مساعده بخصوص البيتلز

[arc_adham]

السلام عليكم
الحمد لله اشتريت بيتلز و كنت محتاج مساعدتكم بعد اذنكم
انا طبعا لسه مش اعرف حاجه عنها بس انا باحبها بصراحه
انا من فيصل
و كنت محتاج منكم معلومات عن اماكن بيع قطع الغيار و الاكسسوارات بتاعتها بس ياريت يكون مكان قريب لانى مع الاسف مش اعرف اماكن كتير
كمان محتاج عنوان ميكانيكى كويس يكون قريب منى علشان اتابع معاه
و ياريت عنوان عقشجى

اسف لطلباتى الكثيره

بس انا مش اعرف حد غيركم اساله و اتمنى تساعدونى

شكرا

[smsmxxxxxx]

الف مبروك على العربية
بالنسبة لطلباتك

احسن عفشجي
خالد رباب 0165205054 - 0101855126
بجوار مسجد الشوربجى - صفط اللبن
شارع الجامع على ناصية الشارع صيدلية تامر هتعدى اول تقاطع فى الشارع هتلاقى الورشة على اليمين



قطع الغيار
مركزهم فى المساكن عند شارع العشرين
والطالبية هرم عند شركة سيد للادوية
متتعاملش مع واحد بس اسأل على الاسعار فى اكتر من مكان قبل ما تشترى

انا اتعاملت مع الاتي
ابو شادى روح شارع العشرين واسأل عليه هتلاقي كل الناس عارفاه

الشركة الالمانية هتلاقيها امام ابو شادى

سعيد قوفة نفس المكان

حسن الايراني تروح عند شركة سيد للادوية فى شارع الهرم وتسال عليه
وجنبه فى ناس كتير

بالنسبة للكهربائي
محمود كهربائي فولكس عند شركة سيد للادوية معروف هناك جدا

الميكانيكي
لازم تتعامل مع اكثر من واحد لان الميكانيكي مهما كان شاطر لازم يجيلوا وقت ويخرف
فانتا اللى تحس انه بيغلى عليك او شغله مش عاجبك تروح للتانى
لكن اعتمادك على واحد بس هيخليك تثق فيه واللى يقولك عليه هتدهوله لحد ما يجيلك وقت تفوق فيه تلاقي نفسك بتديله نصف مرتبك كل شهر

[smsmxxxxxx]

الصيانة
العربية بتحتاج الاتى علشان متتعبكش

تغيير زيت الموتور
فى زيت التعاون البرتقالي درجة 50 ثابتة هتلاقيه باقل من 50 جنيه مش فاكر السعر بالظبط دا جركن فيه 4 كيلو دا بيتغير بعد 1000 كيلو

وفى زيت موبيل دليفاك ام اكس 20-50 هتلاقيه ب 90 جنيه بيعملك غيار مرتين علشان 5 كيلو دا بيتغير بعد 2000 كيلو الى 3000 كيلو

تغيير زيت الفتيس
بتكشف عليه فى البنزينة وبيزودهولك لو ناقص تقريبا الكيلو ب 12 جنيه

تشحيم الدنجل
بتشحمه فى البنزينة ب 8 جنيه

واحسن بنزينة تشحم وتغير زيت فيها بنزينة التعاون فى المطبعة فيصل

بعد كدة تروح للميكانيكي
تظبط تاكيهات وتفك الكاربراتير ويتغسل ويتنضف البيكات او يتغيروا
ويظبط كهرباء ولو محتاج الابلتين والكوندنسر يتغيروا غيرهم
وغير البوجيهات
وراجع على سير الدينامو
ورجلش الفرامل واكشف على الزيت بتاعها

ادى للميكانيكي فى الكلام ده 50 جنيه بس طبعا لازم تشوفه وهو بيفك الكاربراتير

اكشف على مية البطارية وشحن الدينامو عند الكهربائي

بعد ما تعمل الحجات دى العربية هتريحك بس لازم تعمل الصيانات دى حتى لو شفت اللي بعهالك وهو بيعملها متصدقش عنيك

والمبلغ اللى هتدفعه فى الصيانة اقل بكتير من اللى هتدفعه فى الاعطال

[arc_adham]

اشكرك اخى محمد سالم

جزاك الله كل خير

يعنى الزيت بتاع الفتيس من البنزينه و اشحم كمان هناك

تمام

وبالنسبه لقطع الغيار و الاكسسورات
ممكن اعرف هما فين بالصبط فى شارع العشرين ؟؟؟؟

و معنى كلامك انى لازم اعمل الصيانه دى

كويس
الحمد لله انك طمنتنى

طيب سوال

هل اروح اكشف غعلى العفشه عند العفشجى و لا بلاش ؟؟؟

و سوال اخير

فين مكان الكهربائى بالصبط عند شركه سيد ؟؟؟
يعنى فى الشارع العمومى و لا ايه ؟؟

و شكرا جزيلا

على فكره انا مكسوف من نفسى بس انا فعلا مش اعرف اماكن كتير فى مصر

و اسف جدا للاطاله

[smsmxxxxxx]

بين الاخوة مفيش كسوف

بالنسبة للعفشة لو حاسس ان العربية فيها مشكلة فى العفشة ممكن تروح للعفشجي
لو مفيش يبقي بلاش لكن لو عايز تطمن ممكن تروح تربط وتكشف عليها

بالنسبة لقطع الغيار
انتا تدخل شارع العشرين وتمشي فيه فى نصفه هتلاقي كشرى رسلان وبتاع عصير رسلان
هتدخل يمين هتمشي شوية ابو شادى هناك
ولو سألت اى مايكروباص واقف عند التقاطع ده هيقولك تدخل فين بالظبط

بالنسبة للكهربائي
انتا تمشي فى شارع الهرم لحد ما تلاقي سيد للادوية تروح داخل فى الشارع اللى هى فيه
وتمشي على طول لحد متلاقي كوبرى فوقك تمش شوية بعد الكوبرى وتلف وترجع تانى وتروح داخل يمين مع الكوبرى
تمشي شوية مع الكوبرى هتلاقي بداية المطلع بتاع الكوبرى
وعلى اليمين فى قهوة على ناصية شارع هو فى الشارع ده
وانتا لو سألت تحت الكوبرى عن محمود كهربائي البيتل الف مين يدلك

وانا تحت امرك فى اى استفسار

[mmoneim]

الصيانة
العربية بتحتاج الاتى علشان متتعبكش

تغيير زيت الموتور
فى زيت التعاون البرتقالي درجة 50 ثابتة هتلاقيه باقل من 50 جنيه مش فاكر السعر بالظبط دا جركن فيه 4 كيلو دا بيتغير بعد 1000 كيلو

وفى زيت موبيل دليفاك ام اكس 20-50 هتلاقيه ب 90 جنيه بيعملك غيار مرتين علشان 5 كيلو دا بيتغير بعد 2000 كيلو الى 3000 كيلو

تغيير زيت الفتيس
بتكشف عليه فى البنزينة وبيزودهولك لو ناقص تقريبا الكيلو ب 12 جنيه

تشحيم الدنجل
بتشحمه فى البنزينة ب 8 جنيه

واحسن بنزينة تشحم وتغير زيت فيها بنزينة التعاون فى المطبعة فيصل

بعد كدة تروح للميكانيكي
تظبط تاكيهات وتفك الكاربراتير ويتغسل ويتنضف البيكات او يتغيروا
ويظبط كهرباء ولو محتاج الابلتين والكوندنسر يتغيروا غيرهم
وغير البوجيهات
وراجع على سير الدينامو
ورجلش الفرامل واكشف على الزيت بتاعها

ادى للميكانيكي فى الكلام ده 50 جنيه بس طبعا لازم تشوفه وهو بيفك الكاربراتير

اكشف على مية البطارية وشحن الدينامو عند الكهربائي

بعد ما تعمل الحجات دى العربية هتريحك بس لازم تعمل الصيانات دى حتى لو شفت اللي بعهالك وهو بيعملها متصدقش عنيك

والمبلغ اللى هتدفعه فى الصيانة اقل بكتير من اللى هتدفعه فى الاعطال

1000000000000/10000000000000

[arc_adham]

شكراااااااااااااااا جدااااااااااااااااااااااا جدااااااااااااااااااااااا
بجد ربنا يجزيك خير و ان شاء الله هاروح المكان على وصفك ده و ربنا يكرمك يا رب

بس اول المشاكل و الحمد لله اللى مش عارف لها حل و اعذرنى بس انا مش اعرف اى شى فى العربيات نهائى

هى اول المشاكل الكرسى
الكرسى مش عارف له حل

مش عايز يتقدم لقدام و الظهر مش مصبوط نهائى
و مش اى حركه له تقريبا ثابت و مش راضى يتحرك نهائى

و انا قصير و الكرسى راجع لوراء و مش باقدر اوصل لاخر الدبرياج خالص الا بصعوبه

ياريت حضرتك تقولى اعمل ايه و يتصلح ازاى و فين

و شكرا جدا لكى اخى العزيز

[إبراهيم المصرى]

الف مبروك البيتلز عربيه جميله ربنا يديك خيرها ويكفيك شرها

[smsmxxxxxx]

شكراااااااااااااااا جدااااااااااااااااااااااا جدااااااااااااااااااااااا
بجد ربنا يجزيك خير و ان شاء الله هاروح المكان على وصفك ده و ربنا يكرمك يا رب

بس اول المشاكل و الحمد لله اللى مش عارف لها حل و اعذرنى بس انا مش اعرف اى شى فى العربيات نهائى

هى اول المشاكل الكرسى
الكرسى مش عارف له حل

مش عايز يتقدم لقدام و الظهر مش مصبوط نهائى
و مش اى حركه له تقريبا ثابت و مش راضى يتحرك نهائى

و انا قصير و الكرسى راجع لوراء و مش باقدر اوصل لاخر الدبرياج خالص الا بصعوبه

ياريت حضرتك تقولى اعمل ايه و يتصلح ازاى و فين

و شكرا جدا لكى اخى العزيز

الشكر لله
بالنسبة للكراسي
اى سمكرى او اى سروجي ممكن يعملهولك

[Mik_t4]

الف شكر يا باشا
معلش انا عايز اعرف جبتها بكام

[arc_adham]

شكراااااااا استاذ محمد

يعنى السروجى هايعملهم

واحد قالى انه هايفكهم من العربيه و يلحمهم تانى باللحام ؟؟؟؟؟؟؟؟؟؟؟؟؟؟؟؟

بصراحه خفت جدا

هل كلامه صح ؟؟؟

و لا ايه ؟؟؟؟؟؟؟؟؟؟؟؟؟؟؟؟

[smsmxxxxxx]

شكراااااااا استاذ محمد

يعنى السروجى هايعملهم

واحد قالى انه هايفكهم من العربيه و يلحمهم تانى باللحام ؟؟؟؟؟؟؟؟؟؟؟؟؟؟؟؟

بصراحه خفت جدا

هل كلامه صح ؟؟؟

و لا ايه ؟؟؟؟؟؟؟؟؟؟؟؟؟؟؟؟

انتا قبل ما يبتدى يشتغل قله انك عايز تستلم الكراسي بتتحرك لقدام وبترجع

يعنى متخليهوش ثابت باللحام

[arc_adham]

الحمد لله
انا روحت لميكانيكى اسمه عبد الرحمن فى العمرنيه راجل كبير فى السن
بيقول انه كان شغال فى التوكيل زمان

المهم
فك الكاربتير و غسله و نطفه
و لقى البوجيهات لازم تتغير فغيرها رغم ان اللى باعها ليا حلف ميت يمين انه غيرها سبحان الله

و رجلش الفرامل
و غير الابلاتين
و كشف على زيت العربيه لقها لازم يتغير
رغم ان بردوه اللى باعها حلف انه لسه مغيره

سبحان الله فى الكذب
المهم

طلب يغير كونتسر قالى بلاش لان اللى فى السوق مش كويس

و ربنا يستر بقى

المهم هو خد 70 جنيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قالى هو كده الاسعار ؟؟؟؟؟

يعنى اول كذبه من الاخ اللى باعها انه مغير زيت و بوجيهات و كلامه كله غلط

[arc_adham]

بعد كده روحت لمحمود الكهربائى فى الطالبيه

طلبت يكشف على البطاريه و الدينمو لقيهم كويسين
و يركب لى مسحات لان المسحات مش راكبه

المهم ركب الماسحات كان الوقت اتاخر
و اول مره اشغل العربيه بالليل بعد ما استلمتها من الباشا

الاقى النور العالى مش شغال
؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رغم بردوه سال الباشا حلف ميت يمين ان كل حاجه متصبطه

المهم طلبت يشوف فيه ايه
لقى ان الكتاوت بايظ
و لازم يتغير ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و الاسطى محمود قالى انه عارف العربيه و كان بيصلحها من فتره و انه طلب من صاحبها القديم يغير الكتاوت و هو رفض ؟؟؟؟؟؟؟؟؟؟؟؟؟؟؟؟؟؟؟؟؟

المهم غير الكتاوت

و بصراحه شغله نضيف و سعره كويس و محترم جداااااااااااااااااااااااااااااااااااااااااااااااا اااااااا


و ربنا يسامح صاحب العربيه القديم

بس هى غلطتى لان انا اللى مش جربت بصراحه

و الحمد لله

[arc_adham]

اللى فهمته من الرحله دى

ان عبد الرحمن مش نافع لازم اشوف غيره و ربنا يسهل و ياريت حضرتك تنصحنى بواحد تانى

ان قطع الغيار الحمد لله متوفره بس غاليه

ان اغلب اللى بيبع العربيه مش عنده ضمير

و ان فى ناس محترمه زى حضرتك و ربنا يكثر من امثالك

و جزاك الله كل خير