مشكلة فرامل البيتلز

[pompo]

السلام عليكم ورحمة الله وبركاته
كان عندي مشكلة بسبب الفرامل من ساعة ما اشتريت العربية بس كانت صغيرة وكبرت مع الوقت هي ان الفرامل لما اجي ادور العربية الصبح القيها فاضية ادوس مرتين القيها ملت واعمل مشاويري وارجع عادي وكانت الفرامل بتوقف العربية ومظبوطة وبعد كدة ابتدت تكبر شوية وكنت بروح لمكانيكية كتير اخد الهوا تمشي يوم كويس وبعد كدة ترجع تاني ودلوقتي تقريبا مبتفرملش ومحتار جدا وعايز اعرف السبب فيت وانابجد كل يوم عند ميكانيكي شكل بس مش بتوع بييتلز
اسف جدا علي الاطالة
اكون مشكور جدا لو حد رد اواي حد صادفتة المشكلة دي يفيدنا

[arc_adham]

ربنا معاك
انا كمان لسه مشترى بيتلز جديد
و الفرامل عندى ضعيفه جدا

و اتمنى من الاعضاء يدلونا نعمل ايه

[MMamdouh]

زيت الفرامل بينقص؟

MMamdouh

[pompo]

لا مش بينقص كل يوم بشوفه

[ahmed2y]

ممكن يكون التيل عاوز يترجلش لو مفيش نقص زيت زى ما بتقول

وعلى العموم لازم تروحو لميكانيكى يراجع على الفرامل ويشوف التيل يمكن عاوز يتغير او فى تسريب فى مكان معين

[pompo]

انا الحمد لله كنت عند الميكانيكي النهارده وفك العجلتين الي قدام لقاهم بيسربوا زيت بس قليل لدرجة اني مكنش ملاحظ وغيرت الكاوتش الصغير ده وبقت كويسة لحد دلوقتي

بقى بالمرة انا عندي استفساربخصوص الكراسي بتاعت الصالون ثابتة مش بتتحرك الموضوع ده مضايقني جدا لان اللي لحم مكنش فاهم حاجة فلحمهم بغباء
انا دلوقتي عايز اغيرهم بالكراسي الصغيرة الاصلية وعاوز اركب مجرا للكراسي , موضوع الكراسي يتكلف كام ؟ والمجرا لوحده يتكلف كام؟

[arc_adham]

انت توامى بقى ههههههههههههههههههههه

نفس المشاكل

عايزين كراسى بكام و منين ؟

[smsmxxxxxx]

طالما انتو الاتنين نفس المشكلة
ممكن تروحوا لبتوع قطع الغيار تسألوا على الاسعار لان السعر حسب الحالة
ولما تيجوا تشتروا اشتروا الاتنين من نفس التاجر ونزلوا معاه فى السعر

[mmoneim]

المجر ممكن تتعمل عند ابو سريع اللى فى عين شمس وممكن يركب ليكم كراسى واظن المجر فى حدود 200 جنيه اما الكراسى فممكن اى نوع تحبه هو بيركب كراسى جولف وهيونداى وممكن الاصلى ...
على فكره انا سألت مره فسمعت منه الكلام ده بس انا عندى تعديل تانى فى عربيتى

[pompo]

اشكركم على الرد والافادة
اولا الفرامل كويسة معايا وبقت حلوة واتظبطت وبنصح اي حد يروح للمكانيكي يشوف الفرامل يشوف الكاوتش بتاع البستم ده لانها اما الميكانيكي فك الفرامل مكنش باين انها بتسرب زيت غير اما شال الكوتشة اللي مدارية عليها

بالنسبة للكراسي انا كنت بفكر اني اركب الكراسي الاصلية لاني ركبت مع واحد صاحبي قبل كدة كان مركب نوع مدي مساحة حلوة للعربية كانو بمجري والدهر بيطلع ببكرة بس حاولت اعرف سعرهم قال ان العربية شاريها كده

اسف على الاطالة

[Mik_t4]

شباب انا قدامي بيتل موديل سبعينات بس محتاجة تتشد وصاحبها بيبيعها بسعر رخيص اوي لان تقريبا نحتاجة شغل كتير
لو هشد عربية من الاول خالص سمكرة ورش وكلة هتتكلف كام
وهل العربية دي كويسة وتستاهل ان الواحد يشتريها
يعني مشي وجري وكدا كويسة علما اني طالب بس ممكن يركب فيها كتير

[pompo]

اه نسيت شكرا يا اخ mmoneim على الرد و لو سمحت عنوان ابو سريع يعني فين في عين شمس

وياريت تقول علي تعديلاتك في العربية

[arc_adham]

شكرا لكم جميعا
و ياريت العنوان و منين اقدر اجيب الكراسى الاصليه و سعلارا كام ؟؟