سؤال لاحباب بيتلز

[krash2020]

العربيه عندى بتجيب 70 بالعافيه وبجيب 80
بعد كدا بالخناق لما بتعدى
روحت لمكانيكى قالى عاوز طقم شنمر العربيه اصلا مش بتدخن الدخين الى هو انا اعرف ان الشنمبر بيتغير عشان بيسحب زيت من المتور والزيت عندى تمام وقالى عاوزه كامه مش عارف حاسس انه نصاب ....
وفى واحد بتاع قطع الغيار بيقولى يبمكن تبقى عاوزه دسك واسطزانه

اعمل ايه افيدونى ياهل الخبره

[beetleMOSH]

العربيه لو عايزه طقم شمبر هاتجرى عادى
بس هاتبقى بتجمع بسرعه و كبسها مش هايبقى حلو

ممكن تكون عايز تظبيطه كربراتير و طقم كهربا ولا حاجه
و ممكن لو العربيه بترجرج معاك فى الطلعه يبقى اسطوانه و ديسك

و ده على حسب معلوماتى المحدوده

استتنى برضه راى عمالقه البيتلز :)

[krash2020]

شكرا لك على المعلومه ويارب حد يقول رآيه زى حضرتك
مع العلم العربيه 1200 cc العربيه كانت معايا بتجرى ومافهاش مشكله مش عارز ايه الى حصل مره وحده وحاسس ان صوت الماتور عالى يبقى كدا عاوزه كامه زى مابيقول المكانيكى ولا ايه حد يفدنا ياجدعان ولو حد يعرف مكانيكى عنده ضمير يقول ما العلم انى من الهرم .

[krash2020]

محدش عاوز يفدنا انا مع الاسف خبرتى فى العربيه البيتلز قليله انا العربيه بقالى معاها 4 شهور لسه مستجد فى البيتلز مع اعنى بحب العربيه دى ومحترمها جدا العربيه الى معايا المانى الاصل وعفشتها زى ما هيا بشوكها المانى بس المشكله دى مش عارف اعمل ايه ودتها لمكانيكى قالى عاوزه طقم شنبر وكامه وحيكلف 1000 جنيه تقريبا مع انى مش مقتنع بكلامه ايه رايكم انتم يا اهل الخبره .

[asaeed]

يا باشا بإذن الله الموضوع يبقى بسيط ولا طقم شنبر ولا حاجة.
أنت روح للأسطى عاطف عبده فرج وهو هيعمل معاك الواجب.. وللعلم هو شخصية محترمة جدًااااا وأمين جداااااا ومبيشتغلش الزبون زي باقي الصنايعية، وده عن تجربة.

هو عند جراج أثر النبي بالضبط - الورشة بتاعته عند باب الجراج بالضبط على الشمال وتليفونه هو 01001467431
كلمه وهو بإذن الله يحللك المشكلة كلها من الألف للياء

وابقى طمني عملت إيه

[krash2020]

مش عارف اشكرك ازاى شكرا ليك يااحلى ناس فى اجمل منتدى ان شاء الله اروحله هو الجراج الى عند نزلة الدائرى المعادى الى بالعكس تمام كدا بس حضرتك تفتكر حيكون العيب من ايه الى عندى ده
... وان شاء الله اروحله الايام دى افضى نفسى واطلع على هناك باذن الله وربنا يستر

[Land_Cruiser]

خللى الميكانيكى بتاعك يفك الكاربيراتير و ينظفه بالبنزين و يغيرلك طقم الكهربا و ان شاء الله هتلاقيها فاقت و هتحس بيها من اول سحبه الاول

[krash2020]

ياريت بس مع الاسف انا ماليش مكانيكى معين اعرفه انا جايب العربيه بقالى 4 شهور لو حضرتك عارف مكانيكى قريب من الهرم تنصحنى به يبقى كتر الف خيرك واتمنى ان الموضوع يكون بسيط باذن الله

[asaeed]

مش عارف اشكرك ازاى شكرا ليك يااحلى ناس فى اجمل منتدى ان شاء الله اروحله هو الجراج الى عند نزلة الدائرى المعادى الى بالعكس تمام كدا بس حضرتك تفتكر حيكون العيب من ايه الى عندى ده
... وان شاء الله اروحله الايام دى افضى نفسى واطلع على هناك باذن الله وربنا يستر

عمومًا هو لو شغل كربراتير هيقول لك ولو شغل في كهربة الحربية هو يظبطهالك ولو حاجة تانية هيقوم بالواجب

[krash2020]

شكرا ليك ان شاء الله اروح واقولكم على الى حصل باذن الله

[ahmed_mido1889]

ممكن تكون عايزه ظبط تاكيهات مش اكتر

حصلت معايا قبل كده كانت بتجيب 60 بالعافيه

نضفت كربراتير وظبطت تاكيهات

العربيه بقت تجيب 110/120

مع العلم ان عربيتي فولكس فارينت مش بيتلز بس موتور بيتلز

[krash2020]

ربنا يطمنك يارب ويبقى الموضوع بسيط كدا بس الموتور عندى عالى وتحس ان الموتور بيكركر وبجيب معاها 70 بالعافيه معقول التاكيهات والكربراتير يعمله فى العربيه كل ده !!!! . على العموم انا حروح لمكانيكى يوم الاتنثين الى جاى ان شاء الله وياريت الحكايه تكون كدا بسيطه

[ahmed_mido1889]

التاكيهات لو مش مظبوطه تخنق الموتور

[krash2020]

معاك بس تخلى صوت الموتور مش مظبط وتخليه صوته عالى ؟

[Land_Cruiser]

معاك بس تخلى صوت الموتور مش مظبط وتخليه صوته عالى ؟

التاكيهات المفروض الميكانيكى يضبطها دوريا و خاصه مع دخول الشتاء و مع دخول الصيف بس زى ما قولتلك خللية ينظف الكاربيراتير. و يغير طقم الكهرباء و فلتر البنزين و بالنسبه لصوت الموتور العالى دى حاجه بسيطه و هتلاقى فيه بيك او مسمار صغير موجود تحت العمه عند الكاربيراتير بيوطى و يعلى الموتور و ممكن حتى تعرف مكانه و توطيه و تعليه بنفسك بس خللى بالك انه لو وطاه قوى ممكن العربيه تبطل منك فى الشتاء و تتعبك الصبح لما تيجى تدورها و احتمال كبير يكون الميكانيكى معليه قاصد علشان كده . هو غالبا ممكن البنزين اللى بتحطه فىه شوائب كتير و هتشوف ده بنفسك لما يغسل الكاربيراتير قدامك هتلاقى رمل و شوائب كتير. على فكره ده شوفته مع العلم أنى كنت باحط بنزين ٩٢ و ربنا يكون فى عون العربيات الجديده و الانجكشن اللى بيتسد من الشوائب ديه