نازل ادور على بولو 9n3

[spirit737]

السلام عليكم

بقالى فترة طويلة بدور على عربية ، وقارنت تقريبا بين جميع انواع السيارات اللى فى السوق وتتناسب مع استخدامى ، وفى كل مرة البولو تكسب :) وقررت ان شاء الله انى اشترى بولو
وبعدا عن مشاكل الاستهلاك ، بدور على موديل 2005 وانت طالع

الخلاصة ان الموضوع رسى على بولو 9n3 من 2005 الى 2009 "الشكل الجديد من العيون"
وطبعا احنا بنتكلم على ال 1400 الهاتش ، مش ال 1600 البرازيلى :)
ودى صورها





سعر العربية من 65 الى 85 حسب الموديل والحالة

العربية موجودة فى مصر ولكن مش بكثرة ، يوم تشوف منها 5 واسبوع متشوفهاش :) واعلانات بيعها قليلة ، اظن لقلة وجودها. يكفى ان محدش اتكلم عنها نهائيا فى المنتدى بتاعنا :)

ايه رأيكوا فى العربية ككل ؟ اتوكل على الله فيها ؟ ولا فى مخاوف منها لقلتها فى مصر؟

[M.Mostafa80]

العربيه ممتازه وهى تجميع اسبانى فى نفس خط انتاج سيات
هتقابلك صعوبه فى قطع الغيار ولكن بيتهيئلى الأستيراد متوفر وهى 1400 85 حصان 2 كامه وعربيه جميله وواسعه وعلى فكره كلها نازله فتيس اوتوماتيك وصالونها جميل وشيك
ربنا يوفقك فى واحده حالتها حلوه

[spirit737]

وعلى فكره كلها نازله فتيس اوتوماتيك

معلومة مهمة خصوصا انى كنت بدور على مانيوال :) وكل اللى لقيته اوتوماتيك :)

وهى تجميع اسبانى فى نفس خط انتاج سيات

بالنسبة للابيزا "نفس خط الانتاج ، نفس الشاسيه ، نفس المحرك ، نفس العدادات حتى :) "
ايه رايك فيها؟ بصراحة كانت الاختيار التانى :) ولكن المشكلة هى قلة انتشار الابيزا حتى عن البولو

ترشحلى مين منهم؟ ابيزا ولا بولو؟ وهل الابيزا فيها مانيوال؟

[M.Mostafa80]

الأثنين فى الأساس واحد وان كان الأبيزا نازله 1600 102 حصان
الأبيزا كماليتها بتبقى اعلى من البولو لكن الناس دايما بتميل للبولو أكثر
البيزا أقل سعرا من البولو مع انها فى الكماليات أعلى

[helhariry]

الأثنين فى الأساس واحد وان كان الأبيزا نازله 1600 102 حصان
الأبيزا كماليتها بتبقى اعلى من البولو لكن الناس دايما بتميل للبولو أكثر
البيزا أقل سعرا من البولو مع انها فى الكماليات أعلى

ا نا معايا العربية دي .. وهيا بصراحة ممتاذة وهيا موديل 2008 ، ولكن بفكر اغير اللابيزا ومحتار بسبب سمعتها السيئة ف السوق المصري.

ممكن افهم ايه الفرق بين العربيتين بالتفصيل