شكر واجب لوكيل فولكس فاجن بمصر

[Nilesat]

السلام عليكم:
لو تسمحولى أحكى القصة الأتية حتى يستفيد منها الجميع:
أنا عندى عربية جيتا خليجى موديل 2010 ومن حوالى شهر ونص العربية ابتدت تعمل حاجات غريبة زى انى أجى اجيب Reverse العربية لا تستجيب وتبدأ علامة الفتيس تنور وتطفى وكمان ممكن فجأة وانا ماشى العربية تمور لوحدها
المهم انا عندى الكابل الخاص بيها وكنت جبته مرة وانا مسافر وبعد ما دخلت على كمبيوتر العربية لقيت المشكلة طبعا زى ما حضرتكم عارفين هى فتيس ال DSG
بعدها توجهت إلى وكيل العربية " إيجيبشن أوتوموتيف فرع أبو رواش" وقابلت هناك مهندس الإستقبال ومدير الصيانة و الحقيقة المفاجأة بالنسبة ليا إن المعاملة كانت محترمة جدا ووافقوا إنهم يكشفوا على العربية وتم إرسال بيانات السيارة إلى المانيا ونصحونا الإول نعمل Software Update للفتيس جايز يحل المشكلة ومشيت بعدها بالعربية يوم ولكن إتكررت المشكلة تانى فرجعت ليهم وطلبوا منى أسيب العربية يوم لحد ما يبعتوا تقارير كاملة عن حالة الفتيس لالمانيا
المهم بعدها بثلاثة أيام والعربية كانت معايا إتصل بيا مهندس الإستقبال وقالى إن رد ألمانيا إنه لازم الفتيس كله يتغير وإن شحن الفتيس الجديد هياخد 3 أسابيع وقلتلهم ماشى
الخميس اللى فات جالى إتصال إن الفتيس وصل ورحت التوكيل وقعدت العربية يومين لحد ما ركبوا الفتيس الجديد وماخدوش ولا مليم على الرغم من إن العربية خليجى بس ألمانيا قالت إنها ليها Delivery Date على السيستم وبالتالى هى داخل الضمان
وإحقاقا للحق ولوجه الله تعالى أنا بأشكر الوكيل فى مصر لأنهم ساعدونى كتير ولأنى أنا شخصيا كنت بهاجمهم كتير قبل كده على بعض مواقفهم السلبية
وكمان عايز أنصح أى أخ عنده مشكلة فى الفتيس يرجع أول حاجة للوكيل وأن شاء الله تتحل
بالمناسبة اللى انا سمعته إن المشكلة دى كانت فى اول دفعة من العربيات واللى انا اشتريت واحدة منهم وان المشكلة غير موجودة بالفتيس الDSG المعدل
مرة ثانية: شكرا وكيل فولكس فاجن بمصر

[srt10]

واعرف ازاي ان الفيتيس معدل ولا لأ ؟؟؟؟؟ باسات 2011 الشكل القديم بحس برجرجه على السرعات البطيئة وفي الرجو للخلف

[srt10]

السيارة توكيييل

[Nilesat]

على حد معرفتى وزى ما قالو فى التوكيل المشكلة إتحلت نهائيا فى موديلات 2011 أما بخصوص الرجرجة فدى حاجة عادية على ما أعتقد

[Nilesat]

السيارة توكيييل

مش عارف إذا كنت حضرتك بتسألنى ولا بتجاوب على حاجة
بس عموما انا عربيتى خليجى مش وكيل

[Kareem.ElAraby]

انا مش معايا جيتا بس سؤال قصدهم ايه بDelivery Date ؟

[islamaboelnaga]

طب ازاى انا التوكيل مش راضى يدخل العربيه تعمل صيانه اصلا الا بعد دفع 7500 جنيه !! جيتا 2009 خليجى

[tareksh]

السلام عليكم:
لو تسمحولى أحكى القصة الأتية حتى يستفيد منها الجميع:
أنا عندى عربية جيتا خليجى موديل 2010 ومن حوالى شهر ونص العربية ابتدت تعمل حاجات غريبة زى انى أجى اجيب Reverse العربية لا تستجيب وتبدأ علامة الفتيس تنور وتطفى وكمان ممكن فجأة وانا ماشى العربية تمور لوحدها
المهم انا عندى الكابل الخاص بيها وكنت جبته مرة وانا مسافر وبعد ما دخلت على كمبيوتر العربية لقيت المشكلة طبعا زى ما حضرتكم عارفين هى فتيس ال DSG
بعدها توجهت إلى وكيل العربية " إيجيبشن أوتوموتيف فرع أبو رواش" وقابلت هناك مهندس الإستقبال ومدير الصيانة و الحقيقة المفاجأة بالنسبة ليا إن المعاملة كانت محترمة جدا ووافقوا إنهم يكشفوا على العربية وتم إرسال بيانات السيارة إلى المانيا ونصحونا الإول نعمل Software Update للفتيس جايز يحل المشكلة ومشيت بعدها بالعربية يوم ولكن إتكررت المشكلة تانى فرجعت ليهم وطلبوا منى أسيب العربية يوم لحد ما يبعتوا تقارير كاملة عن حالة الفتيس لالمانيا
المهم بعدها بثلاثة أيام والعربية كانت معايا إتصل بيا مهندس الإستقبال وقالى إن رد ألمانيا إنه لازم الفتيس كله يتغير وإن شحن الفتيس الجديد هياخد 3 أسابيع وقلتلهم ماشى
الخميس اللى فات جالى إتصال إن الفتيس وصل ورحت التوكيل وقعدت العربية يومين لحد ما ركبوا الفتيس الجديد وماخدوش ولا مليم على الرغم من إن العربية خليجى بس ألمانيا قالت إنها ليها [gdwl]Delivery Date على السيستم [/gdwl]وبالتالى هى داخل الضمان
وإحقاقا للحق ولوجه الله تعالى أنا بأشكر الوكيل فى مصر لأنهم ساعدونى كتير ولأنى أنا شخصيا كنت بهاجمهم كتير قبل كده على بعض مواقفهم السلبية
وكمان عايز أنصح أى أخ عنده مشكلة فى الفتيس يرجع أول حاجة للوكيل وأن شاء الله تتحل
بالمناسبة اللى انا سمعته إن المشكلة دى كانت فى اول دفعة من العربيات واللى انا اشتريت واحدة منهم وان المشكلة غير موجودة بالفتيس الDSG المعدل
مرة ثانية: شكرا وكيل فولكس فاجن بمصر

انا عربيتى كان لها Delivery Date على السيستم والتوكيل طلب منى
ضمان مختوم من بلد المنشأ
وبعت شكوى لالمانيا وارسلت للتوكيل والتوكيل اتصل بى وقالى لازم يكون
معاك ضمان مختوم من بلد المنشأ لاما مانقدرش نعملك حاجة
وفى الاخر لقيت نفسى داخل حلقه مفرغه والكل سواء توكيل اومركز صيانه
بيتهرب من تغيير الفتيس

[tam77]

السلام عليكم:
لو تسمحولى أحكى القصة الأتية حتى يستفيد منها الجميع:
أنا عندى عربية جيتا خليجى موديل 2010 ومن حوالى شهر ونص العربية ابتدت تعمل حاجات غريبة زى انى أجى اجيب Reverse العربية لا تستجيب وتبدأ علامة الفتيس تنور وتطفى وكمان ممكن فجأة وانا ماشى العربية تمور لوحدها
المهم انا عندى الكابل الخاص بيها وكنت جبته مرة وانا مسافر وبعد ما دخلت على كمبيوتر العربية لقيت المشكلة طبعا زى ما حضرتكم عارفين هى فتيس ال DSG
بعدها توجهت إلى وكيل العربية " إيجيبشن أوتوموتيف فرع أبو رواش" وقابلت هناك مهندس الإستقبال ومدير الصيانة و الحقيقة المفاجأة بالنسبة ليا إن المعاملة كانت محترمة جدا ووافقوا إنهم يكشفوا على العربية وتم إرسال بيانات السيارة إلى المانيا ونصحونا الإول نعمل Software Update للفتيس جايز يحل المشكلة ومشيت بعدها بالعربية يوم ولكن إتكررت المشكلة تانى فرجعت ليهم وطلبوا منى أسيب العربية يوم لحد ما يبعتوا تقارير كاملة عن حالة الفتيس لالمانيا
المهم بعدها بثلاثة أيام والعربية كانت معايا إتصل بيا مهندس الإستقبال وقالى إن رد ألمانيا إنه لازم الفتيس كله يتغير وإن شحن الفتيس الجديد هياخد 3 أسابيع وقلتلهم ماشى
الخميس اللى فات جالى إتصال إن الفتيس وصل ورحت التوكيل وقعدت العربية يومين لحد ما ركبوا الفتيس الجديد وماخدوش ولا مليم على الرغم من إن العربية خليجى بس ألمانيا قالت إنها ليها Delivery Date على السيستم وبالتالى هى داخل الضمان
وإحقاقا للحق ولوجه الله تعالى أنا بأشكر الوكيل فى مصر لأنهم ساعدونى كتير ولأنى أنا شخصيا كنت بهاجمهم كتير قبل كده على بعض مواقفهم السلبية
وكمان عايز أنصح أى أخ عنده مشكلة فى الفتيس يرجع أول حاجة للوكيل وأن شاء الله تتحل
بالمناسبة اللى انا سمعته إن المشكلة دى كانت فى اول دفعة من العربيات واللى انا اشتريت واحدة منهم وان المشكلة غير موجودة بالفتيس الDSG المعدل
مرة ثانية: شكرا وكيل فولكس فاجن بمصر

الكلام داه غريب واحد صاحبى معاه جيتا 2010 خليجى والفتيس باز والتوكيل رفض يركب واحد جديد الا لو دفع 71 ألف جنية
بس لو كان غيرولك الفتيس يبقى برافو عليك

[Nilesat]

انا مش معايا جيتا بس سؤال قصدهم ايه بDelivery Date ؟

ال Delivery Date هو التاريخ اللى أنا إشتريت فيه العربية

[Nilesat]

طب ازاى انا التوكيل مش راضى يدخل العربيه تعمل صيانه اصلا الا بعد دفع 7500 جنيه !! جيتا 2009 خليجى

حضرتك فى حاجة دلوقتى فى التوكيل إسمها ال Exclude List ودى قائمة على حسب ما أنا عرفت من الوكيل بأرقام شاسيهات العربيات اللى المصنع بألمانيا طلب من الوكيل إنه يدخلها بدون أى مصروفات وهى تقريبا كلها موديل 2010 لأن المصنع شايف إنها جايز تظهر فيها مشاكل من الفتيس

[M.Mostafa80]

ويعنى هى بقيت العربيات اللى ظهر فيها المشكله من مصنع كفر البلاص ماهى عربيات فولكس بردو فى حلقه مفقوده فى الموضوع

[tareksh]

حضرتك فى حاجة دلوقتى فى التوكيل إسمها ال Exclude List ودى قائمة على حسب ما أنا عرفت من الوكيل بأرقام شاسيهات العربيات اللى المصنع بألمانيا طلب من الوكيل إنه يدخلها بدون أى مصروفات وهى تقريبا كلها موديل 2010 لأن المصنع شايف إنها جايز تظهر فيها مشاكل من الفتيس

اذا كان كلام حضرتك صحيح كان من باب اولى ان يطلب المصنع من الوكيل ان يدخل عربيات 2009 بداية ظهور مشكلة الفتيس ولا عربيات 2009 مصنوعه تحت السلم المصنع رفض يعترف بتصنيعها واعترف بتصنيع موديلات 2010

[hany63]

طب حضرتك هاتعمل ايه لو لاقدر الله و الفتيس باظ تاني بعد سنه و العربيه عدت الضمان
ياجماعه انتو عمالين تتكلموا عن الوكيل ومش واخدين بالكوا ان الفتيس عمره الافتراضي سنه فقط لاغير يعني ما حصلش فتيس توك توك و لعلمكوا المشكله مااتحلتش ولا حاجه عشان من الاخر الموضوع مالوش حل
الحكايه ان كانت العربيات في 2009 بتنزل بفتيس بايظ ما بيقعدش 4000 كم على بعض ففعدلوا طقم الدبرياج وبقى يعمل 25000 كم في المتوسط وده اخرهم حتى لو قعدنا ميت سنه او ينزلوا فتيس بتصميم جديد

[tareksh]

انا الفتيس باظ معايا بعد 6 شهور واعرف واحد كان معاه باسات باظ فتيس عربيته وهو خارج من التوكيل وكان حاجز عربيته ولسه مستلمها وحملها ورجع بيها تانى قالوله سيبها اما نبعت تقرير لالمانيا بالفتيس وهى لسه مانمرتش وغيرولوا الفتيس داخل الضمان