جيتا 2011 ولا أستنه

[tito78]

السلام عليكم
يا جماعه أنا ناويت إن شاء الله أجيب عربيه جديده ومليش خبره واحترت
أجيب دلوقتى فى 8/2011 جيتا الشيب القديم ولا أستنا 2012
وهل الهاى لاين بتخسر أكثر لما تبيعها
ولا أريح نافسى وأستنا الفانتزيا 2012
وهل فعلا العربيات الأوروبى هترخص كل سنه.
وشكرا

[TeMoON]

شوف ياخ تيتو نصيحة بلاش الفولكس الجديد عموما لان الفتيس الجديد dsg بيبوظ وهيبهدلك والتوكيل زى الزفت فى المعاملة
ولو عاوز تركب ممكن الفانتازيا على الاقل هى نازلة بالفتيس القديم 6 نقلات ولو نزلت بفتيس dsg ال 7 نقلات يبئة تنفضلهم احسن لان الفتيس دا كلة مشاكل وعيوب وبيبهدل صاحب العربية فى تصليحة فا نصيحة من اخ لوجة الله تعالى ابعد عن فولكس الجديد كله

[tito78]

شكرا يا أخى ربنا يخليك
وهل الهاى لاين عموما بتخسر أكثر لما تبيعها

[beeboo2005]

نصيحة لوجه الله هات الموديل القديم و سيبك من الجديد

نصيحة لوجه الله هات الموديل القديم و سيبك من الجديد. فالعربية تكون فى أوج أكتمالها نهاية الموديل بينما الموديل الجديد يكون غير مكتمل تماما و يبدأ فى تلافى الملحوظات و زيادة الكماليات حتى يكتما تماما فى أواخر سنواته.
صدقنى القديمة أحسن فى كل شىء عن الجديد’ (رأيى الشخصى القابل للصواب و الخطأ و لكنى مقتنع به تماما، عن تجربة فى عربتى اللنسر و جيبتها أول الموديل 2001 بنما عندما بعتها بعد ذلك بسنوات كان الموديل تضمن العديد من الكماليات و التحسينات فى الشكل و الكماليات. نفس ذلك حدث فى عربيتى الجيتا الحالية، فموديل 2008 اللى معى طرأ عليه العديد من تحسنات الكماليات فى 2011).

[tito78]

شكرا يا أخ بيبو
هو أنت مفسوط بالجيتا ولا لأ
وإيه أخبار الصيانه وقطع الغيار

[SAiF3S]

شوف ياخ تيتو نصيحة بلاش الفولكس الجديد عموما لان الفتيس الجديد dsg بيبوظ وهيبهدلك والتوكيل زى الزفت فى المعاملة
ولو عاوز تركب ممكن الفانتازيا على الاقل هى نازلة بالفتيس القديم 6 نقلات ولو نزلت بفتيس dsg ال 7 نقلات يبئة تنفضلهم احسن لان الفتيس دا كلة مشاكل وعيوب وبيبهدل صاحب العربية فى تصليحة فا نصيحة من اخ لوجة الله تعالى ابعد عن فولكس الجديد كله

عربيه حضرتك توكيل و لا خليجى
انا بتعامل فى التوكيل وانضف من توكيل بى ام و لا يقارن بتوكيل سكودا الذى اقرب ما يقال عنه سمك لبن تمر هندى

[TeMoON]

عربيه حضرتك توكيل و لا خليجى
انا بتعامل فى التوكيل وانضف من توكيل بى ام و لا يقارن بتوكيل سكودا الذى اقرب ما يقال عنه سمك لبن تمر هندى

حضرتك انا معايا الخليجى وماردتش اشترى الوكيل واعرف ناس اشتكت من التوكيل فا لما شفت معاملة التوكيل مع الناس الى اعرفها بعدت عن التوكيل وقولت اشترى الخليجى والحمد لله مريحانى جدا ومش بشتكى منها فى حاجة
وحصل كمان ان ليا جارى معايا فى نفس العمارة معاه جيتا وكيل واشتكى من التوكيل ومعاملتة فا حضرتك انا جربت توكيل بيجو وتوكيل فولكس مع واحد صحبى وجربت توكيل تويوتا وتوكيل هيونداى فا حضرتك كل واحد لية راى فى معاملة التوكيل حسب الموقف الى اتعرض لية فا عشان كدا انا بقول بدام بركب عربيات الفئة المتوسطة فى مصر هركب خليجى انما مثلا مرسيدس وبى ام دبليو وكل ما هو فى الفئة دى طبعا هركب وكيل ودا غصب عنى مش بمزاجى نظرا لجمارك بلدنا الجميلة وانا مع حضرتك ان الواحد لما بيشترى خليجى بتبئة نسبة الخطورة عالية بسبب الضمان عشان عيوب الصناعة بس مقابل دا بتاخد امكانيات وكماليات اعلى من الوكيل وسعر اقل من الوكيل وانا لما اشتريت عربيتى الحالية ماكانتش لسة نزلت فى التوكيل بالكماليات الى فيها وكانت فارقة معايا فى الفلوس حوالى 23 الف جنية يعنى التوكيل هياخد منى زيادة حوالى 23 الف جنية عن الى انا شاريها فا كل واحد بيحسبها بطريقتة