asking about passat 1800 turbo

[dr_napster]

يا شباب معروض علي باسات 1800 تربو

انا مش عارف اي حاجه عن العربيه دي ممكن لو حد يديني بعض المعلومات

ولو قارنت بالباسات 2000 سي سي تربو

ايه الفرق بين العربيتين والفرق في المواتير

شكرا

[dr_napster]

thx. 3ala el ehtmam

[TOOLA]

أولا انتا مش محدد الموديل ,بس عموما لو انتا بتتكلم على الموديل القديم (1998 - 2005 تقريبا), يبقى لازم تعرف ان فى ماتورين 1800 تربو واحد 145 حصان تقريبا و التانى فى حدود 170 حصان تقريبا.

أولا الموتور متسقط ولا أصلى (اغلب الظن متسقط) و عموما قطع غياره أغلى طبعا و شغل الموتور مش سهل ولازم تعرف متسقط عند مين و مفروض يكون بمشتملاته (موتور و فتيس و عفشة و ضفيرة) عشان فيه ناس اتعكت كتير بسبب موضوع تسقيط الماكينة ديه.

الموتور ده لو متسقط بنضافة طبعا بيكون ممتع جدا, و يا سلام لو فابريقة (بس نادر اوى)

ثانيا: الماتور ال 2000 سى سى مش تربو ده موتور عادى, قطع غيارو موجودة و ارخص من التيربو و فيه باسات كتير كانت بتنزل بالماكينة ديه فابريقة, بيطلع 120 حصان تقريبا (انا بكتبلك بالتقريب عشان مش فاكر دلوقتى ).
أكبر مشكلة فى العربية ديه عفشتها لأن فيها 8 مقصات امامى, و بيض المقص مبيتغيرش, لما بيبوز لازم تشترى 8 مقصات تانيين و كان زمان سعرهم جديد اصلى بيلعب من (8000 ج و طالع) وده كان بيهرب الناس منها, لاكن اسمع ان دلوقتى جداد بيعملوا 3 او 4 الاف جنيه, و استيراد حاجة بتاعت 1500 - 2000 ج, و عموما عمرهم طويل.
العربية برستيج عالى وواسعة جدا و حمالة قسية و اغلب ملاكها شكروا فيها بدام متلعب فيها, ولازم تتصلح عند الورش الخاصة بفولكس ياما هتزهقك, و 1600 سى سى فيها نا كتير اتخنقت منو.
نصيحتى لو ال 2000 سى سى الفابريقة و بسعر مناسب هتكون احسن اختيار, اهم حاجة تكشف كويس
و اخيرا خلى بالك فى مودلين او شكلين مختلفين بتفرق فى شكل الفوانيس الخلفية (بيكوت فيها زى شكل الكريستال الابيض كده بعرض الفانوس) و من قدام الفانوس العادى و الاشارة بيكون قطعة واحدة و ده بيبتدى من 2002 تقريبا
خش على الموقع ده
Volkswagen Passat - Wikipedia, the free encyclopedia