيير جميع السيور
سير الكاتينة وبلية الشداد
سير الدينمو والتكييف

في جدول لصيانة لازم حضرتك تتبعه للحفاظ علي السيارة
ا- زيت الموتور - فولكس بتنصح بتغييره كل 15000 والأفضل علي نصف المسافة
2- زيت الفرامل - فولكس بتنصح بتغييره كل سنتين
3- زيت الفتيس - فولكس لا تنصح بتغييره ولكن يكفي الكشف علي المستوي والتزويد عند الحاجة ولكن حضرتك هتغييره تماما لأنك لسة شاريها
4- زيت الباور - ينصح بتغغيره كل 30,000 ولكن حضرتك هتغييره تماما لأنك لسة شاريها
5- مياة الردياتير - فولكس بتنصح بتغييره كل سنتين ولكن حضرتك هتغييره تماما لأنك لسة شاريها

سير الكاتينة - فولكس بتنصح بتغييره كل 50,000 ولكن حضرتك هتغييره لأنك لسة شاريها
سير الدينمو - فولكس غير موضحة ولكن حضرتك هتغيره لأنك لسة شاريها ويفضل تغييره كل 30,000 او عند الحاجة

بالنسبة للمواصفات المطلوبة في السيرفيس

1- زيت الموتور - حسب حالة الموتور والمسافة المقطوعة (يفضل شل الأصفر اذا كانت السيارة تعدت ال10 سنين وتعدت ال100,000 كم) وفولكس بتنصح ب مواصفات معينة للزيت كالتالي
10w/40 - 15w/40 - 15w/50 20w/50
2- زيت الفرامل dot4
3 زيت الفتيس 75w/90 api-gl4 موجود عند محلات الزيوت أنتاج اسو وهذا اقرب زيت مطابق للمواصفات
4- زيت الباور - يفضل زيت الباور الأبيض ماركة gunk
5- مياة الردياتير - ممكن تستخدم مياة موبيل تركيز 50%

سير الكاتينة - هاته كونتيننتال الماني
سير الدينامو نفس الماركة

ولو حضرتك محتاج الكتالوج بتاعها انا تحت أمرك وكان في مشاركة هنا علي المنتدي فيها الكتالوج

ربنا يوفقك ويبارك لك في عربيتك

والله المستعان
،،
،

ربنا يبارك لحضرتك وبجد مش عارف اشكرك ازاي على المعلومات القيمة دي وان شاء الله امشي عليها وبشكرك جدا على ذوقك انا الكتالوج عندي بس ماقدرتش افهم منه قوي التفاصيل الفنيه دي يمكن علشان اول عربيه بقى بس بالنسبه للبوجيهات هل كله زي بعض ولا يفضل ماركه معينه اجيبها

[ehab_gamal]

بص يا معلم في البدايه مبروك عليك العربيه وربنا يديك خيرها ويبعد عنك شرها المهم أنت الحاجات دية الاساسيات اللي لازم حتغيرها ونفس الحاجات دية انت حتغيرها كل حوالي 40 الف كيلو تاني اللي هي كالأتي سير تقسيمه و دينمو بالنسبه للسيور خد بالك من الارقام بتاعتهم عشان التجار بيخموه .. بوجيهات .. فلتر هواء وفلتر بنزين

وبما انك لسه شاري لو الفرامل تمام سيبها لو ضعيفه شيك عليها لو مية العريه مية حنفيه يفضل تغييرها بميه حمراء أو خضراء بس يفضل الحمراء

بالنسبه للكاوتش خلي حد بتاع كاوتش يبصلك عليه

بالنسبه للصيانات الدوريه دية أنت ومزاجك في ناس بتحب تشيك على العربيه كل 10 الاف كيلو أو 5 أهم حاجه انك متهملش العربيه

الف شكر ليك يا باشا بس هو حد فتالي فتوى عالميه وقالي كله واحد ممكن بس تفهمنى ايه هي الميه الخضرا والحمرا دول وهما انواع ولا ادخل البنزينه واقوله اديني جركن ميه كذا وخلاص ؟ وايه الفرق بين الالوان دي

[mesho_kimi]

بص أنت حتلاقي عند اي حد بيشتغل في فولكس مايه هيبو حمراء حتاخدها منه حتتفضى عندك وحتزود الباقي مايه مقطره
.. صحيح انت كنت سألت عن بلية سير التقسيمه أنا لسه مغيرها أول أمبارح بالصدقه عشان لقيتها خشنه وانا بعمل صيانة ال 40 الف وجيتها ب 190 جنيه نوع مايلي ألماني

[ehab_gamal]

بص أنت حتلاقي عند اي حد بيشتغل في فولكس مايه هيبو حمراء حتاخدها منه حتتفضى عندك وحتزود الباقي مايه مقطره
.. صحيح انت كنت سألت عن بلية سير التقسيمه أنا لسه مغيرها أول أمبارح بالصدقه عشان لقيتها خشنه وانا بعمل صيانة ال 40 الف وجيتها ب 190 جنيه نوع مايلي ألماني

تسلم يا باشا على الرد بس هو اخوك لسه جديد قوي في العربيات فمعلش لو تفهمني بس ازود الميه الحمرا او الخضرا على باقية الميه الي في القربه عادي ولا افضي اللي في القربه ازاي الاول قبل ماحط منها والميه المقطره برضه مش فاهم يعني احط شوية من دي وشويه من دي ولا ايه انا كنت فاكر افضل كل مره افتح وازود الميه الملونه بدل الميه العاديه وخلاص فاياريت لو حضرتك تفهمهالي النقطه دي واللي انا فهمته اني ادور على ميه تركيز 50 كده صح ولا ايه؟

وبالنسبه للبليه انا سألت عليها كذا حد في القاهره كانت ب 300 وكندي وشكلها بالنظر كده مش كندي خالص عشان كده سالت اهل المنتدى الكرام ومعلش بقى اخوكم جديد استحملوني

[M.Mostafa80]

http://www.nilemotors.net/Nile/234067-a.html

[ashoub]

ريح نفسك وهات البليه من عند اشرف الشهابى الى فى شارع دمشق مصر الجديده ده الوحيد الى تثق فى قطع الغيار الى بيجبها
وبالنسبه للمياه الردياتير هتلاقيها عنده ب55 جنيه وتزود معاها 4 زجاجات مياه مقطر بس قبل متغسل الردياتير اتاكد انه مبيسربش مياه علشان مترميش فلوسك فى الارض

[ehab_gamal]

بشكركم جدا عالردود يا جماعه بس سؤال بسيط هو الموضوع ده بيتعمل مره واحده في السنه وبعدين ازود مياة حنفيه عاديه ولا كل مره ازود ميه ازود ميه ملونه

[M.Mostafa80]

المفروض انك كل سنه تعمل اللى مكتوب فى الموضوع اللى حطتلك لينكه عشان تضمن دوره تبريد جيده الكفاءه وبدون اعطال بأذن الله

[ehab_gamal]

تسلم ياباشا بس بعد ما اعمل كده وارجع في العادي بقى كل يوم لما اجي ازود الميه ازودها ميه عاديه ولا ازود ميه ملونه او مقطره في الايام العاديه يعني

[M.Mostafa80]

مياه مقطره والمياه الملونه دى مش مجرد مياه ملونه هو عباره عن ماء من نوع خاص مضاف له بعض المكونات للحفاظ على دوره التبريد واجزاء الموتور وطلمبه المياه واسمها هيبو

[ehab_gamal]

تسلم يا كبير كده يبقى حعمل المية الملونة هيبو كل سنة والعادي مية مقطرة كل سنة وانت طيب ورمضان كريم