طلب معلومات عن الجولف الجديدة

[amrico]

السلام عليكم يا رجال قسم الفولكس

عندي طلب وانا عارف اني هاتقل عليكم

في شاب قريبي عاوز يشتري عربية زيرو وناوي يجيب جولف

جغرافيا هو ساكن في طنطا والبنزين ال95 مظنش انو متوفر اوي هناك

وانا عندي كام سؤال

1- هل يوجد جولف زيرو بمحرك يقبل 92
2- اخبار التوكيل والصيانة ايه، وهل التوكيل محترم وقطع الغيار متوفرة
3- هل الشكل الحالي للجولف هايتغير قريب ولا لسة قدامه شويه؟
4- واخيرا منين احسن مكان يشتريها منه؟

واسف للإزعاج والإطالة وشكرا مقدما على المساعدة

[amrico]

هو انا دخلت منتدى غلط ولا ايه؟
مش هنا الفولكس برضه؟

[mahamedaraby]

يافندم الجولف اللى بمواتور 1600 بتقبل عادى بنزين 92 علشان هو هو نفس موتور الجيتا بدون اى مشاكل
التوكيل زى معظم توكيلات مصر يعبيه على كلام الاعضاء ان مفهوش فنين محترفين لكن فى كذا حاله فتيس غيرهم فى الضمان بدون اى مشاكل
الشكل لسه ادامه سنه او اتنين كمان على الاقل
تحب تجيب العربيه من القاهره ولا طنطا لو فى القاهره ممكن ادلك على اكثر من مكان

[amrico]

يافندم الجولف اللى بمواتور 1600 بتقبل عادى بنزين 92 علشان هو هو نفس موتور الجيتا بدون اى مشاكل
التوكيل زى معظم توكيلات مصر يعبيه على كلام الاعضاء ان مفهوش فنين محترفين لكن فى كذا حاله فتيس غيرهم فى الضمان بدون اى مشاكل
الشكل لسه ادامه سنه او اتنين كمان على الاقل
تحب تجيب العربيه من القاهره ولا طنطا لو فى القاهره ممكن ادلك على اكثر من مكان

أولا: الف شكر على الرد
ثانيا: هل ممكن يلاقي الهاي لاين اللي هي بفتحة السقف وكدا وتكون 1600 سي سي في طنطا
وسعرها هايكون كام تقريبا؟
وبصراحة مبحبش الخليجي عشان التهريج اللي بيحصل من التوكيلات
وحاجة اخيرة، بالنسبة للصيانة، ايه اقرب مركز لطنطا؟
وشكرا مرة تانية

[Ayman_A1]

مافيش حاجة اسمها خليجى فى الجولف .. يعنى مش حتلاقى اى موزع يستوردها من الخليج لأنها عربية انتشارها قليل (مش زى الجيتا اللى فى منها خليجى)
الهاى لاين 1600 كانت عند ياسين فى القاهرة كانت تقريبا بـ 203 مش فاكر بالظبط
وبالنسبة للصيانة .. اوتوموتيف له مركز فى ابو رواش ومركز فى العبور وفى الكيلو 21 أسكندرية
ولكن .. الفتيس الـ dsg الجديد دة ظهرت فيه مشاكل وفى ناس اتغيرلها فى الضمان (مش عارف بقى بالذوق ولا بالخناق) .. لأن سعره غالى جدا جدا تقريبا 72000 جنيه

[amrico]

مافيش حاجة اسمها خليجى فى الجولف .. يعنى مش حتلاقى اى موزع يستوردها من الخليج لأنها عربية انتشارها قليل (مش زى الجيتا اللى فى منها خليجى)
الهاى لاين 1600 كانت عند ياسين فى القاهرة كانت تقريبا بـ 203 مش فاكر بالظبط
وبالنسبة للصيانة .. اوتوموتيف له مركز فى ابو رواش ومركز فى العبور وفى الكيلو 21 أسكندرية
ولكن .. الفتيس الـ dsg الجديد دة ظهرت فيه مشاكل وفى ناس اتغيرلها فى الضمان (مش عارف بقى بالذوق ولا بالخناق) .. لأن سعره غالى جدا جدا تقريبا 72000 جنيه

شكرا على النصيحة
انا طلبت قريبي ابلغه كلام حضرتك لقيته استعجل ودفع العربون

[cameeron]

و الله هو استعجل فعلا كان فى عربيات كتير حلوة بالسعر ده مثلا البيجو 3008