مساعده بخصوص البيتلز

[Mik_t4]

يا جماعة
في عربية بيتل موديل سبعينات معروضة عليا بسعر رخيص جدا
انا لسة مشفتهاش بس علي افتراض اسوا الاحوال انها هتتشد من جديد رش وتنجيد وعمرة او موتور
هتتكلف في حدود كام؟؟؟
اتمني تفيدوني في الموضوع دا بسرعة

[smsmxxxxxx]

لو هتجيب موتور 1600 سي سي ثمنه 6000 فيما فوق

لو الرفارف تعبانة هتجيب 4 من 1200 الى 1500

السمكرة والدوكو حسب الحالة بس لو هتجيبها على الصاج 3000 فيما فوق شامل الدهان

الفرش 1500

بس الافضل تجيب ميكانيكي يشوفها علشان يعرف تتكلف كام ميكا نيكا لانها يمكن يكون فيها مشاكل فى العفشة او الفتيس

وبرضه هات السمكرى يشوفلك البارومة فى الاساسيات زى الرقبة ولا تتلم ويحددلك التكلفة كام

وانتا اجمع المصاريف + ثمن العربية
وشوف على النت الاسعار بتاعة الحالة اللى هتوصل ليها العربية بعد التوضيب
لو نفس المبلغ او زيادة شوية اشترى الجاهز

لو اغللي كتير يبقي هات العربية على حالتها ووضبها
بس لازم يكون عندك صبر علشان الصنيعية مقرفين وخبرة علشان ميدحكوش عليك

[Mik_t4]

ياااااااا خبرررر ابيضضض
اية دا
دي قطع غيارها اغلي من البي ام
دنا كنت هاخددها باقل من 5000 دنا كدا ممكن اصرف عليها 15
انا كنت فاكر الموضوع سهل وهتتلم وتتروق ب 3 او 4

[Mik_t4]

انا اتصدمت
الي يشوف الراجل عارضها علي كام ميشفش قطع غيارها
دا واحد قايلي انة عارضها علي 3
هههههههههههههههههه
يا فرحة ما تمت
ازاي موتورها ب 6000 مع ان موتور بي ام 1800 بالفتيس بالتكييف بالكنترولات بكل حاجتة ب 5500 وكمان اقل وحاجات نضيفة جدا

[smsmxxxxxx]

مش كل قطع الغيار غالية
بس اغلى حاجة لدرجة العبط هى المواتير

ارخص حاجة ال 1200 سي سي من 3000 وانتا طالع

[Mik_t4]

طيب مفيش بديل يركب عليها ويكون احدث وتكنولوجي افضل؟

[arc_adham]

صباح الخير

اسف للازعاج

بس كنت اتمنى الاقى اجابه لسوالى

بخصوص امبير الحراره اجيبه منين و و يتركب فين ؟؟؟

بخصوص صبط الكاوتش اصبطه على كام ؟؟

و شكرا

[smsmxxxxxx]

صباح الخير

اسف للازعاج

بس كنت اتمنى الاقى اجابه لسوالى

بخصوص امبير الحراره اجيبه منين و و يتركب فين ؟؟؟

بخصوص صبط الكاوتش اصبطه على كام ؟؟

و شكرا

انا كنت شارى من التوفيقية عداد واحد فيه درجة حرارة الزيت وضغط الزيت و الفولت و RPM

تقريبا 200 او 250 مش فاكر والله

بس للاسف مشغلتش غير الفولت وال RPM ودول عملتهم بنفسي

وعلشان اشغل ضغط الزيت محتاج اعمل مشترك حرف T نحاس يدخل فيه حساس الضغط بتاع العداد ومفتاح ضغط الزيت العادى

وعلشان اشغل الحرارة لازم اجيب طبة زيت واخرمها من النص واركب فيها حساس الحرارة ودى كانت فكرة اخونا mmoneim خبير التعديلات

بس المشكلة انى مش فاضي ومكسل اعمل التوصيلات وباستعيب اروح لكهربائي يمد يده فى العربية فى حاجة اقدر اعملها

دا لينك للموضوع القديم بتاعى

http://www.nilemotors.net/Nile/170350-a.html

[arc_adham]

شكراااااااااااااااااااااااااااااااااااااااا

استاذ محمد و جزاك الله كل خير

العربيه الحمد لله عطلت امبارح و انا فى فيصل

طبعا مش عارف ايه حصل هى فجاه بطلت و مش عايزه تدور الحمد لله

ركنتها و جبت ميكانيكى

قالى الكونتسر بايظ
لفيت لغايه ما جيبته

و ركبه و اشتغلت الحمد لله

بس بقيت و انا بادور لازم ادوس بنزين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الاول كان عادى


طيب معنى كده انها ممكن تعطل بسبب الابلاتين و الكونتسر تانى ؟؟؟؟؟؟؟؟؟؟؟؟؟؟

طيب انا مشاويرى اكتوبر و التجمع لانى مهندس معمارى

هو ما فيش حل اتخلص بيه من الكونتسر ده و اركب اى حاجه حديثه مكانه

بحيث مش تعطل منى كده تانى ؟؟؟؟؟؟؟؟؟؟؟؟؟؟؟؟؟؟؟؟


اتمنى حضرتك تجاوبنى و شكرااااااااااا

[ahmed2y]

بتحتاج تدوس بنزين عند التدوير لانة لما فك الاسبراتير وفير الكوندنسير مظبطش الكهربا كويس فهتلاقى يا تاخير يا تقديم فى الكهربا

انصحك تروح لمحمد على يظبطلك الاسبراتير والكربراتير هواء وبنزين وان شاء الله هتلاقيها بتلقط من غير ما تحط رجلك على البنزين

[arc_adham]

شكرا استاذ احمد

طيب حضرتك مافيش حل اتخلص بيه من الابلاتين و الكوندسر ؟؟؟؟؟؟؟؟؟؟؟؟؟؟؟؟؟؟؟؟؟؟

انا كده خايف اكون فى اكتوبر او التجمع و تعطل مننى

سمعت عن حاجه اسمها اشعال الكترونى

سئلت ميكانيكى و قالى ابعد عنه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا ريت تفيدونى لانى كده قلقان و مش عارف اعمل ايه

[arc_adham]

الميكانيكى بيقول اشترى كوندسر ب 50 جنيه و ابلاتين بردوه سعره غريب كده ؟؟؟؟؟؟؟؟؟؟؟؟؟؟؟؟؟؟؟؟

و بلاش الاشعال ده ؟؟؟؟؟؟؟؟؟؟؟؟؟؟؟؟؟؟

انا شغلى فى مواقع و صحراء و خايف تعمل كده تانى معايا

ارجوكم فيدونى

[smsmxxxxxx]

الاشعال الالكترونى خطيييييييييييير فى كل حاجة
هيريحك ويريح العربية من بلاوى وقرف الميكانيكية
انا جايبة من اكتر من سنة وشغال معايا تمام
النوع اللى انا جبته بيتباع فى الشركة المحمدية الحاج سيد عويس فى جسر السويس
بصراحة مش هعرف اوصفلك الطريق لانى مجبتوش من عنده
بس دا العنوان

الشركة المحمدية
1 شارع السلام منشية السد العالى خلف حديقة بدر خلف مدرسة أنس بن مالك جسر السويس
22998044
سيد عويس 0101222983
محمود عويس 0103731127

بس متجبوش من مكان تانى لان النوع ده هو اللى شغال معانا كويس ومجربينه
ويفضل تركبه عند ميكانيكي تبعه
ثمن الاشعال اقل من 200 جنيه والتركيب ادى للميكانيكي 10 جنيه

[arc_adham]

شكرااااااااااااااااا استاذ محمد

جزاك الله كل خير

ان شاء الله يوم الجمعه اجيبه من هناك

طيب حضرتك ركبته فين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حضرتك تنصحنى اركبه فين بالصبط ؟؟؟

و شكرا تانى لحضرتك

و فعلا مش لازم اسمع كلام الميكانيكى

[smsmxxxxxx]

انا ركبته بنفسي علشان عندى فكرة بالكهرباء

انتا لما تشتريه من الحاج سيد عويس قله عايز اركبه عند حد تبعك
ودا الافضل علشان لو لا قدر الله لو فيه مشكلة ميقولكش انتا ركبته غلط