حاجة غريبة موتور البيتل فى عربية جولف

[smsmxxxxxx]

كل مرة بجيب بيتل متعدلة ومتركب لها موتور عربية تانية

وعلشان متقولوش انى من غير المعجبين بموتور البيتل

جبتلكم المرة دى عربية جولف مركبة موتور بيتل

ايه السبب الله اعلم

--------
محمد سالم

[osama.m]

وجولف gti كمان
بس مش عارف اية الفكرة اصلا من كدا
طيب مفيش معلومات عنها ؟

[M.Mostafa80]

الفكره هى تحويل الجولف لدفع خلفى ونظرا لأعتماد التبريد فى البيتلز على الزيت فقط وبالتالى عدم التعرض لمشكله وش السلندر عند نقصان المياه او تلف طلمبه المياه ونوع من الأبتكار ومحاوله للتميز

[SYD]

وممكن تكون جرافيك
لأن المشاكل المذكورة مش مستاهلة كل التعديل دة
حضرتك هتعدل فتيس وعفشة وحوض وشنطة وهتقفل ارضية الكبوت لتحويله شنطة وهتفتح ارضية الشنطة وتعملها كبوت

ولو حبيت تحمل حاجات تقيلة العربية اكيد هتتكفي علي وشها وبدل ما الشكمان يحك المرة دي الأكصدام الأمامي الي هيحك

اعتقد انها جرافيك

والله المستعان
،
،

[sab3aawy]

وليه منفكرش فى الموضوع بشكل مختلف، ليه متكونش بيتل تم اجراء تعديلات على هيكلها لتركيب التفاصيل الخارجية ، وربما تفاصيل الصالون ايضا الخاصة بالجولف عليها، وهو امر اسهل بكتير من تعديل الجولف ميكانيكيا لتركيب موتور البيتل عليها ولا مكسب من وراءه لان ميكانيكا الجولف متقدمة كثيرا عن ميكانيكا البيتل واسلس اداء واكثر امتاعا فى القيادة، اعتقادى الشخصى ان دى بيتل متعدلة وليست جولف متبهدلة، ولدى قرينتين على هذة النظرية، القرينة الأولى هى رسمة هيكل السيارة على يسار المحرك،(الجزء اللى فيه خطين منحنيين تحت المفصلات) الرسمة دى موجودة فى البيتل، الحاجة التانية هى مكان العجلات بالنسبة لجسم السيارة والغير متناسب نهائيا مع عرض جسم السيارة

ملحوظة اخيرة: موتور البيتلز يتم تبريده بالهواء وليس الزيت، ودور الزيت فيه هو نفس الدور الذى يقوم به فى أى سيارة أخرى

[smsmxxxxxx]

وليه منفكرش فى الموضوع بشكل مختلف، ليه متكونش بيتل تم اجراء تعديلات على هيكلها لتركيب التفاصيل الخارجية ، وربما تفاصيل الصالون ايضا الخاصة بالجولف عليها، وهو امر اسهل بكتير من تعديل الجولف ميكانيكيا لتركيب موتور البيتل عليها ولا مكسب من وراءه لان ميكانيكا الجولف متقدمة كثيرا عن ميكانيكا البيتل واسلس اداء واكثر امتاعا فى القيادة، اعتقادى الشخصى ان دى بيتل متعدلة وليست جولف متبهدلة، ولدى قرينتين على هذة النظرية، القرينة الأولى هى رسمة هيكل السيارة على يسار المحرك،(الجزء اللى فيه خطين منحنيين تحت المفصلات) الرسمة دى موجودة فى البيتل، الحاجة التانية هى مكان العجلات بالنسبة لجسم السيارة والغير متناسب نهائيا مع عرض جسم السيارة

ملحوظة اخيرة: موتور البيتلز يتم تبريده بالهواء وليس الزيت، ودور الزيت فيه هو نفس الدور الذى يقوم به فى أى سيارة أخرى

تحليل صح واوفقك عليه 100%

هي الصورة دى واحد بيهزر معايا بعتهالى فى موضوع فى منتدى اجنبي كنت باسأل ازاى اركب موتور جولف على البيتل

وحاولت اعرف مصدر موضوع الصورة معرفتش

-------------------
محمد سالم