توكيل نيسان غلب توكيل فولكس

[pointer]

ارسلت اصلا بوالسطه bakry
زميلي في العمل وهو بيعمل صيانة في التوكيل سأل علي طاسة عجل للصني فأجابوه ان سعر الواحدة و ليس الطقم 300 جنيه هل هذا معقول؟
برجاء الأفادة حول أسعار قطع غيارها الأخري لأن العربية عجباني بس خايف من قطع غيارها

طيب والله كويس:) علي كده ان طاسه البوينتر ب 175 ج دي ببلاش
بس بقي وكفايه افتري علي توكيل vw الممتاز :D اللي مافيش زييه :D واللي مخلي الناس كلها بتبعت جوبات شكر لييه :D
وعلي راي المثل ما اسخم من سيدي الا ستي
ولا حول ولا قوه لا بالله

[sab3aawy]

على فكرة ، طاسات الكيا والهيونداى والدايو فى التوكيل متفرقش كتير فى اسعارها عن الهبل ده

الطاسة بالذات من الحاجات اللى كل التوكيلات تهبل فيها لأنهم بيكونوا عارفين ان اللى جاى ياخدها عنده استعداد يدفع، لأنه لو مش دفيع مش هيهمه يمشى بعربية ناقصة طاسة

وربنا يخليلنا التوفيقية

[pointer]

اولا ايه ده م سبعاوي ر جع تاني بعد ما كان مختفي في ظروف غامضه هييييييييييييييه :):):)
م سبعاوي نزل صورته وانا اقول المنتدي نور اوي الايام دي ليه:)
وعلي كلامك ده ما فيش ضابط لاسعار قطع الغيار يعني برضو متهئ لي ان العبط ده في كل الماركات المهم انك لو تحت ضرسه يبقي عليك السلام كمان التوكيل اي توكيل المصنعيات فيه عاليه للغايه عاليه بالعبط وربنا يكفينا والسمعين من شر التوكيل وقطع الغيار
وبعدين يعني مره من نفسي افرح ان توكيل غلب vw في الاستغلال للزبون :D اللي بيثق في العربيه طبعا مش فيهم وشريها علي هذا الاساس
تقوم قايل ان الموضوع عادي ازاي بس طب سبني افرح شويه طيب نسال سؤال للاعضاء سعر الطاسه بتاعه عربيتك كام في التوكيل وطبعا لنتعرف علي اي التوكيلات اكثر

استعباطاً

[CryptonX]

Fiat Omatra
طقم طاسات Fiat Palio 14"
ايطالي ب 4 خروم

220 جنيه

برة التوكيل ب 175

وبعدين سيبك من الطاسة .. انا ليا زميل معاه بوينتر التوكيل بتاعك مش عارف يجيبله اوكره !!

[pointer]

الاخ CryptonX ده انت اون لاين بقي ايه السرعه دي ما شاء الله ما بحسدش ولا حاجه
انا نفسي بس اعرف زميلك ده يروح التوكيل ليه يروح شارع دمشق عند المدرسه ويسال عن بتوع الفولكس ده مش واحد ده سوق وانا رحتلهم والراجل قال ان كل حاجه موجوده عنده حتي قال ان عنده علبه دركسيون وبعدين التوكيل ده حاجه فاشله جدا و الواحد ما يقربش منه الا في الحجات الجمده فرامل ساسبنشن
وخصوصا الاستهبال بتاع ان البرزيل بعيده تقولش شيلنهم علي دماغهم سواء للبوينتر او الباليو او اي توكيل بييب وكملوا انتم بقي :D

[pointer]

Fiat Omatra

طقم طاسات Fiat Palio 14"
ايطالي ب 4 خروم

220 جنيه

برة التوكيل ب 175

وبعدين سيبك من الطاسة .. انا ليا زميل معاه بوينتر التوكيل بتاعك مش عارف يجيبله اوكره !!

اخدت بالي من موضوع مهم التوكيل مش بتاعي ولا حاجه انا راجل محترم , ليه بس انت كده هتخلي الاعضاء يمسكوا في خناقي ويقولوا هو ده صاحب التوكيل:D

[Hesham A.Megid]

على فكرة ، طاسات الكيا والهيونداى والدايو فى التوكيل متفرقش كتير فى اسعارها عن الهبل ده

طاسة الفرنا ب 40 جنيه! :)