هو فى جيتا 2011 مش dsg

[dr_mim81]

مع اعتقدش ان سعر القديم هيعلى

لية؟انا اعتقد ان اي حد عايز جيتا هيخلية في المحرك القديم يعني الموديل القديم ولا اية فدة هيرفع سعر القديم

[party_0000]

عندنا هنا في مصر ثقافه الموديل الجديد نزل يبقى القديم ينزل يقلك مالموديل الجديد نزل وكلام من ده مع اني شايف ان المفروض الموديل المحترم يحافظ على سعره او ينزل حاجه بسيطه لان بيبقا عليه طلب زي ماحضرتك بتقول يعني زي الكورولا كدا واللي حصل فيها

[yehia]

سلام عليكم
دلوقتي يا جماعة انا معايا جيتا 2009 الموتور ال 1600 وكنت بفكر ابيعها
وكنت سمعت ان الشكل الجديد خلاص قرب ينزل وانة هينزل الموتور ال 1400 وطبعا الموتور دة سمعتة في مصر مش كويسة
فانا اعتقد ان بالتالي سعر العربية الجيتا اللي هي الشكل اللي هيبقي قديم خيرتفع ولا انت اية رايكم في وجهة النظر دي؟
ولا بالعكس الشكل القديم سعرة هينزل؟هو الطبيعي الشكل الجديد غالبا بينزل سعر الشكل الجديد لكن هنا في مشكلة الموتور دي؟
فكنت عايز اخد رايكم هل ابيع ولا استني؟
يعني توقعتكم السعر هينزل ولا يعلي؟
وهل حد عندة معلومة هينزل امتي الشكل الجديد وهيكون انهي موتور 1400 ولا 1600 ؟
انا متهيالي هينلوة في معرض اتومك شهر 9 الجاي
معلش بس اصل انا محتار
وشكرا ليكم جدا

أعتقد ان المشكلة مش في الموتور التربو الـ 1400 أو الـ 1800 بقدر ما هي في الفتيس الـ DSG ..... يعني مثلا الجيتا 2011 نزلت بموتور 1600 عادي بس بفتيس dsg اللي راكب برده في الباسات وباقي موديلات الفولكس الجديدة والبعض من مالكي السيارة اشتكوا من هذا الفتيس ..... أنا شخصيا كنت معجب قوي بالباسات لوسعها وشكلها الوقور وموتورها - مش فارق قوي معايا حكاية بنزين 95 - وكنت بأفكر أجيب الشكل القديم منها بعد ما عملوا تخفيضات على سعرها بس في النهاية رجعت قلقت وقلت بلاش مشاكل مع الفتيس لأنه حتى لو ما جرالوش حاجة حبقى دايما سايق وأنا قلقان ومتوقع تعطله في أي وقت .....

ملحوظة ... الاوكتافيا اللي بتنزل مصر عن طريق الوكيل كانت لحد 2011 بتنزل فتيس ستبترونيك عادي مش DSG ودي أنا اعتبرها نقطة لصالحها .... بالنسبة لموديل 2012 أعتقد انه لسة منزلش عن طريق الوكيل ومستنيين الأخبار ......

[party_0000]

اوكتافيا نزل منها خليجي بفتيس dsg في زميل لينا في المنتدي شافها في معرض حتى الموضوع كان ان ارتوك اوتو هرب

[yehia]

اوكتافيا نزل منها خليجي بفتيس dsg في زميل لينا في المنتدي شافها في معرض حتى الموضوع كان ان ارتوك اوتو هرب

أنا قصدي أوكتافيا بتاعة الوكيل إنما الخليجي معرفهش بصراحة ...... عامة هي بتنزل من بلدها بالفتيس العادي وكذلك بالفتيس الـ dsg وأعتقد انه ذكاء من الوكيل انه منزلش الـ dsg لحد دلوقتي .......

[coco911]

سلام عليكم
دلوقتي يا جماعة انا معايا جيتا 2009 الموتور ال 1600 وكنت بفكر ابيعها
وكنت سمعت ان الشكل الجديد خلاص قرب ينزل وانة هينزل الموتور ال 1400 وطبعا الموتور دة سمعتة في مصر مش كويسة
فانا اعتقد ان بالتالي سعر العربية الجيتا اللي هي الشكل اللي هيبقي قديم خيرتفع ولا انت اية رايكم في وجهة النظر دي؟
ولا بالعكس الشكل القديم سعرة هينزل؟هو الطبيعي الشكل الجديد غالبا بينزل سعر الشكل الجديد لكن هنا في مشكلة الموتور دي؟
فكنت عايز اخد رايكم هل ابيع ولا استني؟
يعني توقعتكم السعر هينزل ولا يعلي؟
وهل حد عندة معلومة هينزل امتي الشكل الجديد وهيكون انهي موتور 1400 ولا 1600 ؟
انا متهيالي هينلوة في معرض اتومك شهر 9 الجاي
معلش بس اصل انا محتار
وشكرا ليكم جدا

أنا سألت في التوكيل عرفت انهم مش هينزلوا في اوتو ماك وهينزلوا الموديل الجديد في 15/10 آخر فئة بس 235000 جنيه !!! وبعدين بقي الفئات هيبدأ طرحها فبراير القادم لما سألت مسئول البيع عن حتت سعر القديم جاوبني إنه في النازل خصوصا انهم عملوا تخفيضات على آخر دفعة 2011 12000 جنيه وبالتالي سعر المستعمل نزل
المهم بقى إني معجب بالعربية دي بس ماعيش اشتريها زيرو فـنفسي في 2008 أو 2009 تكون حالتها حلوة واهم حاجة فهمتها إن تكون جنت 16
يا رت اللي مهتم يساعدني أو عنده عربيته يبعهالي يكلمني 0122719549