جنوط 15 للبولو 99

[vwlover]

ركبت جنوط 15 للبولو مع كاوتش 195/50,انا كنت سالتكوا قبل كدة عن الموضع دة,وانتوا قلتوا ان الجنوط ال 15 بتبهدل العفشة انا سالت مهندس شغال فى مركز صيانة فولكس الجديد الى فى الطريق الصحاوى الى انة عادى جدا وطلعلى اثبات من العربية واحنا واقفين ,فتح غطاء التنك وقالى شوف لقيت انة بيركبلها لحد 195/50 جنط 15,زى ما مكتوب فى الكتالوج وهى موديل اخر 99, فطبعا انا اطمنت لما لقيت التوصيات دية على غطاء التنك,شكرا.


________________________________
تمنع الكتابة باللون الاحمر لغير المداخلات الادارية.
مشـرف القسم.

[dr_3eshoo]

ماشي ياعم احنا غلطلينك و الف مبروك على الجنط يا باشا

[mohamed ibiza]

الناس قالتلك لو مكتوب في الكتالوج خلاص عادي بس حرصا علي العفشة دي عفشة 1000 يعني مع طرق مصر ميبقاش التحميل عليها من كله عموما ال 15 عادي بس انا قلتلك خليها 14 عشان ميبقاش في تحميل زيادة بس عموما براحتك

[Islam_galal]

أنا آسف يا باشا بمراجهة الكتالوج وجدت فعلا جنط 15 موجود
و كانت الأنواع المسموح بيها كالآتي:
- 175/65 R13 80t.
- 185/55 R14 78h.
- 195/45 R15 78v.
- 155/70 R13 75t.

[Islam_galal]

بس 195/50 يبقي عالي شوية وممكن يحك

[iBiZa]

هو فعلا الفابريكة بتاع الجنط ال 15 فى ال polo هو 195/45 بس المشكلة انة نادر فى مصر. سمعت ان فية واحد فى التوفيقية بيبيعهم.

[Ahmed Samy]

ماهو لو حضرتك حطيت ال 195/45 15
هتعوض الزيادة في قطر الجنط الحديد من تقليل ارتفاع الكاوتش

بس المشكله هاتكون في الـ stiffness بتاعت العفشة كده لأنك هاتحس بالمطبات و الطريق جامد

و لو حاولت تزود ل 55 هاترجع لمشكلة محيط الدوران الزائد و أضراره على العفشة حوض الرفرف عند كسر الدريكسيون على الآخر

دور على المقاس و أكيد هاتلاقيه و حتى لو هاتستنى شوية بس ركب اللي في الكاتالوج حتى عشان تبقى انت مرتاح

[tears]

مبروك يا باشا على الجنوط هى صينى ولا صناعتها ايه والمهندس كلامه صح لانه اثبت بدليل قاطع

[vwlover]

شكرا يا باشا على ردك الجميل,الجنوط صينى بس نوع كويس,اغلى من انواع صينى تانية,شكرا على ردك

[amrya]

ركبت جنوط 15 للبولو مع كاوتش 195/50,انا كنت سالتكوا قبل كدة عن الموضع دة,وانتوا قلتوا ان الجنوط ال 15 بتبهدل العفشة انا سالت مهندس شغال فى مركز صيانة فولكس الجديد الى فى الطريق الصحاوى الى انة عادى جدا وطلعلى اثبات من العربية واحنا واقفين ,فتح غطاء التنك وقالى شوف لقيت انة بيركبلها لحد 195/50 جنط 15,زى ما مكتوب فى الكتالوج وهى موديل اخر 99, فطبعا انا اطمنت لما لقيت التوصيات دية على غطاء التنك,شكرا.

أولا مبروك يا باشا .
ثانيا عن موضوع ان العفشة الأصلية بتستحمل جنوط 15 هل نفس الكلام يسرى على البولو 98 ؟ ولا ماعندكش فكرة ؟

[iBiZa]

هى نفس العفشة من موديل 1995 - 1999 و موتور 1000 - 1300

[amrya]

هى نفس العفشة من موديل 1995 - 1999 و موتور 1000 - 1300

شكرا يا باشا للافادة ...