هل توكيل فولكس بيبيع عربيات مستعملة certified first hand ؟؟

[AutoTycoon]

التوكيلات في العالم كله بتبيع عربيات used عن طريق الوكيل عادي
انا معرفش الموضوع دا موجود في مصر ولا لأ
انا نفسي اركب جولف 5 تكون اقل من 100 الف كم عن طريق الوكيل .. يا ترى موجود الكلام دا في مصر ؟ لأني بصراحة مليش في المستعمل و النصب في البيع و كدا... اكيد التوكيل هيكون اضمن

مستني رأيكم

[lifeneverstops]

أنا كمان بدور على جولف 5 تكون حاله كويسه و مش ماشيه كتير وموديل بين 2008 و 2009
و فكرت فى نفس الفكرة بس مش عارف اوصل لحاجه بس ياريت لو حد يعرف يدلنا

[SAiF3S]

فعلا توكيل فولكس رجع موضوع ال Trade in من حوالى 3 شهور , بعد توقف دام حوالى 3 سنين
ممكن تروح تسأل المبيعات فى ابو رواش او العبور وممكن تراجع موقع فولكس مصر .
للاسف مافيش حاجه معروضه فيه لان لسه جديد ولان التوكيل بيثمن العربيه اقل من سعر السوق ب 5 -15 الف وكمان بتعمل للتوكيل عقد نقل ملكيه (شهر عقارى) والعميل اللى بيتحمل ثمنه و طبعا لازم تشترى عربيه تانيه فولكس وده بيخلى ناس كتير ماتفكرش تبيع للتوكيل وانا منهم

[AutoTycoon]

شكراً لرد حضرتك بس دا كدا الموضوع هيبقى صعب ... لأن صعب الناس تنزل في تمن العربية مبلغ زي دا عشان الوكيل