حشتري بوينتر 2005 وعايز نصيحة

[ahmed_fawzy0]

يا شباب ان شاء الله حشتري بوينتر 2005 وعايز نصيحة العربية ده أخبارها وقطع غيارها متوفرة ولا لأ

لو حد عنده معلومة يقولي من فضلكم وفين ورش الصيانة بتاعتها

[mido_antouhh]

انا اسف بس بجد
العربيه دى من اسوء العربيات الى نزلت فى مصر من فولكس لاسباب كتير
عدم توافر قطع الغيار سواء فى محلات قطع الغيار او توكيل فولكس
انتصحك بلاش المغامره ديه
انصحبك ببولو 2001
او جولف 2000
وبلاش البوينتر
لعدم انتشارها

[devilavokate]

العربية دى مع واحد صاحبى بصرارحة عربية جامده جدا فى الججرى و الشد و الثبات و كل حاجه

انا من الاسكندرية و حاجتها موجوده يعنى مش بيتعب فيها

[kazoza1]

والله قبل ما اشترى سألت حد من عند م هانى عصمت قالى ابعد عنها لانها عربيه فاشله

[ahmed_fawzy0]

انا بشكر الشباب اللي رد بس كنت عايز اسأل الناس اللي قالت ابعد عنها وعربية فاشلة وأسواء عربية ممكن حد يقولي ليه هي عربيه فاشلة واسواء عربية زي ما ديفل قال اسبابه فى انها عربية كويسة الثبات وتوافر قطع الغيار

وشكرا لمشاركتكم

[ata7daki]

بص يا استاذنا ......احكيلك اية الموضوع بأختصار شديد :
1- العربية برازيلي
2- عفشتها نشفة
3- الخامات الداخلية زفت !!! عن تجربة كل فتحات التكيف اتكسرت هي و الاكر الداخلية لانها بالاستك ردئ
4- الايدل بتاعها كان بيبوظ (العربية كانت بتعلي و توطي) لفيت علي كل المشايخ للاسف انسي مش موجود (في الاخر التوكيل 1000 جنية)
5-الفتيس زففففففففففففففففففت ، خشن جدا جدا جدا جدا
6- بارات الدركسيون بتتباع علي بعضها بالبيض لانهم مبيتفكوش (750 جنية )

كفاية كدة و لو عايز اسباب تاني قولي .... نصيحة ولا بوينتر و لا براتي و لا جول و دور علي الويب سايت بتاع فولكس مش هتلاقيهم اصلا

[xander]

!!!!!!!!!!!!!
العربيه معايا برنسيسه !
وابويا سافر بيها الصعيد يا جدعان ولا الهوا
وانا عامل بيها حادثه غشيمه والمفروض اغير ركبه يمين ومقص يمين
ومغيرتش والعفشه بقالها فوق ال 4 شهور بعد الحادثه ميه ميه !!!
مستغرب كلام الناس !!

[ahmed_fawzy0]

أنا فعلا اشتريت العربية من كام شهر - العربية كويسة فعلا محتاجه صنايعي محترم بيفهم والمشكلة اللي الناس بتقول عليها هي مشكلة قلة قطع الغيار بتاعتها بس فى ناس كتير اكدت ان كل حاجه حتلاقيها فى التوفيقية واللي مش موجود جديد تلاقيه استيراد من الحرفيين

[xander]

أنا فعلا اشتريت العربية من كام شهر - العربية كويسة فعلا محتاجه صنايعي محترم بيفهم والمشكلة اللي الناس بتقول عليها هي مشكلة قلة قطع الغيار بتاعتها بس فى ناس كتير اكدت ان كل حاجه حتلاقيها فى التوفيقية واللي مش موجود جديد تلاقيه استيراد من الحرفيين

مبروووووووووووووك
والله فرحتلك
احنا ف حدايق حلوان بعد ما جبت البوينتر لقيت امه جايباها :d
بس عربيه تستاهل
ظبط بقى زيت ومياه وفلاتر ومتشغلش بالك بحاجه بقى غير كل فتره ممكن تروح للميكانيكي بتاعك
ينضفلك بقى الماتور من جوه والاجزاء المسئوله عن السحب والرشاشات
بس كل فتره طويله مثلا 5 الاف او عشر الاف كيلو
عموما
الف مبروك يا بوب و
ربنا يباركلك فيها ويستر طريقك باذن الله ويحفظك من شر الطريق
..........
بالمناسبه : في اسعار ف التوفيقيه هتلاقيها غير الحرفيين
ف اسال هنا واسال هنا قبل ما تشتري واختار افضل سعر
ف التوفيقيه وشارع سليمان الحلبي اللي بعده اشهر ناس : عبد المسيح سلامه وفتح الباب والبطل
دول اللي فاكرهم
ابقى خد كروتهم واتصل بيهم اسال ع قطع غيارك قبل ما تنزل وربنا يكرمك ان شاء الله

[ahmed_fawzy0]

تسلم يا xander وشكرا على النصيحة والمعلومة بشأن قطع الغيار

[xander]

تسلم يا xander وشكرا على النصيحة والمعلومة بشأن قطع الغيار

تحت امرك يا غالي
وربنا ييسر لك طريقك باذن الله

[ersa]

يا ريت لو كنت اشريتها توقلنا رايك فيها

[egyptiandiver]

حضرتك الاول بتقول حشتري و بعدين بتقول اشتريت من كام شهر، مش عارف يمكن ضمير حضرتك مأنبك انك جبت حاجة و ممكن يكون فيها مشكلة ... ما علينا إيه الهدف إن الواحد فينا يجيب عربية محدودة الوجود؟ الواجهة الاجتماعية أو البرستيج؟ ماشي أو ممكن العربية نفسها كويسة مفيش مشكلة. بس عن نفسي أفضل اني أجيب عربية منتشرة عشان موجعش دماغي و أضيع وقتي و جهدي عشان أجيب حتة حديدة ولا كوتشا اسمها قطعة غيار لما تكون متوفرة يبقى تمام. مش متوفرة دور بقى و معاك ربنا و يا لقيت يا ما لقيتش .. و بكام و في حالة عدم وجود قطعة جديدة سوف تضطر حضرتك تجيب إستيراد في عربية عمرها 5-6 سنين أظن حرام امال بعد 3-4 سنين الوضع حيكون إيه؟ و إيه سعر إعادة البيع الله أعلم بردو؟ عموماً كل مشكلة و لها حل و أهو كلها عربيات و باربع كوتشات أهم حاجة تودينا و تجبنا بالسلامة و طالما اشتريت ربنا يبارك لحضرتك. تقبل مروري أخوك أحمد سامي