مشكلة غريبه بولو 2001

[chemostafa]

ماتور مروحة الرادياتير اتحرق عندي فا رحت اشتريت مروحه جديدة بس ظهر منها مشكله ان لما سرعتها بتزيد بتعمل صوت عالي جدا و vibration لدرجة اني مش بستحمل الصوت وانا سايق ...... و المروحه فيها رفه جامدة ..... افيدوني ياجماعة ممكن يكون ايه الحل ؟؟؟؟!!

[beshomilan]

ممكن تكون الريش مش ثابته كويس فى القميص او القميص نفسه مش متثبت كويس
او سير المروحة مرخى
والله اعلم

[mohd7380]

المروحة الجدية نوعها اية و بكام ؟ واتاكد انها راكبة كويس

[M.Mostafa80]

هى جديده ولا استيراد
ملحوظه للأخ اللى قال سير المروحه المروحه فى البولو بدون اى سيور وعمتا لو المروحه مش قاعده مكانها صح هتعمل المشاكل دى كلها
رد على اسئلتنا عشان نعرف نرد عليك
والله المستعان

[chemostafa]

اولاً الف شكر يا جماعه علي الإهتمام ......... عموماً هيا المروحه جديده و المفروض إنها febi و عملت 450 بس انا حاسس إنها مضروبه ...... طب اعرف ازاي إنها مش متثبته او مش ركبه صح و ده إحتمال ضعيف لأن هيا ليها 3 مسامير بيثبتو الموتور علي القاعده و 3 بيثبتو القاعده كلها بالمروحة في صدر العربية ...... وعندي مشكلة تانيه إن مؤشر الحراره ساعات ينزل لل زيرو و انا ماشي بعد ما بيكون قاري 90 وشوية ويطلع تاني لوحده

[chemostafa]

و اروح لمين في الاسكندرية يخلصلي القصة دي ؟؟

[mazo0o]

انا في اسكندرية و بدور علي العربية دي بحالة نظيفة خوفتني انت كده d: ان شاء الله تلاقي حد يفيدك من وحوش فولكس هنا

[ehab_mansour]

اولاً الف شكر يا جماعه علي الإهتمام ......... عموماً هيا المروحه جديده و المفروض إنها febi و عملت 450 بس انا حاسس إنها مضروبه ...... طب اعرف ازاي إنها مش متثبته او مش ركبه صح و ده إحتمال ضعيف لأن هيا ليها 3 مسامير بيثبتو الموتور علي القاعده و 3 بيثبتو القاعده كلها بالمروحة في صدر العربية ...... وعندي مشكلة تانيه إن مؤشر الحراره ساعات ينزل لل زيرو و انا ماشي بعد ما بيكون قاري 90 وشوية ويطلع تاني لوحده

السلام عليكم أخي الفاضل
أولا سعر المروحة ده عالي جدا جدا جدا ..... المروحة دي (الموتور بالريشة مثبتة عليه مع بعض ) في الحرفيين بالقاهرة 150 جنيه استيراد زي اللي كانت راكبة بالضبط و مافيهاش الهوا ولو فيها حاجه ترجعهاله

ثانيا :- مش لازم لما يحصل رفه و صوت عالي مع التشغيل يكون السبب انها مش مثبته كويس ....
الاحتمال الأقوي عندي هو ان جلب موتور المروحة مبوشه و ده عيب في الموتور و ممكن يتصلح ولكنه مقرف ومحتاج حد متخصص صيانة مواتير(نفس العيب ده حصل مع صديق لي هنا بالمنتدي )

المهم لازم تروح ترجعها و تاخد واحدة تانية غيرها من المحل اللي أخدتها منه و علي التجربة و لو مرضيش رجعهاله وهات فلوسك وتعالي هنا القاهرة نجيبلك أختها بثلث السعر ده و نركبهالك كمان ... اي خدمه

بخصوص مشكلة نزول مؤشر الحرارة فده لو بيحصل مع المشي بسرعه و في طريق مفتوح ولما تقف شوية او تمشي في الزحمة بيطلع تاني ل 90 يبقي فيه ميكانيكي مفتي خلع ثرموستات الكوعه و لغاه من دائرة التبريد بحجه ان العربية هتبرد أفضل (لأن نفس القصة بالضبط حصلت معايا) و ده أكبر غلط و الصح تنزل تشتري ثرموستات كوعه (فيه ناس بتسميه ثرموستات شجرة المياة ) و تخلي ميكانيكي محترم يركبهولك و تركيبه بياخد 5 دقايق بالضبط و ثمنه في حدود 100 جنيه

و علي فكرة عدم وجود الثرموستات ده في الشتاء او في السفر مصيبة و خاصة في اسكندرية

وفي انتظار حد من الأخوة الاسكندرانية يفيدك تروح لمين يضبطلك القصص دي كلها

وربنا يوفقك و ييسرلك الحال

[M.Mostafa80]

السلام عليكم أخي الفاضل
أولا سعر المروحة ده عالي جدا جدا جدا ..... المروحة دي (الموتور بالريشة مثبتة عليه مع بعض ) في الحرفيين بالقاهرة 150 جنيه استيراد زي اللي كانت راكبة بالضبط و مافيهاش الهوا ولو فيها حاجه ترجعهاله

ثانيا :- مش لازم لما يحصل رفه و صوت عالي مع التشغيل يكون السبب انها مش مثبته كويس ....
الاحتمال الأقوي عندي هو ان جلب موتور المروحة مبوشه و ده عيب في الموتور و ممكن يتصلح ولكنه مقرف ومحتاج حد متخصص صيانة مواتير(نفس العيب ده حصل مع صديق لي هنا بالمنتدي )

المهم لازم تروح ترجعها و تاخد واحدة تانية غيرها من المحل اللي أخدتها منه و علي التجربة و لو مرضيش رجعهاله وهات فلوسك وتعالي هنا القاهرة نجيبلك أختها بثلث السعر ده و نركبهالك كمان ... اي خدمه

بخصوص مشكلة نزول مؤشر الحرارة فده لو بيحصل مع المشي بسرعه و في طريق مفتوح ولما تقف شوية او تمشي في الزحمة بيطلع تاني ل 90 يبقي فيه ميكانيكي مفتي خلع ثرموستات الكوعه و لغاه من دائرة التبريد بحجه ان العربية هتبرد أفضل (لأن نفس القصة بالضبط حصلت معايا) و ده أكبر غلط و الصح تنزل تشتري ثرموستات كوعه (فيه ناس بتسميه ثرموستات شجرة المياة ) و تخلي ميكانيكي محترم يركبهولك و تركيبه بياخد 5 دقايق بالضبط و ثمنه في حدود 100 جنيه

و علي فكرة عدم وجود الثرموستات ده في الشتاء او في السفر مصيبة و خاصة في اسكندرية

وفي انتظار حد من الأخوة الاسكندرانية يفيدك تروح لمين يضبطلك القصص دي كلها

وربنا يوفقك و ييسرلك الحال

اجزت واوفيت الله يفتح عليك يأيهاب
الراجل جابلك الخلاصه كلها

[mohd7380]

+++++++++++++++++++++1

[chemostafa]

جزاكم الله خير ياجماعه انتم جبتم الخلاصة ...... بالنسبة للأخ الي قلق من العربية هي عربية ممتازه بس بيحصل فيها مشاكل زي اي عربية مستعملة

[hakeemkimo]

عيب الصوت والهزة من المروحة الجديدة ولازم تغيرها علشان هتحس بخشونة كل مرة تشتغل فيها

بالنسبى لموضوع مؤشر الحرارة اساسا لو الترموستات مش راكب المؤشر هايبقى شغال بس عمره ماهايوصل 90
اما نزول المؤشر للصفر وبعدين رجوعه 90 فده معناه ان حساس الحرارة بيخرف ومحتاج تغيير

[windofchange]

وحساس الحرارة راكب برده في شجرة المياه(كوعه المياه) واصلي ب200 وكسر وكوبي ب90 جنيه تقريبا وهو عبارة عن صباع كده بيركب فيه فيشة كهرباء

[chemostafa]

غيرت المروحة الحمد لله والجديدة افضل بكتير ....بس التكييف كان متظبط اكتر مع اللي كان صوتها عالي :(.

[M.Mostafa80]

طب أتأكد انها سرعتين يعنى مع التبريد سرعه ومع التكييف سرعه تانيه لأنها لو سرعه واحده مش هتبرد كويس وكفأه التكييف هتقل ودى هتعرفها من خلال انك تشغل التكييف وتفتح الكبوت ووتشوف هل بعد شويه سرعتها هتزيد عشانالتبريد ولا لأ