مساعده باسات موديل 2000

[ahmedelfeky]

بسم الله الرحمن الرحيم
انا جبت باسات 1600 سى سى موديل 2000
عايز اظبط فيها شويه حاجات كده عشان الى كانت معاه العربيه مكنش مهتم بيها
انا عايز اعرف اجيب قطع غيار جديده من فين
انا من طنطا وكمان عايز ميكانيكى كويس وشاطر وعنده ضمير
وكمان كهربائى كويس
حتعبكم معايا انا عايز مرايه يمين وشويه حاجات كده الارجح حيكونو استيراد لو حد يعرف حد كويس اتعامل معاه يقلى عليه وعايز اظبط العافشه واربطها واشوف لو فيها حاجه عايزه تتغير
وكمان عايز اغير الزيت بس محتار احط زيت نوعه ايه وزيت الباور كمان وعايز اعرف الفتيس زيته بيتغير ولا يتزود وبس ونوعه ايه
وعايز فكره عن الاسعار بتاعه قطع الغيار والمطنعيات
انا عارف تعبتكو معايا

[ahmedelfeky]

محدش موجود ساعدنى ولا انا عايش فى كوكب لوحد

[Amr_650]

اللى اعرفهم ,,فى الحرفيين بس للاسف

[ahmedelfeky]

انا ممكن انزل الحرفين واعمل كل حاجه بس انا معرفش اى حاجه هناك فا لو ممكن توصفلى الطريق واروح لمين بس يكون امين وشاطر

[alkingwr]

انا عندي كهربائي وميكانيكي كويسين فى المنصورة بس ما اعرفش هي بعيدة عليك ولا لا بس لو قريبة منك ابعتلك رقم موبيله وتبقي تروحله

[Amr_650]

لا ,,دى مقدرش افيد فيها ,,لانى مش بتعامل مع حد ,, انا بروح ادور و اقارن و اشوف الاحسن وا خدو

[TOOLA]

بص فلا موضوع قطع الغيار, لازم تنزل و تسئل عند كذا واحد و تجيب الارخص (انتا بتتكلم فى قطع غيار خارجية فسهل انك تقيمها), بس عموما ان اشهر الكنت بتعامل معاهم هناك فى الاستيراد كان مجدى بيومى و الشهابى تقريبا (ده من سنتين ايام ما كام معايا البورا).
بالنسبة للورش فاشهرهم بس أغلاهم هوا هانى سمير ورا حديقة بدر فى جسر السويس, و فى واحد انا كنت بتعامل معاه شخصيا فاهم و أسعاره كوييسة و هوا الضبطلى عفشة عربيتى, اسمو ياسر و ده فى الشارع الورا مجدى بيومى و مجددى ممكن يدلك عليه, أو ابعتلى على الخاص لو محتاج تفاصيل اكتر هبعتلك رقم تليفونى.

[ahmedelfeky]

بص فلا موضوع قطع الغيار, لازم تنزل و تسئل عند كذا واحد و تجيب الارخص (انتا بتتكلم فى قطع غيار خارجية فسهل انك تقيمها), بس عموما ان اشهر الكنت بتعامل معاهم هناك فى الاستيراد كان مجدى بيومى و الشهابى تقريبا (ده من سنتين ايام ما كام معايا البورا).
بالنسبة للورش فاشهرهم بس أغلاهم هوا هانى سمير ورا حديقة بدر فى جسر السويس, و فى واحد انا كنت بتعامل معاه شخصيا فاهم و أسعاره كوييسة و هوا الضبطلى عفشة عربيتى, اسمو ياسر و ده فى الشارع الورا مجدى بيومى و مجددى ممكن يدلك عليه, أو ابعتلى على الخاص لو محتاج تفاصيل اكتر هبعتلك رقم تليفونى.

تسلم على الرد معلش مكنتش متابع النت ان شاء الله انزل اعمل الشغل الى عايز