حكايتي مع الجولف

[mahmoud_anwar]

بجد ياجماعة نصيحة لكل شخص مقبل علي شراء سيارة متسقطه لزم ياخد ميكانيكي واثق فية وبي الاخص الجولف انا من عشاق الجولف لي انها سيارة شكلها شيك وثبات جميل ولكن حظي اني كنت بدور علي جولف 1800 وفعلآ لقيت جولف 1800 بس كرهتني في كل العربيات رغم انها فيها شوية لعب جميل اولآ العربية متغيرة بي الكامل بي فضل ربنا ثم فضلي وليس فضل صاحبها
العربية دي محطوط فيها ماتور 1800 تنك البنزين بتاع الجولف 3 فرامل سكاكين
ندخل علي الموضوع العربية سحبها كان بيقطع في الجري وسحبهاا سحب عربية مش 1800 ابدآ دة سحب 1100 سي سي بي الكبير اوووي رحت الحرافيش عند الناس الي بجد أكل عيشها من النصب اتلسعت في 5 الف جنية ولا في حاجة حصلت لا والاهبل غيرلي طرمبة 1400 مع ان التنك بتاعي لا يسع غير طرمبة واحده فقط ولزم تكون قوية الذكي حط لي بتاعت 1400 المهم العربية برضة محلك سر مافيش المهم غيرت فيها اي دي وغيرت اسبراتير وبرضة العربية سحبها مش 1800 خالص مع العلم الحجات الاخيرة دي مش في الحرافيش المهم واحد صحبي ابن حلال دلني علي ميكانيكي بس بجد ميكانيكي بجد انا مش عارف اشكرة ازاي بجد حببني في حاجة اسمها جولف رحت ليه قولت ليه انا بجد كره الجولف دي عربية كذا وكذا بحس انها مش بتتصلح المهم فتح الكبوت قالي ايه دة يابني قالي لزم تكرها قالي الفتيس الي فيها بي الكبالن بتوع 1600 نزل اتفرج علي تنك البنزين قالي ده بتاع الجولف 3 بص علي الطرمبة قالي اده انتا كنت ناوي تحب الجولف دي ازاي المهم جبت ليه كل الي طلبة فتيس وطرمبة 200 زيرو هو صاحب الفضل في اكتشاف الفكرة دي بجد ربنا يباركلة ويخيلة لي كل الجولفوية بجد اشد ميكانيكي شفتة في حياتي
الي رحتلهم في الحرافيش ركبلي بتاعت 1400 الي رحتلة المنطقة بتاعتي قالي نغير تنك كامل علشان التنك بتعها 2 طرمبة هو الوحيد الي قالي هاتلي طرمبة 200 بتاعت الجولف 3 بصراحة قعدت ادور عليها زيرو لغاية لما جبتها الحمد الله بصراحة عملت فرق جامد اوي معاية وظبطلي ميكانيكا العربية كاملة الله يبارك له اي نعم هو مصنعيتة يعني بس بي امانة ربنا يستاهل انا كنت بتاعمل مع حرمية بتسرقني ومكنتش فاهمة حاجة بس بصراحة صنيعي من الأخر المشكلة بقا الي قبلتني حاليآ هيا ان كهربائي ابن ستين في سبعين لعب ليه في دفيرة الكهرباء وانا حاسس انه كهربائي سلسيون مش كهربائي عربيات حرقلي العداد الله يحرقة ودلوقتي انا نفسي في كهربائي يكون عارف ضفيرة الجولف يكون كهربائي بحق وحقيقي
اه وكمان انا بعرض الفتيس والطرمبة واسبراتير للبيع لمن يرغب الفتيس 1600
طرمبة 1400
اسبراتير 1800
كله يعمل بي كفاءة

[windofchange]

ماشاء الله مبروك التصليح وتيسير ربنا ليك بالميكانيكي الامين والكويس ان شاء الله......معلش يعني ايه طرمبة 200 قصدك 2000 سي سي ولا ايه؟ وعرف مينين ان الطرمبة بتاعت مكنة 1400 سي سي(موتور كام كامة) ال65 حصان ولا الاعلي وبجد انت فرحتني انهارده ان الحمدلله العربية ابتدت تبقي كويسة ربنا يباركلك فيها يارب ويكفيك شرها ويديك خيرها...ايهاب

[mohd7380]

طب هى جولف موديل كام و مين الميكانيكي دة و لا سر ؟؟؟؟؟؟؟؟؟

[ashoub]

هقولك على كهربائى من الاخر واحد اسمه المهندس رشاد فى الحرفيين فى بلوك 8 هو بيجى الساعه 11.5 بليل بس ده شغله من الاخر وهتدعيلى بس هو مبيشتغلش فى حاجه ملعوب فيها قبل كده فانتا لما تروحله قوله انك من طرف م/احمد عشوب وان شاء الله هيظبطهالك ومتنساش تدعيلى

[ahmedtunning]

هقولك على كهربائى من الاخر واحد اسمه المهندس رشاد فى الحرفيين فى بلوك 8 هو بيجى الساعه 11.5 بليل بس ده شغله من الاخر وهتدعيلى بس هو مبيشتغلش فى حاجه ملعوب فيها قبل كده فانتا لما تروحله قوله انك من طرف م/احمد عشوب وان شاء الله هيظبطهالك ومتنساش تدعيلى

مش ناااوي ترحله قريب يا هندسة انا عايز اروحله ومش حابب اروح لواحدي الصراحة لو هتروح قريب قالي و اجي معاااك

[mahmoud_anwar]

ماشاء الله مبروك التصليح وتيسير ربنا ليك بالميكانيكي الامين والكويس ان شاء الله......معلش يعني ايه طرمبة 200 قصدك 2000 سي سي ولا ايه؟ وعرف مينين ان الطرمبة بتاعت مكنة 1400 سي سي(موتور كام كامة) ال65 حصان ولا الاعلي وبجد انت فرحتني انهارده ان الحمدلله العربية ابتدت تبقي كويسة ربنا يباركلك فيها يارب ويكفيك شرها ويديك خيرها...ايهاب

ايوة طرمبة ماكنة ال200 سي سي الماتور كامة واحده بس اللهم ماصلي علي النبي جرية جامد اووووي بسم الله ماشاء الله 2 بيجيب 100 الي 120 ال 4 ممكن تقفل عداد بية بصراحة ماتور رهيب واعتقد انه 125 حصان
اللهم ما أمين ربنا يكفني شرها ويكفني شر اعين الناس العربية اتخبطط وهيا وقفة خبطة جامدة اوووي وحكة من الجمب التاني والفنوسين اتكسرة بي الشنب

[mahmoud_anwar]

طب هى جولف موديل كام و مين الميكانيكي دة و لا سر ؟؟؟؟؟؟؟؟؟

هيكون سر ليه بس عادي والله هو اسمة واليد بجد فنان جولف الله أكبر علية

[mahmoud_anwar]

هقولك على كهربائى من الاخر واحد اسمه المهندس رشاد فى الحرفيين فى بلوك 8 هو بيجى الساعه 11.5 بليل بس ده شغله من الاخر وهتدعيلى بس هو مبيشتغلش فى حاجه ملعوب فيها قبل كده فانتا لما تروحله قوله انك من طرف م/احمد عشوب وان شاء الله هيظبطهالك ومتنساش تدعيلى

والله ياريس انا من ساعت لما رحت الحرفين واتعملت مع رضا الميكانيكي وانا بطلت اروح الحرفين نهائي لي اني مش بعترف بشغلهم وكمان ليه صحبي حبيبي معاه جولف هو الي بيدلني علي الناس الصح الصح لي انه كان بيتاعمل مع الناس دي

[ahmedtunning]

يا جدعااان دلوني علي واحد فاهم عشان بجد انا تعبت

[mahmoud_anwar]

يا جدعااان دلوني علي واحد فاهم عشان بجد انا تعبت

والله هدلك لوجه الله لي اني كنت زيك كده لدرجة اني والله العظيم كنت خلاص مقرر اني ابيع العربية بخسارة وكنت مش عايز فيها اكتر من 28 الف بس حسيت ان ملهاش ميكانيكي ومحدش فاهم فيها وكلهم شوية ميكانكية سباكة مش ميكانيكي سيارات ولسعوني والله العظيم 10 الف جنية مابين قطع غيار ومصنعية وكلها حجات مكنش ليه لزمة المهم خلاص كنت بفكر ابيع العربية واحطها مقدمة سيارة زيرو واشتري نفسي واقسط 800 جنية علي نفسي كل شهر احسن من كل يوم عند ميكانيكي المهم في واحد صحبي ابن حلال بحكيلة القصة قالي طبعآ خزوقوق قولتلة علي الاخر المهم خدني ووداني لي واليد في خسر السويس وبي امانة اتحاسب عليها في الشكر الكريم والله الميكانيكي الوحيد الي اكتشف ان فتيس الماتور بتاعي مش بتعها بتاع 1600 وهو بجد انا من غيرة ابيع الجولف المهم هو اسمة استا واليد هو في جسر السويس امام سنترال مصر الجديدة خش اي شارع من الشورع الي في وجه السنترال واسئل علي استا واليد ميكانيكي الفولكس ومتخليش حد يشتغلك فيها غير لما استا واليد يشوفها الاول ويقول لي الصنيعية الي معاه يعملة ايه بجد رحلة واحكيلي

[ashoub]

مش ناااوي ترحله قريب يا هندسة انا عايز اروحله ومش حابب اروح لواحدي الصراحة لو هتروح قريب قالي و اجي معاااك

عنيا الاتنين يباشا بس لو روحت لوحدك برده عادى هتلاقى الدنيا زحمه هناك بس لو انا روحت قريب هقول لحضرتك ان شاء الله

[ashoub]

والله ياريس انا من ساعت لما رحت الحرفين واتعملت مع رضا الميكانيكي وانا بطلت اروح الحرفين نهائي لي اني مش بعترف بشغلهم وكمان ليه صحبي حبيبي معاه جولف هو الي بيدلني علي الناس الصح الصح لي انه كان بيتاعمل مع الناس دي

هو انا اتعاملت مع رضا وشايفه انه كويس يعتبر من احسن الناس الى موجوده هو انا معرفش ايه الى حصل معاك
بس رشاد الميزه الى فيه انه بيشتغل بايده حتى لو سالت اى ميكانيكى فى مصر قولتله مين الوحيد الى بيظبط مواتير فولكس واجن هيقولك رشاد لانه كان بيشترى كتالوجات المواتير من المانيا فعارف كل حاجه على اصولها والكلام ده انا شوفته بنفسى وده الى بيميزه عن اى واحد تانى

[mahmoud_anwar]

هو انا اتعاملت مع رضا وشايفه انه كويس يعتبر من احسن الناس الى موجوده هو انا معرفش ايه الى حصل معاك
بس رشاد الميزه الى فيه انه بيشتغل بايده حتى لو سالت اى ميكانيكى فى مصر قولتله مين الوحيد الى بيظبط مواتير فولكس واجن هيقولك رشاد لانه كان بيشترى كتالوجات المواتير من المانيا فعارف كل حاجه على اصولها والكلام ده انا شوفته بنفسى وده الى بيميزه عن اى واحد تانى

بقولك ايه يارايس هو في ميكانيكي عندة كمبيوتر في الورشة ؟
احب اقولك ان رضا او رشاد موجودين معنا هنا في المنتدي وبيعملة شغل لبعضهم ودة بيبعت لدة ومشغلين بعض
بص هو بيجب كتالوجات الفولكس يعني مكتوبة بي الالماني هل هو بيعرف يقراءو الماني ؟؟؟؟

[ashoub]

بقولك ايه يارايس هو في ميكانيكي عندة كمبيوتر في الورشة ؟
احب اقولك ان رضا او رشاد موجودين معنا هنا في المنتدي وبيعملة شغل لبعضهم ودة بيبعت لدة ومشغلين بعض
بص هو بيجب كتالوجات الفولكس يعني مكتوبة بي الالماني هل هو بيعرف يقراءو الماني ؟؟؟؟

دوائر الكهرباء مش محتاجه قرايه ولو فى كلمه المانى سهل قوى ان الواحد يترجمها وعلى فكره انا شوفت الورق ده مع رشاد ده غير ان العربيات الى مكنش يعرف يجيب ورقها هو راسم كونترول كل ماتور بالدائره بتاعته عارف يعنى ايه ترسم دائره كامله لعربيه عارفك هتسالنى طب ليه عرفك بالحجات الى هو راسمها لانى مهندس الكترونيات وكنت بتناقش معاه فى حاجه فى الكونترول فطلع دفتر معاه فى كل رسومات الدوائر لكل المواتير منها حاجات من بره ومنها حاجات هو رسمها فعلشان كده بقولك هو تعب علشان يوصل للى هوه فيه لكن بالنسبه لرضا هو مش محتاج دوائر او كتالوجات اخره ممكن يبص على رسمه تركيب ماتور وعلى فكره هما مش مشغلين بعض ولا حاجه بدليل لو فى شغل ميكانيكا فى عربيه رشاد مبيقولش روح لحد معين وان كان رضا بيبعت لرشاد الشغل لان رشاد احسن واحد بيشتغل فى شغل الكهرباء وخصوص لو ماتور لسه متسقط

[mahmoud_anwar]

دوائر الكهرباء مش محتاجه قرايه ولو فى كلمه المانى سهل قوى ان الواحد يترجمها وعلى فكره انا شوفت الورق ده مع رشاد ده غير ان العربيات الى مكنش يعرف يجيب ورقها هو راسم كونترول كل ماتور بالدائره بتاعته عارف يعنى ايه ترسم دائره كامله لعربيه عارفك هتسالنى طب ليه عرفك بالحجات الى هو راسمها لانى مهندس الكترونيات وكنت بتناقش معاه فى حاجه فى الكونترول فطلع دفتر معاه فى كل رسومات الدوائر لكل المواتير منها حاجات من بره ومنها حاجات هو رسمها فعلشان كده بقولك هو تعب علشان يوصل للى هوه فيه لكن بالنسبه لرضا هو مش محتاج دوائر او كتالوجات اخره ممكن يبص على رسمه تركيب ماتور وعلى فكره هما مش مشغلين بعض ولا حاجه بدليل لو فى شغل ميكانيكا فى عربيه رشاد مبيقولش روح لحد معين وان كان رضا بيبعت لرشاد الشغل لان رشاد احسن واحد بيشتغل فى شغل الكهرباء وخصوص لو ماتور لسه متسقط

ياعم الله يسهلهم ومش هنسي ان الحرافين اشتغالة والي عايز يضيع فلوسة يروح الحرافيش